Esaya 15:1-9
15 Ku avanyisiwa ka Mowabu:+ Hikuva nivusiku u tekeriwe leswi nga swa yena, Ara+ wa Mowabu u miyetiwile. Hikuva nivusiku u tekeriwe leswi nga swa yena, Kiri+ wa Mowabu u miyetiwile.
2 U tlhandlukele eNdlwini ni le Diboni,+ etindhawini leti tlakukeke, eku rileni. Mowabu u rilela Nebo+ na Medeba.+ Tinhloko hinkwato leti nga eka yena i mpandla;+ malepfu hinkwawo ma tsemetiwile.
3 Eswitarateni swa yena va tikhame hi nguvu yo khwaxa.+ Ehenhla ka malwangu+ ya kona ni le mintsendzeleni ya kona va kolola hinkwavo, va rila hi xiviti.+
4 Hexiboni na Eliyale+ va huwelela. Rito ra vona ri twiwe ku ya fika eYahasa.+ Hi yona mhaka leyi vavanuna lava hlomeke va Mowabu va tshamelaka ku huwelela. Moya-xiviri wa yena wu rhurhumerile endzeni ka yena.
5 Mbilu ya mina yi rilela Mowabu.+ Vabaleki va kona va fike ni le Sowara+ ni le Egilata-xelixiya.+ Hikuva exigangeni xa Luhiti+—un’wana ni un’wana u tlhandlukela kona a ri karhi a rila; hikuva endleleni leyi yaka eHoronayima+ va pfuxa xirilo xa maxangu.
6 Hikuva mati ya Nimirimi+ ma va ku onhetela lokukulu. Hikuva byanyi bya rihlaza byi omile, byanyi byi herile; a ku na nchumu xa rihlaza.+
7 Hi yona mhaka leyi leswi nga sala ni nhundzu ya vona leyi va yi hlayiseke, va hambetaka va swi teka va swi tsemakanyisa nkova wa murhi wa phopla.
8 Hikuva xirilo xi rhendzeleke ni ndhawu ya Mowabu.+ Ku kolola ka kona ku fika aEgilayimi; ku kolola ka kona ku fika ni le Bera-elimi,
9 hikuva mati ya Damone ma tele ngati. Hikuva ehenhla ka Damone ndzi ta veka swilo leswi engetelekeke, ku fana ni nghala eka vabaleki va Mowabu lava balekaka ni lava seleke etikweni.+
