Ezekiyele 9:1-11
9 A ya emahlweni a huwelela etindleveni ta mina hi rito lerikulu, a ku: “Lava va nyikelaka nyingiso emutini a va tshinele, un’wana ni un’wana a khome tlhari ra ku lovisa!”
2 Waswivo, a ku ri ni vavanuna va tsevu lava a va huma etlhelweni ra nyangwa ya le henhla+ leyi languteke en’walungwini, un’wana ni un’wana a khome tlhari ra ku pfotlosela; a ku ri ni munhu un’wana exikarhi ka vona la ambaleke ntsembyana,+ emasengeni yakwe a a ri ni rimhondzo ra matsalana ro chela inki, hiloko va nghena, va yima etlhelo ka alitari ya koporo.+
3 Loko ku ri ku vangama ka Xikwembu xa Israyele,+ a ku susiwile ehenhla ka makerubu+ lawa a ku ri ehenhla ka wona enyangweni ya yindlu,+ kutani a huwelela munhu loyi a a ambale ntsembyana,+ loyi emasengeni yakwe a a ri ni rimhondzo ra matsalana ro chela inki.
4 Yehovha a ya emahlweni a ku eka yena: “Tsemakanya exikarhi ka muti, exikarhi ka Yerusalema, u fungha mimombo ya vanhu lava va nga ni nhlomulo, lava va konyaka+ hikwalaho ka swilo hinkwaswo leswi nyenyetsaka leswi endliwaka exikarhi ka wona.”+
5 Kutani a byela lavan’wana, mina ndzi yingisile a ku: “Tsemakanyani emutini endzhaku ka yena, mi dlaya. Tihlo ra n’wina ri nga vi na nsovo, mi nga vi na ntsetselelo.+
6 Mi fanele mi dlaya munhu la kuleke, jaha ni nhwana ni n’wana lontsongo ni vavasati+—mi va lovisa. Kambe mi nga tshineli eka munhu un’wana ni un’wana la nga ni mfungho,+ mi fanele mi sungula evukwetsimelweni bya mina.”+ Hiloko va sungula hi vavanuna lava kuleke lava a va ri emahlweni ka yindlu.+
7 A ya emahlweni a ku eka vona: “Thyakisani yindlu, mi tata swivava hi vanhu lava va dlayiweke.+ Yanani!” Hiloko va ya, va dlayetela emutini.
8 Kuteloko va dlayetela, mina ndzi sala, ndzi wa hi xikandza,+ ndzi huwelela ndzi ku: “Oho,+ Wena Yehovha, Hosi leyi Lawulaka! Xana u lovisa hinkwavo lava seleke va Israyele u ri karhi u chulula vukarhi bya wena ehenhla ka Yerusalema?”+
9 Hiloko a ku eka mina: “Xihoxo xa yindlu ya Israyele na Yuda+ i xikulu ngopfu swinene,+ naswona tiko ri tele ku halata ngati,+ muti wu tele vuhomboloki;+ hikuva va te, ‘Yehovha u ri siyile tiko leri,+ Yehovha a nga voni.’+
10 Na mina, tihlo ra mina a ri nge vi na nsovo,+ naswona a ndzi nge vi na ntsetselelo.+ Kunene ndlela ya vona ndzi ta yi tisa enhlokweni ya vona.”+
11 Waswivo, munhu la ambaleke ntsembyana, loyi a a ri ni rimhondzo ro chela inki emasengeni, a vuyisa rito, a ku: “Ndzi endle hilaha u ndzi leriseke hakona.”+
