Nehemiya 13:1-31
13 Esikwini rero a ku hlayiwa+ buku+ ya Muxe vanhu va yingisile; naswona ku kumiwe ku tsariwe leswaku Muamone+ ni Mumowabu+ a va fanelanga va nghena enhlengeletanweni ya Xikwembu xa ntiyiso hilaha ku nga riki na makumu,+
2 hikuva a va va hlanganisanga vana va Israyele hi xinkwa+ ni mati,+ kambe va thole Balama+ leswaku a va rhuketela.+ Hambiswiritano, Xikwembu xa hina xi hundzule ndzhukano wu va nkateko.+
3 Hi ku hatlisa loko va twa nawu,+ va sungula ku hambanisa+ mintlawa hinkwayo leyi hlanganeke, yi hambana na Israyele.
4 Emahlweni ka leswi, Eliyaxibi+ lowa muprista loyi a a langutela holo yo dyela+ eka yona ya yindlu ya Xikwembu xa hina a a ri xaka ra Tobiya;+
5 a n’wi endlela holo leyikulu yo dyela eka yona,+ leyi eku sunguleni a va hambeta va veka eka yona gandzelo ra mavele,+ murhi wa risuna ni swingolongondzwana ni vukhume bya mavele, vhinyo leyintshwa+ ni mafurha,+ leswi a swi tamerisiwe Valevhi+ ni vayimbeleri ni varindzi va tinyangwa, ni munyikelo wa vaprista.
6 Enkarhini lowu hinkwawo a ndzi nga ri kona eYerusalema, hikuva elembeni ra vu-32+ ra Atazekiseki+ hosi ya Babilona, ndzi fike ehosini, kutani endzhakunyana, ndzi kombela ku suka ehosini.+
7 Kutani ndzi fike eYerusalema ndzi vona vubihi lebyi Eliyaxibi+ a byi endleke eka Tobiya+ hi ku n’wi endlela holo exivaveni xa yindlu+ ya Xikwembu xa ntiyiso.
8 Swi vonake swi bihe ngopfu eka mina.+ Kutani ndzi lahlela+ nhundzu hinkwayo ya yindlu ya Tobiya ehandle ka holo yo dyela eka yona.
9 Endzhaku ka sweswo ndzi vule rito kutani va basisa+ tiholo to dyela eka tona;+ ndzi veka swingolongondzwana+ swa yindlu ya Xikwembu xa ntiyiso kwalaho, swin’we ni gandzelo ra mavele ni murhi wa risuna.+
10 Ndzi kume leswaku Valevhi a va nyikiwanga swiphemu swa vona,+ lerova Valevhi ni vayimbeleri lava a va endla ntirho a va famba, ha un’we a ya ensin’wini yakwe.+
11 Ndzi sungule ku sola+ vafumi+ lava nga khomela, ndzi ku: “Hikwalaho ka yini yindlu ya Xikwembu xa ntiyiso yi honisiwile?”+ Hiloko ndzi va hlengeleta ndzi va yimisa endhawini ya vona yo yima eka yona.
12 Kutani loko ku ri Yuda hinkwaro, ri tise vukhume+ bya mavele+ ni bya vhinyo leyintshwa+ ni bya mafurha+ evuhlayiselweni.+
13 Hiloko ndzi veka Xelemiya lowa muprista na Sadoki lowa mukopi na Pedaya wa Valevhi leswaku va langutela vuhlayiselo; a ku lawula Hanani n’wana wa Zakuru, n’wana wa Mataniya,+ hikuva a va langutiwa va tshembekile;+ a swi averiwa+ vamakwavo swi suka emavokweni ya vona.
14 Oho Xikwembu xanga, ndzi tsundzuke+ malunghana ni leswi, naswona u nga swi herisi+ swiendlo swa mina swa musa wa rirhandzu leswi ndzi swi endleke leswi khumbaka yindlu+ ya Xikwembu xanga ni ku rindziwa ka yona.
15 Emasikwini wolawo ndzi vone vanhu eYuda lava pyanyaka swikamelo swa madiriva hi savata,+ va tisa tinhulu ta mavele va ti rhwexe+ timbhongolo,+ ni vhinyo, madiriva ni makuwa+ ni ndzhwalo wa muxaka wun’wana ni wun’wana, va swi tisa eYerusalema hi siku ra savata;+ ndzi sungula ku nyikela vumbhoni lebyi kanetanaka na vona esikwini leri a va xavisa swakudya ha rona.
16 Lava a va huma eTiri+ a va tshama emutini, va tisa tinhlampfi ni bindzu ra mixaka hinkwayo,+ va xavisa hi savata, va xavisela vana va Yuda ni le Yerusalema.
17 Kutani ndzi sungula ku sola vanhu va xiyimo xa le henhla+ va Yuda, ndzi ku eka vona: “I yini swilo leswi swo biha leswi mi swi endlaka, mi nyamisaka siku ra savata ha swona?
18 Xana a hi yona ndlela leyi vatata wa n’wina va endleke ha yona,+ lerova Xikwembu xa hina xi tisa makhombo+ lawa hinkwawo ehenhla ka muti lowu? Kambe, mi engetela ku hlundzuka lokukulu eIsrayele hi ku nyamisa savata.”+
19 Hi ku hatlisa loko ri sungula ku mphumela etinyangweni ta Yerusalema savata yi nga si fika, xikan’we-kan’we ndzi vula rito kutani tinyangwa ti pfariwa.+ Ndzi vula leswaku va nga ti pfuli kukondza ku va endzhaku ka savata; ndzi veka vatirhi va mina van’wana etinyangweni, leswaku ku nga ngheni ndzhwalo hi siku ra savata.+
20 Hiloko vabindzuri ni vaxavisi ni lava va bindzulaka hi tindlela ta muxaka wun’wana ni wun’wana va etlela ehandle ka Yerusalema kan’we na kambirhi.
21 Kutani ndzi nyikela vumbhoni+ lebyi kanetanaka na vona, ndzi ku eka vona: “Hikwalaho ka yini mi etlela ekusuhi ni rirhangu? Loko mo tlhela mi swi endla, ndzi ta veka voko ehenhla ka n’wina.”+ Ku sukela esikwini rero a va ha tlhelanga va ta hi savata.
22 Ndzi ya emahlweni ndzi byela Valevhi+ leswaku va fanele va titengisa+ nkarhi hinkwawo, va rindza tinyangwa+ leswaku va hlawulekisa+ siku ra savata. Oho Xikwembu xanga, ni leswi swi tsundzuke+ eka mina, naswona vana ni nsovo eka mina hikwalaho ka ku tala ka musa wa wena wa rirhandzu.+
23 Nakambe, esikwini rero ndzi vone Vayuda lava a va tshama+ ni vavasati va Vaaxidodo,+ Vaamone ni Vamowabu.+
24 Loko ku ri vana va vona, hafu ya vona a va vulavula Xiaxidodo, a a nga ri kona eka vona la tivaka ku vulavula Xiyuda,+ kambe a va vulavula ririmi ra vanhu van’wana.
25 Ndzi sungule ku va sola, ndzi tisa ndzhukano eka vona,+ ndzi ba van’wana va vona ni ku tsuvula misisi ya vona,+ ndzi va hlambanyisa hi Xikwembu:+ “Mi nga tshuki mi nyiketa vana va n’wina va vanhwanyana eka vana va vona va majaha, naswona mi nga tshuki mi amukela vana va vona va vanhwanyana va va va vana va n’wina kumbe va n’wina.+
26 Xana Solomoni hosi ya Israyele a nga dyohanga hikwalaho ka leswi?+ Exikarhi ka matiko yo tala a ku vanga ni hosi leyi fanaka na yena;+ a a rhandza Xikwembu xakwe,+ lerova Xikwembu xi n’wi veke a va hosi ya tiko hinkwaro ra Israyele. Vasati vambe va n’wi dyohisile.+
27 Xana a hi nchumu lowu hi wu tweke leswaku n’wina mi endle vubihi lebyi lebyikulu swonghasi hi ku endla hi ku pfumala ku tshembeka eka Xikwembu xa hina hi ku tshamisa vasati vambe?”+
28 Kutani un’wana wa vana va Yoyada+ n’wana wa Eliyaxibi+ muprista lonkulu a a ri mukon’wana wa Sanibalati+ lowa Muhoroni.+ Hiloko ndzi n’wi hlongola eka mina.+
29 Oho Xikwembu xanga, va tsundzuke hikwalaho ka ku nyamisiwa+ ka ntwanano+ wa vuprista ni wa Valevhi.+
30 Hiloko ndzi va tengisa+ eka hinkwaswo leswi nga swimbe, kutani ndzi nyika vaprista ni Valevhi mintirho, ha un’we ntirho wakwe,+
31 hambi ku ri nyandza ya tihunyi+ hi minkarhi leyi vekiweke ni swirhangana swa mihandzu leyi wupfeke.
Oho Xikwembu xanga, ndzi tsundzuke,+ hi vunene.+
