Vaefesa 1:1-23
1 Mina Pawulo, muapostola+ wa Kreste Yesu hi ku rhandza+ ka Xikwembu, eka vakwetsimi lava nga aEfesa ni lavo tshembeka+ lava nga ni vun’we+ na Kreste Yesu:
2 Onge mi nga va ni musa lowu nga faneriwiki+ ni ku rhula+ loku humaka eka Xikwembu Tata wa hina ni le ka Hosi Yesu Kreste.
3 A ku dzunisiwe Xikwembu tlhelo Tata wa Hosi ya hina Yesu Kreste,+ hikuva xi hi katekise+ hi nkateko wun’wana ni wun’wana wa moya etindhawini ta le tilweni+ evun’weni na Kreste,
4 hilaha xi hi hlawuleke+ hakona evun’weni na yena misava yi nga si va kona,+ leswaku hi kwetsima ni ku pfumala xisolo+ emahlweni ka xona hi rirhandzu.+
5 Hikuva xi hi hlawule ka ha ri emahlweni+ leswaku hi vekiwa+ hi va vana+ eka xona hi Yesu Kreste, hi ku ya hi ku rhandza ka xona,+
6 hi ku dzunisa+ musa wa xona lowu nga faneriwiki+ lowu vangamaka lowu xi hi nyikeke wona hi musa hi ku tirhisa murhandziwa wa xona.+
7 Ha yena hi ni ku ntshunxiwa hi nkutsulo hi ngati+ ya yena, ina, ku rivaleriwa+ ka swivi swa hina, hi ku ya hi rifuwo ra musa wa xona lowu nga faneriwiki.+
8 Xi endle leswaku leswi swi tala eka hina hi vutlhari+ hinkwabyo ni mianakanyo leyinene,
9 hi ku hi tivisa xihundla xo kwetsima+ xa ku rhandza ka xona. Swi fambisana ni leswi tsakeriwaka hi xona hi ku ya hi xikongomelo xa xona+
10 leswaku ku va ni vukongomisi+ eku heleni ka minkarhi leyi vekiweke,+ bya ku hlengeleta+ swilo hinkwaswo nakambe eka Kreste,+ swilo swa le tilweni+ ni swilo swa le misaveni.+ Ina, eka yena,
11 evun’weni ni loyi hi tlheleke hi averiwa ku va vadyandzhaka+ na yena, leswi hi vekiweke hi ku ya hi xikongomelo xa loyi a endlaka swilo hinkwaswo hi ku landza ndlela leyi ku rhandza ka yena ku kongomisaka ha yona,+
12 leswaku hi tirhela ku dzunisa ku vangama+ ka yena, hina lava hi veke vo sungula ku va ni ntshembo eka Kreste.+
13 Kambe na n’wina mi ve ni ntshembo eka yena endzhaku ka ku twa rito ra ntiyiso,+ mahungu lamanene malunghana ni ku ponisiwa+ ka n’wina. Hikwalaho ka yena nakambe, loko mi khorwile, mi funghiwile+ hi moya lowo kwetsima+ lowu tshembisiweke,
14 lowu wu nga mfungho+ wa le mahlweni wa ndzhaka+ ya hina, hi xikongomelo xa ku ntshunxa hi nkutsulo+ nhundzu+ ya xona [Xikwembu], leswaku xi vongiwa hilaha ku vangamaka.
15 Hi yona mhaka leyi na mina, ku sukela loko ndzi twile hi ta ripfumelo leri mi nga na rona eka Hosi Yesu ni le ka vakwetsimi+ hinkwavo,
16 ndzi nga tshikangiki ku nkhensa hikwalaho ka n’wina. Ndzi hambeta ndzi vulavula hi n’wina eswikhongelweni+ swa mina,
17 leswaku Xikwembu xa Hosi ya hina Yesu Kreste, Tatana wa ku vangama, xi ta mi nyika moya wa vutlhari+ ni wa ku hlavuteriwa leswaku mi xi+ tiva hilaha ku kongomeke;
18 leswi mahlo+ ya timbilu ta n’wina ma voningeriweke,+ leswaku mi ta tiva ntshembo+ lowu xi mi vitaneleke eka wona, leswi rifuwo+ leri vangamaka ri nga swona leri xi ri khomeke leswaku ri va ndzhaka ya vakwetsimi,+
19 ni leswi vukulu lebyi tlakukeke bya matimba+ byi nga swona eka hina vapfumeri. Byi fambisana+ ni matirhelo ya vukulu bya ntamu wa xona,
20 lawa xi tirhiseke wona malunghana na Kreste loko xi n’wi pfuxa eka lava feke+ kutani xi n’wi tshamisisa evokweni+ ra xona ra xinene etindhawini+ ta le tilweni,
21 ehenhla swinene ka hulumendhe yin’wana ni yin’wana ni vulawuri ni matimba ni vuhosi+ ni vito rin’wana ni rin’wana leri vitaniwaka,+ ku nga ri eka mafambiselo lawa ya swilo+ ntsena, kambe ni le ka lama taka.+
22 Xi tlhele xi veka swilo hinkwaswo ehansi ka milenge+ ya yena, kutani xi n’wi endla nhloko ya swilo+ hinkwaswo evandlheni,
23 leri nga miri+ wa yena, ku tala+ ka loyi a tatisaka swilo hinkwaswo eka hinkwaswo.+
