Yobo 39:1-30
39 “Xana wa wu tiva nkarhi lowu vekiweke wa ku veleka ka timbavala ta maribye ta le ntshaveni?+Xana wa wu xiya nkarhi lowu timhunti ti khomiwaka hi ku lun’wa+ ka ku veleka?
2 Xana wa ti hlaya tin’hweti ta ku rhendzeleka ka n’weti leti ti ti hetaka,Kumbe, xana wa wu tiva nkarhi lowu vekiweke lowu ti velekaka ha wona?
3 Ta nkhinsama loko ti tswala swimhuntana swa tona,Loko ti herisa switlhavi swa tona.
4 Vana va tona va tiyela, va kula enhoveni;Entiyisweni va famba va nga ha vuyeli eka tona.
5 I mani la ntshunxaka mangwa,+La ntshunxaka switsimbo swa mbhongolo ya nhova,
6 Leyi yindlu ya yona ndzi yi vekeke etimbaleni ta le kwandzasiniLeyi tshamaka etikweni ra munyu?+
7 Yi hleka ku pfilunganyeka ka muti;A yi yi twi huwa ya muhloti.+
8 Yi rhendzeleka etintshaveni leswaku yi kuma madyelo ya yona+Yi landzelela ximilana xin’wana ni xin’wana xa rihlaza.+
9 Xana nkunzi yo leva ya swi lava ku ku tirhela,+Kumbe yi nga etlela exidyelweni xa wena?
10 Xana u nga boha nkunzi yo leva yi tiya hi mapindza emugerhweni,Kumbe yi nga faya mabuwu+ ya timbala ta le hansi yi ku landzela?
11 Xana u nga tshembela eka yona hikuva yi ri ni matimba lamakulu,Xana u nga siya ntirho wa wena eka yona?
12 Xana u nga tshembela eka yona leswaku yi vuyisa mbewu ya wenaNileswaku yi yi hlengeleta exivuyeni xa wena?
13 Xana rimpiko ra yinca ya mbhaha ri kavate hi ku tsaka,Kumbe yi ni timpapa ni tinsiva ta ntavila?+
14 Hikuva yi tshikela mandza ya yona emisaveniNaswona yi ma hlayisa ma kufumela emisaveni,
15 Naswona ya rivala leswaku nenge wo karhi wu nga ha ma pfotlosaKumbe ni xivandzana xa nhova xi nga ha ma pyanya.
16 Yi khoma vana va yona hi nsele, onge hiloko va nga ri va yona+—Yi tikarhatela swa hava, hikuva a yi chavi.
17 Hikuva Xikwembu xi endle leswaku yi rivala vutlhari,Naswona a xi yi avelanga ku twisisa.+
18 Nkarhi lowu yi kavatelaka timpapa ta yona ehenhla,Yi hleka hanci ni mugadi wa yona.
19 Xana u nga yi nyika hanci matimba?+Xana u nga ambexa nhamu ya yona hi ntshiva?
20 Xana u nga endla leswaku yi tlula ku fana ni njiya?Matimba ya mpfumawulo wa tinhompfu ta yona ma chavisa.+
21 Yi handza+ erivaleni ra le hansi, naswona yi khana hi matimba;Ya huma ku ya hlangana ni vuthu leri hlomeke.+
22 Ku chava ya ku hleka, naswona a yi tshukisiwi;+A yi tlheli hikwalaho ka banga.
23 Nkotloto wa miseve wa ketlaketla eka yona,Banga ni tlhari.
24 Yi handza misava hi ku ba swigingi ni ku tlula-tluleka,Naswona a yi kholwi leswaku i mpfumawulo wa nanga.
25 Hi ku hatlisa loko nanga yi pfuma, yi ri, Aha!Yi nun’hwetela nyimpi ya ha ri ekule swinene,Ni hasahasa ya varhangeri ni hungwe ra nyimpi.+
26 Xana wa swi twisisa leswaku ha yini xikhozana xi haha,Xi tharamula timpapa ta xona hi tlhelo ra mheho ya le dzongeni?
27 Kumbe, xana gama+ ri hahela ehenhla hikwalaho ka xileriso xa wenaNileswi ri akaka xisaka xa rona ehenhla swinene,+
28 Leswi ri tshamaka eribyeni naswona ri etlelaka konaEhenhla ka yinhla ya ribye ni le ndhawini leyi nga nghenekiki?
29 Ri fanele ri lava swakudya kwalaho;+Ekule laha mahlo ya rona ma vonaka kona.
30 Mavondlo ya rona ma hambeta ma nwa ngati;Naswona laha ku nga ni nchumu lowu dlayiweke, ri tshama ri ri kona.”+
