Yobo 9:1-35
9 Yobo a ya emahlweni a hlamula a ku:
2 “Entiyisweni ndza swi tiva leswaku swi tano.Kambe, xana munhu wa nyama a nga va la lulameke hi ndlela yihi emahlweni ka Xikwembu?+
3 Loko a tsakisiwa hi ku kanetana na xona,+A nge xi hlamuli ni kan’we loko xo n’wi vutisa ka 1 000.
4 Xi ni mbilu yo tlhariha naswona xi ni matimba lamakulu.+I mani la nga tinonon’hwisaka eka xona kutani a huma a nga vavisekanga?+
5 Xi susa tintshava,+ lerova vanhu va nga tivi nchumu ha tona,Xona lexi ti hluleke hi ku hlundzuka ka xona.+
6 Xi tsekatsekisa misava yi suka endhawini ya yona,Lerova tiphuphu+ ta yona ti rhurhumela.
7 Xi byela dyambu leswaku ri nga voningi,Naswona xi sirhelela tinyeleti hi xilemo,+
8 Xi tshambuluta matilo hi xoxe+Xi famba ehenhla ka magandlati lama tlakukeke ya lwandle;+
9 Xi endla nhlengeleto wa tinyeleti wa Axi, nhlengeleto wa tinyeleti wa Kesili,Ni nhlengeleto wa tinyeleti wa Kima ni makamara+ ya le mpfungwe eDzongeni;
10 Xi endla swilo leswikulu leswi nga lavisisekiki,+Ni swilo swo hlamarisa leswi nga hlayekiki.+
11 Waswivo! Xi hundza hi le ka mina naswona a ndzi xi voni,Xa famba xi ya emahlweni kambe a ndzi xi xiyi.+
12 Waswivo! Xa wutla. I mani la nga xi sivelaka?I mani la nga vulaka eka xona a ku, ‘U endla yini?’+
13 Xikwembu a xi nge ku tlherisi ku hlundzuka ka xona;+Vanhu lava pfunaka muhlaseri+ va fanele va xi nkhinsamela.
14 Swi tano ngopfu loko mina ndzi xi hlamula!Ndzi ta hlawula marito ya mina loko ndzi vulavula na xona,+
15 A ndzi nge xi hlamuli, hambiloko a ndzi lulamile hakunene.+Ndzi ta kombela tintswalo eka loyi a ndzi mangalelaka ehubyeni.+
16 Loko ndzi xi vitana, xana xi ta ndzi hlamula?+A ndzi kholwi leswaku xi ta ri yingisa rito ra mina;
17 Xona lexi ndzi pfotlosaka hi xidzedzeKunene xi endlaka timbanga ta mina ti tala ku nga ri na xivangelo.+
18 A xi nge endli leswaku ndzi hefemula moya lowuntshwa,+Hikuva xi tshamela ku ndzi dyisa swilo leswi bavaka.
19 Hi xona lexi nga ni matimba lamakulu;+Loko ku ri ni munhu la nga ni matimba emhakeni ya vululami, Onge ndzi nga vitaneriwa ehubyeni!
20 Loko a ndzi lulamile, nomu wa mina a wu ta ndzi vula lowo biha;Loko a ndzi pfumala xisandzu, a wu ta ndzi vula lowo homboloka.
21 Loko a ndzi pfumala xisandzu, a ndzi nga ta wu tiva moya-xiviri wa mina;A ndzi ta lan’wa vutomi bya mina.
22 Ku ni xilo xin’we. Hikwalaho ndza vula leswaku,‘La pfumalaka xisandzu, ni lowo homboloka, xa va herisa.’+
23 Loko mikhukhulo yi vanga mafu ya xitshuketa,Xi ta vungunya gome ra la pfumalaka nandzu.
24 Misava yi vekiwe evokweni ra lowo homboloka;+Xi funengeta xikandza xa vaavanyisi va yona.Loko swi nga ri tano, i mani munhu wa kona?
25 Ni masiku ya mina ma tsutsume swinene ku tlula mutsutsumi;+Ma balekile, kunene a ma nge swi voni leswinene.
26 Ma fambe ku fana ni mabyatso ya tinhlanga,Ku fana ni gama leri hahaka ri ya hala ni hala ri lava nchumu lowu ri nga wu dyaka.+
27 Loko ndzi te, ‘Ndzi rivala mhaka leyi ndzi karhataka,+Ndzi hundzula nghohe+ ya mina kutani ndzi tsaka,’
28 A ndzi chava switlhavi swa mina hinkwaswo;+Ndza swi tiva leswaku a wu nge ndzi vuli la pfumalaka nandzu.
29 Mina hi ndzexe ndzi ta va lowo homboloka.Hikwalaho ka yini ndzi tirha hi matimba kambe ndzi tirhela swa hava?+
30 Kunene loko ndzi tihlantswa hi mati ya gamboko,Kunene ndzi hlamba mavoko ya mina hi potaxi,+
31 Kutani u ta ndzi hoxa emugodini,Kunene tinguvu ta mina ti ta ndzi nyenya.
32 Hikuva xona a hi munhu+ ku fana na mina lerova ndzi nga xi hlamula,Leswaku hi nghena swin’we ehubyeni.
33 A nga kona munhu la nga endlaka xiboho exikarhi ka hina,+Leswaku a ta tlhandleka voko rakwe ehenhla ka hina.
34 A xi suse nhonga ya xona ehenhla ka mina,+Naswona ku chavisa ka xona, ku nga ndzi chavisi.
35 Inge ndzi vulavula ndzi nga xi chavi,Hikuva a ndzi munhu wo tano.
