Yohane 10:1-42
10 “Hakunene ndzi tiyisile ndzi ri eka n’wina, Loyi a nga ngheniki hi nyangwa+ etshangeni ra tinyimpfu kambe a khandziya hi ndhawu yin’wana, munhu yoloye i khamba ni muphangi.+
2 Kambe loyi a nghenaka hi nyangwa+ i murisi+ wa tinyimpfu.+
3 Mulanguteri wa nyangwa+ wa n’wi pfulela, kutani tinyimpfu+ ti yingisa rito rakwe, naswona u vitana tinyimpfu takwe hi mavito, a ti humesa.
4 Loko a ti humesile hinkwato ta yena, u famba emahlweni ka tona, kutani tinyimpfu ta n’wi landzela,+ hikuva ti tiva rito+ rakwe.
5 Mufambi a ti nge n’wi landzeli kambe ti ta n’wi balekela,+ hikuva a ti ri tivi rito ra vafambi.”+
6 Yesu a va byela xifananiso lexi; kambe a va yi kumanga nhlamuselo ya leswi a a va byela swona.+
7 Hikokwalaho Yesu a tlhela a ku: “Hakunene ndzi tiyisile ndzi ri eka n’wina, Hi mina nyangwa+ ya tinyimpfu.
8 Hinkwavo lava teke ematshan’weni ya mina i makhamba ni vaphangi;+ kambe tinyimpfu a ti va yingisanga.+
9 Hi mina nyangwa;+ un’wana ni un’wana la nghenaka ha mina u ta ponisiwa, naswona u ta nghena a tlhela a huma a kuma madyelo.+
10 Loko khamba+ ri ta, ri tela ku ta yiva ni ku dlaya ni ku lovisa.+ Ndzi tile leswaku va ta kuma vutomi ni leswaku va byi kuma hi xitalo.
11 Hi mina murisi lonene;+ murisi lonene u nyiketa moya-xiviri wakwe hikwalaho ka tinyimpfu.+
12 Munhu la thoriweke,+ loyi a nga riki murisi, loyi tinyimpfu ti nga riki ta yena, loko a vona mhisi yi ta u tshika tinyimpfu a baleka—kutani mhisi yi ti khoma, yi ti hangalasa+—
13 hikuva i munhu la thoriweke+ naswona a nga khathali hi tinyimpfu.+
14 Hi mina murisi lonene, naswona tinyimpfu ta mina ndza ti tiva ni tinyimpfu+ ta mina ta ndzi tiva,+
15 hilaha Tatana a ndzi tivaka hakona ni hilaha ndzi tivaka Tatana+ hakona; ndzi nyiketa moya-xiviri wa mina hikwalaho ka tinyimpfu.+
16 “Naswona ndzi ni tinyimpfu+ tin’wana, leti nga riki ta tshanga+ leri; na tona ndzi fanele ku ti tisa, ti ta yingisa rito+ ra mina, ti ta va ntlhambi wun’we, murisi+ a va un’we.
17 Hi yona mhaka leyi Tatana a ndzi rhandzaka,+ hikuva ndzi nyiketa moya-xiviri+ wa mina, leswaku ndzi tlhela ndzi wu kuma.
18 A ku na munhu loyi a wu tekeke eka mina, kambe ndzi wu nyiketa hi ku swi rhandza. Ndzi ni mfanelo ya ku wu nyiketa, naswona ndzi ni mfanelo ya ku tlhela ndzi wu kuma.+ Xileriso+ xa leswi ndzi xi kume eka Tatana.”
19 Ku tlhela ku va ni ku avana+ exikarhi ka Vayuda hikwalaho ka marito lawa.
20 Vo tala va vona a va ku: “U ni dimona,+ wa penga. Hikwalaho ka yini mi n’wi yingisela?”
21 Van’wana va ku: “Lawa a hi marito ya munhu la ngheniweke hi madimona. Dimona a ri nge ma pfuli mahlo ya vanhu lava va feke mahlo, a hi swona ke?”
22 Hi nkarhi wolowo a ku ri ni nkhuvo wa ku nyiketela eYerusalema. A byi ri vuxika,
23 naswona Yesu a a famba etempeleni erikupakupeni ra Solomoni.+
24 Hikokwalaho Vayuda va n’wi rhendzela ivi va ku eka yena: “Xana u ta tshika mimoya-xiviri ya hina yi ri empfhukeni ku fikela rini? Loko u ri Kreste,+ hi byele hi ku kongoma.”+
25 Yesu a va hlamula a ku: “Ndzi mi byerile, kambe a mi kholwi. Mintirho leyi ndzi yi endlaka hi vito ra Tatana, yi nyikela vumbhoni ha mina.+
26 Kambe a mi kholwi, hikuva a mi tinyimpfu+ ta mina.
27 Tinyimpfu+ ta mina ti yingisa rito ra mina, naswona ndza ti tiva, kutani ta ndzi landzela.+
28 Naswona ndzi ti nyika vutomi+ lebyi nga heriki, kutani a ti nge pfuki ti lovisiwile,+ naswona a nga kona loyi a nga ta ti wutla evokweni+ ra mina.
29 Leswi Tatana+ a ndzi nyikeke swona i nchumu lowukulu eka leswin’wana+ hinkwaswo, naswona a nga kona loyi a nga ti wutlaka evokweni ra Tatana.+
30 Mina na Tatana hi un’we.”+
31 Nakambe Vayuda va rhola maribye leswaku va n’wi khandla.+
32 Yesu a va angula a ku: “Ndzi mi kombe mintirho yo tala leyinene leyi humaka eka Tatana. Xana hi wihi ntirho lowu mi ndzi khandlelaka wona?”
33 Vayuda va n’wi hlamula va ku: “A hi ku khandleli ntirho lowunene, kambe hi ku khandlela xisandzu,+ ni hikwalaho ka leswi wena, u tiendlaka xikwembu,+ kasi u munhu.”
34 Yesu a va hlamula a ku: “Xana a ku tsariwanga eNawini+ wa n’wina leswaku, ‘Ndzi te: “Mi swikwembu”’?+
35 Loko a va vule ‘swikwembu’+ lava rito ra Xikwembu a ri kanetana na vona, kambe Tsalwa ri nga endliwi ra hava,+
36 xana mi byela mina loyi Tatana a n’wi kwetsimiseke ivi a n’wi rhuma emisaveni, mi ku, ‘Wa sandza,’ hikuva ndzi te, ndzi N’wana wa Xikwembu?+
37 Loko ndzi nga endli mintirho+ ya Tatana, mi nga ndzi kholwi.
38 Kambe loko ndzi yi endla, hambiloko mi nga ndzi kholwi, kholwani mintirho,+ leswaku mi tiva ni ku hambeta mi tiva leswaku Tatana u ni vun’we na mina naswona mina ndzi ni vun’we na Tatana.”+
39 Hikokwalaho va tlhela va ringeta ku n’wi khoma;+ kambe a va chupukela.+
40 Hiloko a tlhela a tsemakanya Yordani a ya endhawini leyi Yohane a a khuvula+ eka yona eku sunguleni, a tshama kona.
41 Kutani vanhu vo tala va ta eka yena, va ku: “Hakunene, Yohane a nga endlanga singita ni rin’we, kambe swilo hinkwaswo leswi Yohane a swi vuleke malunghana ni munhu loyi a swi ri ntiyiso hinkwaswo.”+
42 Kutani vo tala va pfumela eka yena kwalaho.+
