Tikronika To Sungula 24:1-31
24 Vatukulu va Aroni a va aviwe hi ku ya hi mitlawa ya vona: Vana va Aroni a ku ri Nadabu, Abihu,+ Eliyazara na Ithamara.+
2 Hambiswiritano, Nadabu na Abihu va fe tata wa vona a ha hanya+ naswona a va vanga ni vana; kambe Eliyazara+ na Ithamara va ye emahlweni va ri vaprista.
3 Hiloko Davhida na Sadoki+ lava humaka eka vana va Eliyazara na Ahimeleke loyi a humaka eka vana va Ithamara va sungula ku va ava hi mitlawa hi ku ya hi mitirho ya vona.
4 Leswi vana va Eliyazara a va ri ni tindhuna to tala ku tlula vana va Ithamara, va aviwe tano: Tindhuna ta mindyangu ya vana va Eliyazara a ti ri 16 kasi tindhuna ta vana va Ithamara a ti ri nhungu.
5 Kutani mitlawa hayimbirhi a yi aviwe hi vuhlolotwana*+ hikuva a ku ri ni tindhuna ta ndhawu yo kwetsima ni tindhuna ta Xikwembu xa ntiyiso leti a ti huma eka vana va Eliyazara ni le ka vana va Ithamara.
6 Hiloko Xemaya n’wana wa Nethanele matsalana wa Valevhi a tsala mavito ya vona emahlweni ka hosi, tihosana, muprista Sadoki,+ Ahimeleke+ n’wana wa Abiyatara+ ni tindhuna ta mindyangu ya vaprista ni ya Valevhi, ndyangu wa Eliyazara wu ve ni ndhuna ya wona ni ndyangu wa Ithamara wu va ni ndhuna ya wona.
7 Vuhlolotwana* byo sungula byi kombe Yoyaribi; bya vumbirhi byi komba Yedaya,
8 bya vunharhu byi komba Harimi, bya vumune byi komba Seyorimi,
9 bya vuntlhanu byi komba Malikiya, bya vutsevu byi komba Miyamini,
10 bya vunkombo byi komba Hakozi, bya vunhungu byi komba Abiya,+
11 bya vukaye byi komba Yexuwa, bya vukhume byi komba Xekaniya,
12 bya vu-11 byi komba Eliyaxibi, bya vu-12 byi komba Yakimi,
13 bya vu-13 byi komba Hupa, bya vu-14 byi komba Yexebiyabu,
14 bya vu-15 byi komba Biliga, bya vu-16 byi komba Imere,
15 bya vu-17 byi komba Heziri, bya vu-18 byi komba Hapisesi,
16 bya vu-19 byi komba Petahiya, bya vu-20 byi komba Yehezikeli,
17 bya vu-21 byi komba Yakini, bya vu-22 byi komba Gamuli,
18 bya vu-23 byi komba Delaya, bya vu-24 byi komba Masiya.
19 Leyi i ndlela leyi a va fanele va tirha ha yona+ loko va nghena endlwini ya Yehovha hi ku ya hi nawu lowu a wu vekiwe hi Aroni kokwa wa vona, hilaha Yehovha Xikwembu xa Israyele a n’wi leriseke hakona.
20 Valevhi van’wana lava seleke hi lava: eka vana va Amirama+ a ku ri na Xubayele;+ eka vana va Xubayele a ku ri na Yehedaya;
21 eka Rehabiya:+ eka vana va Rehabiya, Ixaya loyi a a ri ndhuna;
22 eka Vaizihara, Xelomoto;+ eka vana va Xelomoto, Yahata;
23 eka vana va Hebroni, Yeriya+ loyi a a ri ndhuna, Amariya a va wa vumbirhi, Yahaziyele a va wa vunharhu, Yekamiyamu a va wa vumune;
24 eka vana va Uziyele, Mikiya; eka vana va Mikiya, Xamiri.
25 Makwavo wa Mikiya a ku ri Ixaya; eka vana va Ixaya, Zakariya.
26 Vana va Merari+ a ku ri Maheli na Muxi; eka vana va Yaziya, Beno.
27 Eka vana va Merari: Yaziya a a ri tata wa Beno, Xohamu, Zakuru na Ibri;
28 eka Maheli, a ku ri na Eliyazara kambe a nga vanga na vana va majaha;+
29 eka Kixi: vana va Kixi, Yeramiyele;
30 vana va Muxi a ku ri Maheli, Edere na Yerimoto.
Lava a ku ri vana va Levhi hi ku ya hi tindhuna ta mindyangu ya vona.
31 Na vona va hoxe vuhlolotwana*+ hilaha vamakwavo ku nga vana va Aroni va endleke hakona, emahlweni ka Hosi Davhida, Sadoki, Ahimeleke ni tindhuna ta mindyangu ya vaprista ni Valevhi. Eka tindhuna ta mindyangu, lonkulu a a fana ni lontsongo.
