Tikronika To Sungula 4:1-43
4 Vana va Yuda a ku ri Faresi,+ Hezroni,+ Karimi, Huru+ na Xobali.+
2 Reyaya n’wana wa Xobali, a va tata wa Yahata; Yahata a va tata wa Ahumayi na Lahada. Leyi a ku ri mindyangu ya Vasora.+
3 Lava a ku ri vana va tata wa Etamu:+ Yizriyele, Ixima, Idibaxa, (vito ra makwavo wa vona wa xisati a ku ri Haseleliponi),
4 Penuwele a a ri tata wa Gedori naswona Ezere a a ri tata wa Huxi. Lava a ku ri vana va Huru,+ mativula ya Efurata tata wa Betlehema.+
5 Axuri+ tata wa Tekowa+ a a ri ni vasati vambirhi, ku nga Hela na Nara.
6 Nara a n’wi velekela Ahuzama, Hefere, Temeni na Ahaxitari. Lava a ku ri vana va Nara.
7 Vana va Hela a ku ri Sereti, Izihara na Ethani.
8 Kosi a va tata wa Anuba, Zobeba ni mindyangu ya Aharela n’wana wa Harumu.
9 Yabese a a xiximeka ngopfu ku tlula vamakwavo; naswona mana wakwe u n’wi thye vito ra Yabese,* a ku: “Ndzi xanisekile loko ndzi n’wi veleka.”
10 Yabese a khongela eka Xikwembu xa Israyele a ku: “Onge u nga ndzi katekisa u engetela tiko ra mina, u ndzi sirhelela ekhombyeni, leswaku ri nga ndzi vavisi!” Hiloko Xikwembu xi n’wi nyika leswi a swi kombeleke.
11 Kelubi makwavo wa Xuha, a va tata wa Mehiri, loyi a a ri tata wa Exitoni.
12 Exitoni a va tata wa Beti-rafa, Pasiya na Tehina tata wa Iri-nahaxi. Lava a ku ri vavanuna va le Rheka.
13 Vana va Kenazi a ku ri Otiniyele+ na Seraya naswona n’wana* wa Otiniyele a ku ri Hatati.
14 Meyonotayi u ve tata wa Ofira. Seraya a va tata wa Yowabu tata wa Ge-haraxima,* a va tiviwa tano hikwalaho ko endla mitirho ya mavoko.
15 Vana va Kalebe+ n’wana wa Yefune a ku ri Iru, Elaha na Nama; n’wana* wa Elaha a ku ri Kenazi.
16 Vana va Yehaleli a ku ri Sifi, Zifa, Tiriya na Asarele.
17 Vana va Ezara a ku ri Yetere, Merede, Efere na Yaloni; hiloko nsati wakwe a* tlhela a tika kutani a veleka Meriyamu, Xamayi na Ixiba tata wa Exitemowa.
18 (Hiloko nsati wakwe wa Muyuda a veleka Yeredi tata wa Gedori, Hevere tata wa Soko na Yekutiyele tata wa Zanowa.) Lava a ku ri vana va Bitiya n’wana wa Faro, loyi a a tekiwe hi Merede.
19 Vana va nsati wa Hodiya, makwavo wa xisati wa Nahami, a ku ri tata wa Keyila wa le Garami na Exitemowa wa Mukati.
20 Vana va Ximoni a ku ri Aminoni, Rhina, Beni-hanani na Tiloni. Vana va Ixi a ku ri Zohete na Beni-zoheti.
21 Vana va Xela+ n’wana wa Yuda a ku ri Ere tata wa Leka, Lada tata wa Marixa ni mindyangu ya vanhu lava a va rhunga lapi ro vevuka vandyangu wa Axabeya,
22 Yokimi, vavanuna va le Kozeba, Yowasi na Sarafu, lava tekeke vasati va Vamowabu na Yaxubi-lehemi. Xiviko lexi i xa khale.
23 A va ri vavumbi lava tshamaka eNetayimi ni le Gedera. A va tshama kwalaho va tirhela hosi.
24 Vana va Simiyoni+ a ku ri Nemuwele, Yamini, Yaribi, Zara na Xawulo.+
25 Xawulo a ri tata wa Xalumu, Xalumu a va tata wa Mibisama, Mibisama a va tata wa Mixama.
26 N’wana wa Mixama a ku ri Hamuwele, n’wana wa Hamuwele a ku ri Zakuru, n’wana wa Zakuru a ku ri Ximeyi.
27 Ximeyi a a ri ni vana va majaha va 16 ni vanhwanyana va tsevu; kambe vamakwavo a va nga ri na vana vo tala va majaha naswona ku hava lava veke ni vana va majaha vo tala ku fana ni vavanuna va Yuda.+
28 A va tshama eBera-xeba,+ eMulada,+ eHasara-xuwala,+
29 eBiliha, eEsemu,+ eTolada,
30 eBethuwele,+ eHorma,+ eSikilaga,+
31 eBeta-markaboto, eHasara-susima,+ eBeta-biri ni le Xarayimi. Leyi a ku ri miti ya vona ku ya fika hi nkarhi wa ku fuma ka Davhida.
32 Miti ya vona a ku ri Etamu, Ayini, Rimoni, Tokeni na Axani,+ ntlhanu wa yona
33 ni miti yin’wana leyi a yi ri ekusuhi ni miti leyi, ku ya fika eBali. Leti a ku ri tindhawu ta vona hi ku ya hi swivongo swa vona.
34 Mexobaba, Yameleke, Yoxa n’wana wa Amaziya,
35 Yuwele, Yehu n’wana wa Yoxibiya n’wana wa Seraya, n’wana wa Asiyele,
36 Eliwenayi, Yakoba, Yexohaya, Asaya, Adiyele, Yesimiyele, Benaya,
37 Ziza n’wana wa Xifi, n’wana wa Aloni, n’wana wa Yedaya, n’wana wa Ximri, n’wana wa Xemaya;
38 lava boxiweke laha a ku ri tindhuna ta mindyangu ya vona naswona nhlayo ya mindyangu ya vakokwa wa vona yi ye yi engeteleka.
39 Hiloko va ya lavela swifuwo swa vona madyelo enyangweni ya Gedori lowu nga evuxeni bya nkova.
40 Va hetelele va kume tiko lerikulu leri a ri ri ni madyelo lamanene, a ri rhurile ri nga kavanyetiwi hi nchumu. Khale Vahamu+ a va tshama kwalaho.
41 Vanhu lava mavito ya vona ma longoloxiweke laha va te hi nkarhi wa Hosi Hezekiya+ wa Yuda, va fika va dlaya Vahamu lava a va tshama ematendeni ni Vamewunimi lava a va ri kwalaho. Va va yayarhele va hela ku ta fikela namuntlha; kutani va tshama etikweni ra vona hikuva a ku ri ni madyelo ya swifuwo swa vona kwalaho.
42 Vavanuna van’wana va 500 va nyimba ya Simiyoni va ye eNtshaveni ya Seyiri,+ va rhangeriwe hi vana va Ixi, ku nga Pelatiya, Neyariya, Refaya na Uziyele.
43 Hiloko va dlaya Vaamaleke+ hinkwavo lava balekeke naswona va ha tshama kwalaho ku ta fikela namuntlha.
Tinhlamuselo ta le hansi
^ Vito leri nge Yabese ri yelana ni vito ra Xiheveru leri vulaka “ku xaniseka.”
^ Hi Xiheveru, “vana.”
^ Leswi vulaka “Nkova Wa Lava Tivaka Ntirho Wa Mavoko.”
^ Hi Xiheveru, “vana.”
^ Swi nga endleka leswaku ku vulavuriwa hi Bitiya loyi a boxiwaka eka ndzimana 18.
