Timotiya Wo Sungula 2:1-15
2 Kutani xo sungula ndzi kombela leswaku swikombelo, swikhongelo, ku khongelela ni ku khensa swi endleriwa vanhu hinkwavo,
2 swi endleriwa tihosi ni hinkwavo lava nga eka swikhundlha leswi tlakukeke,+ leswaku hi ta ya emahlweni hi hanya hi ku rhula ni ku tshembeka swinene eka Xikwembu ni ku endla swilo hinkwaswo hi mbilu hinkwayo.*+
3 Leswi i swinene naswona swa amukeleka emahlweni ka Muponisi wa hina, ku nga Xikwembu,+
4 lexi rhandzaka leswaku vanhu hinkwavo va ponisiwa+ kutani va wu tiva kahle ntiyiso.
5 Hikuva ku ni Xikwembu+ xin’we ni muhlanganisi+ un’we exikarhi ka Xikwembu ni vanhu,+ wanuna loyi a vuriwaka Kreste Yesu.+
6 U tinyikerile ivi a va nkutsulo wa vanhu hinkwavo.+ Mhaka leyi ku ta vulavuriwa hi yona loko nkarhi wa yona wu fika.
7 Hikwalaho ka vumbhoni+ lebyi, ndzi vekiwe ku va muchumayeri ni muapostola,+ ndzi mudyondzisi wa matiko+ emhakeni ya ripfumelo ni ntiyiso, ndzi vulavula ntiyiso a ndzi hembi.
8 Kutani ndzi navela leswaku endhawini yin’wana ni yin’wana loko vavanuna va khongela, va tlakusa mavoko lama baseke,*+ va nga hlundzukanga+ naswona va nga kanetani.+
9 Hilaha ku fanaka vavasati va fanele va tisasekisa hi swiambalo leswi xiximekaka, va ringanisela ni hi mianakanyo leyinene, ku nga ri hi switayele swo luka misisi leswi hundzeletiweke ni nsuku kumbe tiperela kumbe swiambalo swo durha ngopfu,+
10 kambe hi ndlela leyi fanelaka vavasati lava vulaka leswaku va tinyiketele eka Xikwembu,+ ku nga hi mitirho leyinene.
11 Wansati a a dyondze a miyerile hi ku titsongahata loku heleleke.+
12 A ndzi n’wi pfumeleli wansati leswaku a dyondzisa kumbe ku lawula wanuna kambe u fanele a tshama a miyerile.+
13 Hikuva ku rhange ku vumbiwa Adamu ivi ku landzela Evha.+
14 Nakambe a hi Adamu loyi a xisiweke, kambe wansati hi yena loyi a xisiweke+ kutani a va mudyohi.
15 Hambiswiritano, u ta tshama a hlayisekile hi ku tswala vana,+ ntsena loko a* tshama eripfumelweni ni le rirhandzwini ni le ku kwetsimeni naswona a ri ni mianakanyo leyinene.+
Tinhlamuselo ta le hansi
^ Kumbe “hi ku tiyimisela.”
^ Kumbe “va tshembeka eka Xikwembu.”
^ Hi Xigriki, “va.”
