Samuwele Wa Vumbirhi 8:1-18
8 Hi ku famba ka nkarhi Davhida a lwa ni Vafilista+ a va hlula,+ Davhida a teka muti wa Methegi-ama emavokweni ya Vafilista.
2 U hlule ni Vamowabu+ kutani a va pavalarisa ehansi a va pima hi ntambhu. Loko a pima ku hume mitlawa yinharhu, hiloko a dlaya mitlawa yimbirhi kasi lowa vunharhu a wu tshika wu hanya.+ Kutani Vamowabu va va malandza ya Davhida va hakela xibalo.+
3 Davhida a hlula Hadadezera n’wana wa Rehobo hosi ya Soba+ loyi a a ri endleleni yo ya tiyisa vuhosi byakwe eNambyeni wa Yufrata.+
4 Davhida a n’wi tekela vagadi va tihanci va 1 700 ni masocha ya 20 000 lama fambaka hi milenge. Endzhaku ka sweswo Davhida a tsema misiha ya tihanci+ to koka makalichi, a siya ta 100 ntsena.
5 Loko Vasiriya va le Damaska+ va ta lamulela Hosi Hadadezera wa Soba, Davhida a dlaya Vasiriya va 22 000.+
6 Kutani Davhida a veka masocha eSiriya wa Damaska, leswi endleke leswaku Vasiriya va va malandza ya Davhida lama hakelaka xibalo. Yehovha a nyika Davhida matimba yo hlula hinkwako laha a a ya kona.+
7 Ku tlula kwalaho, Davhida a teka switlhangu swa xirhendzevutana swa nsuku eka malandza ya Hadadezera a swi yisa eYerusalema.+
8 EBeta ni le Berota, miti ya Hadadezera, Hosi Davhida u teke koporo yo tala ngopfu.
9 Kutani Hosi Toyi wa Hamati+ a twa leswaku Davhida u hlule vuthu hinkwaro ra Hadadezera.+
10 Hiloko Toyi a rhuma Yoramu n’wana wakwe eka Hosi Davhida a ya n’wi pfuxela ni ku n’wi khensisa hileswi a lweke a tlhela a hlula Hadadezera, (hikuva Hadadezera a a tala ku lwa na Toyi), naswona u ye ni swilo swa silivhere, nsuku ni koporo.
11 Hosi Davhida a nyika Yehovha swilo leswi ku katsa ni silivhere ni nsuku leswi a swi tekeke eka matiko hinkwawo lawa a ma hluleke:+
12 ku suka eSiriya na Mowabu,+ ku suka eka Vaamoni, Vafilista,+ Vaamaleke+ ni leswi a swi tekeke eka Hadadezera+ n’wana wa Rehobo hosi ya Soba.
13 Davhida u tlhele a tiendlela vito loko a vuya eku dlayeni ka Vaedomu va 18 000 eNkoveni wa Munyu.+
14 A veka masocha eEdomu. U veke masocha etikweni hinkwaro ra Edomu, kutani Vaedomu hinkwavo va va malandza ya Davhida.+ Yehovha a a endla leswaku Davhida a hlula hinkwako laha a a ya kona.+
15 Davhida a ya emahlweni a fuma tiko hinkwaro ra Israyele,+ a a avanyisa vanhu va yena hinkwavo+ hi ndlela leyinene.+
16 Yowabu+ n’wana wa Seruya a a ri ndhuna ya vuthu ra nyimpi kasi Yehoxafati+ n’wana wa Ahiludi a a ri mutsari wa matimu.
17 Sadoki+ n’wana wa Ahithuba na Ahimeleke n’wana wa Abiyatara a va ri vaprista, Seraya a a ri matsalana.
18 Benaya+ n’wana wa Yoyada a a ri ndhuna ya Vakereti ni Vapeleti.+ Vana va Davhida a va ri vaholobyenkulu.*
Tinhlamuselo ta le hansi
^ Hi Xiheveru, “vaprista.”
