Timotiya Wa Vumbirhi 2:1-26
2 Hikwalaho, wena n’wananga+ yana emahlweni u kuma matimba eka musa lowukulu lowu Kreste Yesu a wu kombisaka;
2 naswona swilo leswi u swi tweke eka mina leswi a swi seketeriwa hi timbhoni to tala,+ swi dyondzise vanhu vo tshembeka, lava na vona va nga ta faneleka kahle ku swi dyondzisa van’wana.
3 Tanihi socha lerinene+ ra Kreste Yesu, u nga ringeti ku balekela maxangu.+
4 A ri kona socha leri nga tinghenisaka emabindzwini,* loko ri lava ku rhandziwa hi loyi a ri tholeke.
5 Hambiloko munhu a nghenela mphikizano wa mitlango, a nge tlhandlekiwi harhi handle ka loko a landzelele milawu ya mphikizano.+
6 Murimi loyi a tirhaka hi matimba u fanele a va wo sungula ku dya mihandzu ya kona.
7 Tshama u ri karhi u ehleketa hi swilo leswi ndzi swi vulaka; Hosi yi ta endla leswaku u twisisa swilo hinkwaswo.
8 Tsundzuka leswaku Yesu Kreste u pfuxiwile eka lava feke+ naswona a a ri n’wana* wa Davhida,+ hi ku ya hi mahungu lamanene lawa ndzi ma chumayelaka,+
9 lawa ndzi xanisiwaka hikwalaho ka wona ni ku tlhela ndzi khomiwa tanihi xigevenga.+ Nilokoswiritano, a nga kona loyi a nga sivelaka rito ra Xikwembu.+
10 Hikwalaho ka leswi, ndzi ya emahlweni ndzi tiyisela swilo hinkwaswo hikwalaho ka vanhu lava hlawuriweke hi Xikwembu,+ leswaku na vona va ta ponisiwa ha Kreste Yesu ni ku kuma ku vangama loku nga heriki.
11 Mhaka leyi i ntiyiso: Loko hi fe swin’we hi ta tlhela hi hanya swin’we;+
12 loko hi ya emahlweni hi tiyisela, na hina hi ta va tihosi swin’we na yena;+ loko hi n’wi landzula na yena u ta hi landzula;+
13 loko hi nga tshembeki, yena u tshama a tshembekile hikuva a nge tilandzuli.
14 Yana emahlweni u va tsundzuxa swilo leswi, u va letela emahlweni ka Xikwembu leswaku va nga lwi hi marito, ku nga nchumu lowu nga pfuniki nikatsongo hikuva swi vavisa* lava yingisaka.
15 Tirha hi matimba leswaku Xikwembu xi ta tsaka hi wena, u nga vi ni tingana hi ntirho wa wena, u dyondzisa ni ku ri hlamusela kahle rito ra ntiyiso.+
16 Papalata mavulavulelo lama nga pfuniki nchumu lama lwisanaka ni swilo swo kwetsima,+ hikuva ma* ta endla leswaku Xikwembu xi ya xi nga xiximiwi,
17 naswona rito ra vona ri ta hangalaka ku fana ni xilondza lexi hlakataka miri. Himenayo na Fileto i van’wana va vona.+
18 Vanhu lava va hambukile entiyisweni, va vula leswaku vafi se va pfuxiwile+ naswona va hambukisa van’wana eripfumelweni.
19 Nilokoswiritano, masungulo lama tiyeke ya Xikwembu ma tshama ma ri tano, ma ri ni mfungho lowu nge, “Yehovha* wa va tiva lava nga va yena”+ ni lowu nge, “Un’wana ni un’wana loyi a vitanaka vito ra Yehovha*+ a a fularhele swilo swo biha.”
20 Endlwini leyikulu a ku na swibya swa nsuku ni swa silivhere ntsena kambe ni leswi vatliweke hi ntsandza ni swa vumba, swin’wana swi tirhiseriwa swilo swa nkoka kambe swin’wana swi tirhiseriwa swilo leswi khomisaka tingana.
21 Kutani loko munhu a papalata swibya leswi tirhiseriwaka swilo leswi khomisaka tingana, u ta va xibya lexi tirhiseriwaka swilo swa nkoka, lexi kwetsimaka, lexi pfunaka n’wini wa xona, lexi lunghekeleke ntirho wun’wana ni wun’wana lowunene.
22 Hikwalaho, balekela ku navela ka vuntshwa kambe lavisisa ku lulama, ripfumelo, rirhandzu, ku rhula swin’we ni lava vitanaka Hosi hi mbilu yo basa.
23 Ku tlula kwalaho, fularhela ku kanetana ka vuphukuphuku loku nga pfuniki nchumu+ hi ku tiva leswaku ku vanga tinyimpi.
24 Hikuva nandza wa Hosi a nga fanelanga a lwa kambe u fanele a olova* eka hinkwavo,+ a fanelekela ku dyondzisa, a tikhoma loko a dyoheriwile,+
25 a va letela hi ku rhula lava nga pfumelelaniki ni leswi a swi dyondzisaka.+ Kumbexana Xikwembu xi nga va endla va hundzuka leswaku va ta wu tiva kahle ntiyiso,+
26 kutani mianakanyo ya vona yi nga ha vuya ivi va balekela ntlhamu wa Diyavulosi, tanihi leswi a va phaseke va ri karhi va hanya leswaku va endla ku rhandza ka yena.+
Tinhlamuselo ta le hansi
^ Kumbexana “eka mitirho ya siku ni siku.”
^ Hi Xigriki, “mbewu.”
^ Kumbe “lovisa; pfilunganya.”
^ Kumbe “va.”
^ Vona Xiengetelo A5.
^ Vona Xiengetelo A5.
^ Kumbe “a va ni vuxiyaxiya.”
