Vakorinto Wa Vumbirhi 10:1-18
10 Mina Pawulo, ndza mi khongotela hi ku rhula ni musa wa Kreste,+ hambileswi ndzi langutekaka ndzi solekile loko ndzi ri na n’wina,+ kambe loko ndzi nga ri kona ndzi ni xivindzi.+
2 Ndzi kombela leswaku loko ndzi ri kona, ndzi nga vi ni xivindzi kutani ndzi xupula van’wana lava anakanyaka leswaku hi kongomisiwa hi mavonelo ya vanhu.
3 Hikuva hambileswi hi nga vanhu, a hi lwi nyimpi hi ku ya hi mavonelo ya vanhu.
4 Hikuva matlhari ya hina ya nyimpi a hi ya nyama,+ kambe ma ni matimba hikwalaho ka Xikwembu+ lerova ma kota ku wisetela ni swilo leswi simekiweke swi tiya.
5 Hikuva hi wisetela mianakanyo ni swihinga hinkwaswo leswi sivelaka vanhu ku tiva Xikwembu,+ hi hlula mianakanyo hinkwayo leswaku yi ta yingisa Kreste;
6 naswona hi lunghekele ku xupula munhu un’wana ni un’wana loyi a nga yingisiki,+ endzhaku ka loko mi kombise leswaku ma yingisa.
7 Mi avanyisa swilo hi ndlela leyi swi langutekaka ha yona. Loko munhu a titshemba leswaku i wa Kreste, a a anakanyisise hi mhaka leyi: Leswi a nga wa Kreste, na hina hi va ka Kreste.
8 Hikuva hambiloko ndzo tibuma ngopfu hi matimba lawa Hosi yi hi nyikeke wona leswaku hi mi khutaza hi nga mi heti matimba,+ a ndzi nge khomiwi hi tingana.
9 Hikuva a ndzi lavi ku vonaka onge ndzi ringeta ku mi chavisa hi mapapila ya mina.
10 Hikuva vanhu van’wana va ri: “Mapapila yakwe ma ni ntikelo naswona ma ni matimba, kambe loko a ri kona u languteka a tsanile naswona leswi a swi vulavulaka a swi pfuni nchumu.”
11 Munhu wo tano a a tsundzuke leswaku leswi hi swi vulaka hi ku tirhisa mapapila loko hi nga ri kona, hi ta swi endla ni loko hi ri kona.+
12 Hikuva a hi nge pfuki hi tiringanisile kumbe ku tifanisa ni van’wana lava titlakusaka.+ Leswi va tikambelaka hi voxe, va tlhela va tiavanyisa hi ku ya hi leswi va anakanyaka leswaku i swinene, sweswo swi kombisa leswaku a va na ku twisisa.+
13 Hambiswiritano, a hi nge tibumi hi swilo leswi hi nga swi endlangiki kambe hi ta tibuma hi ntirho lowu humaka eka Xikwembu, lowu katsaka ku mi chumayela.+
14 Hi endle leswi Xikwembu xi hi leriseke swona loko hi ta eka n’wina naswona hi hina vo sungula ku mi chumayela mahungu lamanene hi Kreste.+
15 A hi tibumi hi mitirho ya van’wana kambe hi tshemba leswaku loko ripfumelo ra n’wina ri ya emahlweni ri kula, ntirho lowu hi wu endleke wu ta ya emahlweni wu kula exikarhi ka n’wina. Kutani hi ta kota ku endla swo tala,
16 leswaku hi chumayela mahungu lamanene ematikweni lama nga ekule na n’wina, leswaku hi nga tibumi hi ndhawu leyi ku nga tirha un’wana eka yona.
17 “Kambe loyi a tibumaka a a tibume hi Yehovha.”*+
18 Hikuva Yehovha* u rhandza loyi a n’wi hlawulaka+ ku nga ri loyi a titlakusaka.+
