Amosi 1:1-15
1 Marito ya Amosi,* un’wana wa varisi va tinyimpfu va le Tekowa,+ lama a ma tweke exivonweni mayelana na Israyele enkarhini wa ku fuma ka Hosi Uziya+ wa le Yuda ni le nkarhini wa Yerobuwamu+ n’wana wa Yowasi,+ hosi ya le Israyele, malembe mambirhi ku nga si va ni ku tsekatseka ka misava.+
2 U te:
“Yehovha u ta vomba ku fana ni nghala a ri eSiyoni,U ta huwelela a ri eYerusalema.
Madyelo ya varisi ma ta oma,Ni swimilana leswi nga ehenhla ka ntshava ya Karimeli swi ta oma.”+
3 “Yehovha u ri,‘“A ndzi nge tshiki ku xupula Damaska hikwalaho ka milandzu* yinharhu ni hikwalaho ka mune wa yona,Hikwalaho ka leswi a xaniseke Giliyadi hi ku n’wi pyanya hi swileyi swa nsimbhi.+
4 Ndzi ta rhumela ndzilo endlwini ya Hazayele,+Wu ta hisa swihondzo swa muti wa Beni-hadadi.+
5 Ndzi ta tshova swo goga tigede ta muti wa Damaska;+Ndzi ta lovisa vaaki va le Bikati-avheni,Ni loyi a fumaka* eBeta-edeni;Kutani Vasiriya va ta va mahlonga eKiri,”+ ku vula Yehovha.’
6 Yehovha u ri,‘“A ndzi nge tshiki ku xupula Gaza+ hikwalaho ka milandzu yinharhu ni hikwalaho ka mune wa yona,Hikuva u teke vanhu lava nga mahlonga+ a va yisa eEdomu.
7 Ndzi ta rhumela ndzilo ekhumbini ra Gaza,+Wu ta hisa swihondzo swa muti wolowo.
8 Ndzi ta lovisa vaaki va le Axidodo,+Ni loyi a fumaka* eAxikeloni;+Ndzi ta lwa na Ekroni,+Kutani Vafilista lava saleke va ta lova,”+ ku vula Yehovha Hosi Leyi Tlakukeke.’
9 Yehovha u ri,‘A ndzi nge tshiki ku xupula Tiri+ hikwalaho ka milandzu yinharhu ni hikwalaho ka mune wa yona,Hikuva u yise vanhu lava nga mahlonga eEdomu,Naswona u rivale ntwanano wa vamakwavo.+
10 Ndzi ta rhumela ndzilo ekhumbini ra Tiri,Wu ta hisa swihondzo swakwe.’+
11 Yehovha u ri,‘A ndzi nge tshiki ku xupula Edomu+ hikwalaho ka milandzu yinharhu ni hikwalaho ka mune wa yona,Hikuva u hlongorise makwavo hi banga,+Naswona a nga na ntwelavusiwana;Hikwalaho ka vukarhi bya yena u tshamela ku va kakatlula,U tshama a va hlundzukerile.+
12 Ndzi ta rhumela ndzilo eTemani,+Wu ta hisa swihondzo swa muti wa Bosira.’+
13 Yehovha u ri,‘“A ndzi nge tshiki ku xupula Vaamoni+ hikwalaho ka milandzu yinharhu ni hikwalaho ka mune wa yona,Hikuva va handzule makhwiri ya vavasati lava tikeke va le Giliyadi leswaku va ndlandlamuxa tiko ra vona.+
14 Ndzi ta hisa khumbi ra Rhaba hi ndzilo,+Wu ta hisa swihondzo swakwe,Ku ta va ni hungwe* hi siku ra nyimpi,Ni xidzedze hi siku ra bubutsa.
15 Hosi ni tihosana ta vona va ta ya evuhlongeni,”+ ku vula Yehovha.’
Tinhlamuselo ta le hansi
^ Leswi vulaka “Ku Va Ndzhwalo” kumbe “Ku Rhwala Ndzhwalo.”
^ Kumbe “ku xandzuka.”
^ Hi Xiheveru, “loyi a khomaka nhonga ya vuhosi.”
^ Hi Xiheveru, “loyi a khomaka nhonga ya vuhosi.”
^ Ku nga xitiviso xa nyimpi.
