Amosi 6:1-14
6 “Khombo eka lava titshembaka eSiyoni,Lava titwaka va hlayisekile entshaveni ya Samariya,+Vavanuna lava tiviwaka exikarhi ka matiko,Lava yindlu ya Israyele yi yaka eka vona.
2 Fambani mi ya eKaline, mi ya vona.
Loko mi suka kona mi ya emutini Lowukulu wa Hamati,+Mi rhelela mi ya eGati muti wa Vafilista.
Xana mifumo yoleyo ya antswa ku tlula mifumo leyi,*Kumbe, xana tiko ra vona i rikulu ku tlula tiko ra n’wina?
3 Xana mi ringeta ku rivala siku ra mina ra khombo,+Mi tisa vanhu lava rhandzaka madzolonga?+
4 Va etlela emibedweni leyi endliweke hi timhondzo ta tindlopfu,+ va tlhela va pavalala eswitulwini,+Va dya makhuna ni swinkuzana swo nona;+
5 Va qambha tinsimu hi ku landza mpfumawulo wa haripa,*+Va tiendlela swichayachayana ku fana na Davhida;+
6 Va nwa vhinyo hi mikambana+
Va tola mafurha yo hlawuleka.
Kambe a va na mhaka na khombo leri nga wela Yosefa.+
7 Va ta va vo sungula ku ya evuhlongeni,+Mikarhi ya mikhuvo leyi nga lawulekiki yi ta va helela.
8 ‘Yehovha Hosi Leyi Tlakukeke u hlambanyile hi vito rakwe,’+ ku vula Yehovha Xikwembu xa mavuthu,‘“Ndzi venga manyunyu ya Yakobo,+Ndzi venga ni swihondzo swakwe,+Ndzi ta nyiketa muti ni hinkwaswo leswi nga eka wona eka valala.+
9 “‘“Loko ku sale vavanuna va khume endlwini yin’we, na vona va ta fa.
10 Xaka* ri ta ta ri va rhwala ri ya va hisa ha un’weun’we. Ri ta humesa marhambu ya vona endlwini; kutani ri vutisa loyi a nga endzeni ka yindlu ri ku, ‘Xana ka ha ri ni lava saleke?’ Yena u ta ku, ‘A ka ha ri na munhu!’ Kutani xaka ri ta ku, ‘Miyela! Hikuva a swa ha pfuni nchumu ku vitana vito ra Yehovha.’”
11 Hikuva i Yehovha loyi a lerisaka,+Naswona u ta wisa tiyindlu letikulu,Kasi tiyindlu letitsongo ti ta va swiphemuphemu.+
12 Xana tihanci ti nga tsutsuma eribyeni,Kumbe, xana munhu a nga rima hi tihomu ehenhla ka rona?Mi avanyisa hi ndlela yo homboloka, mi dyisa vanhu mbitsi.+
13 Mi tsakisiwa hi swilo leswi nga pfuniki nchumu,Mi ri, “Matimba lawa hi nga na wona hi lo tikumela wona.”*+
14 Hikwalaho ndzi ta mi tisela tiko leri nga ta lwa na n’wina, n’wina yindlu ya Israyele,’+ ku vula Yehovha Xikwembu xa mavuthu,‘Ri ta mi tshikilela ku sukela eLebo-hamati*+ ku ya eNkoveni wa Araba.’”
Tinhlamuselo ta le hansi
^ Swi tikomba ku vulavuriwa hi mfumo wa Yuda ni wa Israyele.
^ Kumbe “xitende.”
^ Hi Xiheveru, “Makwavo wa tata wakwe.”
^ Hi Xiheveru, “Hi titekele tinanga hi matimba ya hina.”
^ Kumbe “enyangweni ya Hamati.”
