Deteronoma 33:1-29
33 Leyi i mikateko leyi Muxe nandza wa Xikwembu xa ntiyiso a yi byeleke Vaisrayele a nga si fa.+
2 U te:
“Yehovha u tile a huma eSinayi,+A va voningela ku suka eSeyiri.
A voninga ku suka endhawini leyi nga ni tintshava ya le Parani,+A ri ni tintsumi to tala*+Evokweni rakwe ra xinene, a ku ri ni tinhenha takwe.+
3 A a rhandza vanhu vakwe;+Hinkwavo vakwetsimi va vona va le vokweni ra wena.+
A va tshame emilengeni ya wena;+Va sungula ku yingisa marito ya wena.+
4 (Muxe u hi nyike xileriso, nawu,+Leswaku wu va ndzhaka ya vana va Yakobo.)+
5 U ve hosi eYexuruni,*+Loko tindhuna ta vanhu ti hlengeletana,+Swin’we ni tinyimba hinkwato ta Israyele.+
6 Rhuveni a a hanye hilaha ku nga heriki,+Vanhu vakwe va nga hunguteki.”+
7 Loko a katekisa Yuda u te:+
“Yehovha, yingisa rito ra Yuda,+Onge u nga n’wi tlherisela eka varikwavo.
Mavoko yakwe ma lwele leswi nga swa yena,Onge u nga n’wi pfuna a kota ku hlula valala vakwe.”+
8 Eka Levhi u te:+
“Thumimi ya wena* ni Urimi+ ya wena i swa loyi a tshembekaka eka wena,+Loyi u n’wi ringeke eMassa.+
U sungule ku lwa na yena ematini ya Meriba,+
9 Loyi a byeleke tata wakwe ni mana wakwe a ku, ‘A ndzi na mhaka na vona.’
Hambi vamakwavo a a nga ri na mhaka na vona,+U fularhele ni vana vakwe.
Hikuva va yingise rito ra wena,Naswona va hlayise ntwanano wa wena.+
10 A va dyondzise Yakobo swiboho swa wena+Na Israyele Nawu wa wena.+
A va ku hisele murhi wo nun’hwela+Ni gandzelo ehenhla ka altari ya wena.+
11 Yehovha, katekisa matimba yakwe,Onge u nga tsakela ntirho wa mavoko yakwe.
Tshova milenge* ya lava n’wi pfukelaka,Leswaku lava n’wi vengaka va nga ha pfuki va n’wi pfukerile.”
12 Eka Benjamini u te:+
“Loyi a rhandzekaka wa Yehovha a a tshame a sirhelelekile eka yena;Loko a ri karhi a n’wi sirhelela siku hinkwaro,U ta tshama exikarhi ka makatla yakwe.”
13 Eka Yosefa u te:+
“Onge tiko rakwe ri nga katekisiwa hi Yehovha+Hi swilo leswinene leswi humaka etilweni,Hi mberha ni mati ya swihlovo leswi nga ehansi,+
14 Hi swilo leswinene leswi vaka kona hikwalaho ka dyambu,Ni ntshovelo lowunene n’hweti ni n’hweti,+
15 Hi swilo leswinene leswi humaka etintshaveni+ ta khale,*Ni swilo leswinene leswi humaka eswintshabyanini leswi tshamaka hilaha ku nga heriki,
16 Ni hi swilo leswinene leswi nga kona emisaveni ni leswi yi tateke,+Ni hi mpfumelelo wa Loyi a tshamaka exihlahleni xa mitwa.+
Onge swi nga ta enhlokweni ya Yosefa,Ethavathaveni ya loyi a hlawuriweke eka vamakwavo.+
17 U saseke ku fana ni nkuzi leyi nga mativula,Timhondzo takwe i timhondzo ta nkuzi ya nhova.
U ta susumeta* vanhu hi tonaKu ya fika emakumu ka misava.
Tona i makume ya magidi ya Efrayimi,+Naswona i magidi ya Manase.”
18 Eka Zebuloni u te:+
“Tsaka wena Zebuloni loko u huma,Na wena Isakara emixaxeni ya wena.+
19 Va ta vitana vanhu va ya etintshaveni.
Kwalaho va ta endla magandzelo ya ku lulama.
Hikuva va ta pambula eka rifuwo ro tala ra malwandleNi rifuwo leri fihliweke ra sava.”
20 Eka Gadi u te:+
“A ku katekisiwe loyi a ndlandlamuxaka mindzilakana ya Gadi.+
U tshama a rindzile ku fana ni nghala,A lunghekele ku phatlula voko ni thavathava.
21 U ta tihlawulela xiphemu xo sungula,+Hikuva kwalaho hi laha ku vekiweke xiphemu xa munyiki wa nawu.+
Tindhuna ta vanhu ti ta hlengeletana.
U ta endla swilo hi ku landza ku lulama ka Yehovha,Ni swiboho swakwe na Israyele.”
22 Eka Dani u te:+
“Dani i xinghalana.+
U ta tlula a huma eBaxani.”+
23 Eka Neftali u te:+
“Neftali u tsakile hikwalaho ko amukeriwaNaswona u tele hi nkateko wa Yehovha.
Teka tiko leri nga evupeladyambu ni le dzongeni.”
24 Eka Axere u te:+
“Axere u katekisiwe hi majaha.
Onge vamakwavo va nga n’wi amukela,Onge a nga peta* milenge yakwe emafurheni.
25 Swikhiya swa gede ya wena swi endliwe hi nsimbhi ni koporo,+U ta tshama u sirhelelekile vutomi bya wena hinkwabyo.
26 A nga kona loyi a fanaka ni Xikwembu xa ntiyiso+ xa Yexuruni,+Lexi tsemakanyaka matilo xi ta ku pfunaNi lexi vangamaka loko xi ri karhi xi famba hi mapapa.+
27 Xikwembu i vutumbelo ku sukela khale,+Mavoko ya xona lama tshamaka hilaha ku nga heriki ma ku khomile.+
Xi ta hlongola valala emahlweni ka wena,+Xi ta ku, ‘Va lovise!’+
28 Israyele u ta tshama a sirhelelekile,Xihlovo xa Yakobo a xi nge kavanyetiwiEtikweni leri nga ni mavele ni vhinyo leyintshwa,+Leri matilo ya rona ma nga ta thona mberha.+
29 Wa tsaka wena Israyele!+
I mani la fanaka na wena,+Vanhu lava ponisiwaka hi Yehovha,+Xitlhangu xa wena,+Ni banga ra wena lerikulu?
Valala va wena va ta rhurhumela emahlweni ka wena,+Naswona u ta kandziyela minhlana* ya vona.”
Tinhlamuselo ta le hansi
^ Hi Xiheveru, “timiriyadi to kwetsima.”
^ Leswi vulaka “Munhu Wo Lulama,” ku nga xithopo lexi a xi tirhisiwa ku xixima Israyele.
^ Laha ku vuriwa Xikwembu.
^ Kumbe “masenge.”
^ Kumbexana “tintshava ta le vuxeni.”
^ Kumbe “tlhava.”
^ Kumbe “hlamba.”
^ Kumbexana “tindhawu leti va gandzelaka eka tona.”
