Esaya 41:1-29
41 “Miyelani mi ndzi yingisa, n’wina swihlala;Matiko a ma tlhele ma kuma matimba.
A ma tshinele; kutani ma vulavula.+
A hi hlanganeni leswaku hi ta avanyisiwa.
2 I mani loyi a hlawuleke munhu loyi a humaka evuxeni,+A n’wi tisa emilengeni ya Yena* laha ku nga ni ku lulama,Leswaku a ta n’wi nyika matiko,Ni ku n’wi endla a hlula tihosi?+
I mani loyi a nga ta ti hangalasa ku fana ni ritshuri hi banga rakwe,Ku fana ni mavivi lama hungiwaka hi moya emahlweni ka vurha byakwe?
3 Wa ti hlongorisa naswona a nga kavanyetiwi hi nchumuU famba hi tindlela leti a nga si tshamaka a famba eka tona.
4 I mani loyi a tekeke goza a endla leswi,A vitana vanhu ku sukela eku sunguleni?
Mina Yehovha, ndzi wo Sungula;+Ni le ka lavo hetelela a ndzi cinci.”+
5 Swihlala swi swi vonile swi sungula ku chava.
Makumu ya misava ma sungule ku rhurhumela.
Vanhu va tshinerile, va ta.
6 Un’wana ni un’wana u pfuna munghana wakweA byela makwavo a ku: “Tiya nhlana.”
7 Hiloko muvatli a tiyisa loyi a tirhaka hi nsimbhi;+Loyi a baka nsimbhi yi va xiphepherhele hi hamulaU tiyisa loyi a belelaka ehenhla ka nsimbhi.*
Loko a vona laha tinsimbhi ti hlanganisiweke kona u ri: “Ti hlanganisiwe kahle.”
Kutani xifaniso xi tiyisiwa hi swipikiri leswaku xi nga wi.
8 “Kambe wena Israyele, u nandza wa mina,+Ndzi ku hlawurile wena Yakobo,+Ntukulu* wa Abrahama munghana wa mina,+
9 Wena loyi ndzi ku tekeke emakumu ka misava,+Wena loyi ndzi ku vitaneke ekule swinene.
Ndzi ku byela ndzi ku, ‘U nandza wa mina;+Ndzi ku hlawurile; a ndzi ku fularhelanga.+
10 U nga chavi, hikuva ndzi na wena.+
U nga vileli, hikuva ndzi Xikwembu xa wena.+
Ndzi ta ku tiyisa, ina, ndzi ta ku pfuna.+
Ndzi ta ku khoma swi tiya hi voko ra mina ra xinene ra ku lulama.’
11 Yingisa! Hinkwavo lava ku hlundzukelaka va ta khomisiwa tingana va tsongahatiwa.+
Lava lwaka na wena va ta herisiwa.+
12 U ta lavisisa lava lwaka na wena kambe a wu nge va kumi;Vanhu lava lwaka na wena va ta fana ni nchumu lowu nga riki kona, a va nge vi nchumu.+
13 Hikuva mina, Yehovha Xikwembu xa wena, ndzi khoma voko ra wena ra xinene,Loyi a ku byelaka a ku, ‘U nga chavi. Ndzi ta ku pfuna.’+
14 U nga chavi wena Yakobo la nga xivungwana,+Ndzi ta mi pfuna n’wina vanhu va Israyele,” ku vula Yehovha, Mukutsuri wa wena,+ Mukwetsimi wa Israyele.
15 “Vona! Ndzi ku endle xileyi xo hula,+Xileyi lexintshwa lexi nga ni matino lama tsemaka matlhelo mambirhi.
U ta kandziya tintshava u ti pfotlosaU ta endla swintshabyana swi fana ni muhungu.*
16 U ta swi peperha,Kutani moya wu ta swi teka;Xihuhuri xi ta swi hangalasa.
Wena u ta tsaka hikwalaho ka Yehovha,+Naswona u ta tibuma hikwalaho ka Mukwetsimi wa Israyele.”+
17 “Lava pfumalaka ni swisiwana va lava mati, kambe a ma kona.
Ririmi ra vona ri omile hi torha.+
Mina Yehovha ndzi ta va hlamula.+
Mina Xikwembu xa Israyele, a ndzi nge va tshiki.+
18 Ndzi ta endla milambu yi khuluka ehenhla ka swintshabyana+
Ku ta va ni swihlovo enkoveni lowu anameke.+
Ndzi ta hundzula mananga ma va xidziva lexi nga ni tinhlangaTiko leri nga riki na mati ri ta va ni swihlovo swa mati.+
19 Emananga ndzi ta byala murhi wa mukedari,Munga ni mirta ni murhi wa muphayini.+
Emananga ndzi ta byala murhi wa yunipa,Ku katsa ni nyamarhi ni kipresi,+
20 Leswaku vanhu hinkwavo va swi vona ni ku swi tivaVa yingisa va tlhela va twisisaLeswaku swilo leswi swi endliwe hi Yehovha,Swi tumbuluxiwe hi Mukwetsimi wa Israyele.”+
21 “Hlamuselani mhaka ya n’wina,” ku vula Yehovha.
“Tanani ni vumbhoni bya n’wina,” ku vula Hosi ya Yakobo.
22 “Tanani ni vumbhoni mi hi byela swilo leswi nga ta endleka.
Hi byeleni swilo swa le ku sunguleni,Leswaku hi ta anakanyisisa hi swona ni ku tiva vuyelo bya kona.
Kumbe mi hi hlamusela leswi nga ta endleka.+
23 Hi byeleni leswi nga ta endleka enkarhini lowu taka,Leswaku hi ta swi tiva loko mi ri swikwembu.+
Endlani leswinene kumbe swo biha,Leswaku hi ta hlamala loko hi swi vona.+
24 Vonani! A mi nchumu,Ni leswi mi swi fikeleleke a ko va nchumu.+
Un’wana ni un’wana loyi a mi hlawulaka wa nyenyetsa.+
25 Ndzi hlawule munhu wa le vuxeni naswona u ta ta,+Loyi a humaka evuxeni+ loyi a nga ta vitana vito ra mina.
U ta kandziyela vafumi,* onge hiloko va ri vumba,+Ku fana ni muvumbi loyi a kandziyelaka vumba byo tsakama.
26 I mani loyi a vuleke leswi ku sukela eku sunguleni leswaku hi swi tiva,Kumbe ku sukela khale swinene, leswaku hi ta ku, ‘U vulavula ntiyiso’?+
Hakunene, a nga kona loyi a swi vuleke!
A nga kona loyi a swi twariseke!
A nga kona loyi a tweke swo karhi eka n’wina!”+
27 Hi mina wo sungula ku byela Siyoni ndzi ku: “Vona! Hi lava!”+
Ndzi ta rhumela munhu eYerusalema loyi a nga ta tisa mahungu lamanene.+
28 Kambe ndzi ye emahlweni ndzi languta, a ku nga ri na munhu;A a nga ri kona exikarhi ka vona loyi a a ta va nyika xitsundzuxo.
Ndzi ye emahlweni ndzi va kombela leswaku va hlamula.
29 Vona! Hinkwavo a vo va nchumu.
Mitirho ya vona a ko va nchumu.
Swifaniso swa vona leswi endliweke hi nsimbhi a swi pfuni nchumu naswona a hi swa xiviri.+
Tinhlamuselo ta le hansi
^ Ku nga ku N’wi tirhela.
^ Kumbe “xigalanyundzu.”
^ Hi Xiheveru, “Mbewu.”
^ Kumbe “vudyangwana.”
^ Kumbe “tindhuna.”
