Esaya 44:1-28
44 “Yingisa, wena Yakobo nandza wa mina,Na wena Israyele, loyi ndzi n’wi hlawuleke.+
2 Yehovha u vula leswi,Muendli wa wena ni Muvumbi wa wena,+Loyi a ku pfuneke ku sukela loko u velekiwa:
‘U nga chavi, wena nandza wa mina Yakobo,+Na wena Yexuruni,*+ loyi ndzi n’wi hlawuleke.
3 Hikuva ndzi ta chela mati eka la nga ni torha*+
Ni swinambyana leswi khulukaka emisaveni leyi omeke.
Ndzi ta chululela moya wa mina eka vana*+ va wenaNi nkateko wa mina eka vatukulu va wena.
4 Naswona va ta hluka onge hiloko va ri exikarhi ka byanyi bya rihlaza,+Ku fana ni mirhi ya phopla leyi nga eswinambyaneni.
5 Un’wana u ta ku: “Mina ndzi wa Yehovha.”+
Un’wana u ta tivita hi vito ra Yakobo,Kasi un’wana u ta tsala evokweni rakwe a ku: “Ndzi wa Yehovha.”
U ta tivita hi vito ra Israyele.’
6 Yehovha, Hosi ya Israyele+ ni Mukutsuri+ wa yena,Yehovha wa mavuthu u ri:
‘Hi mina wo sungula ni wo hetelela.+
A ku na Xikwembu xin’wana handle ka mina.+
7 I mani a fanaka na mina?+
A a vulavule a andlala vumbhoni emahlweni ka mina!+
Ku sukela loko ndzi vumbe vanhu va khale swinene,A va vule swilo leswa ha takaNi leswi nga ta endleka enkarhini lowu taka.
8 Mi nga chavi,Naswona mi nga tsemeki nhlana.+
Xana a ndzi byelanga un’wana ni un’wana wa n’wina ka ha ri emahlweni ndzi tlhela ndzi mi tivisa?
Mi timbhoni ta mina.+
Xana xi kona Xikwembu xin’wana handle ka mina?
E-e, a ku na Ribye+ rin’wana; a ndzi tivi rin’wana.’ ”
9 Hinkwavo lava endlaka swifaniso leswi vatliweke a va pfuni nchumu,Swifaniso swa vona leswi va swi rhandzaka a swi nge va pfuni nchumu.+
Swona* i timbhoni ta vona kambe a swi voni nchumu kumbe ku twa nchumu,+Kutani lava swi endlaka va ta khomisiwa tingana.+
10 I mani loyi a nga xiphukuphuku lerova a vumba xikwembu kumbe xifaniso xa nsimbhiLexi nga pfuniki nchumu?+
11 Waswivo! Vanghana vakwe hinkwavo va ta khomiwa hi tingana!+
Vaendli va swona ko va vanhu ntsena.
Hinkwavo a va hlengeletane kutani va yima.
Va ta chava va tlhela va khomiwa hi tingana swin’we.
12 Loyi a tirhaka hi nsimbhi u hisa nsimbhi yakwe emakaleni.
U yi vumba hi tihamula,U tirha hi voko rakwe ra matimba.+
Kutani a khomiwa hi ndlala, a heleriwa hi matimba;A nga nwi mati ivi a karhala.
13 Muvatli u teka mhandzi a yi pima hi ntambhu, a dirowa hi choko yo tshwuka.
U vatla mhandzi ya yena hi mukwana kutani a yi pima hi khampasi.
U endla xifaniso xa munhu,+Xa munhu wo saseka,A xi veka endlwini.*+
14 Ku ni loyi a tirhaka ku tsema mikedari.
U hlawula murhi wo karhi, murhi wa oku,U wu tshika wu kula swinene exikarhi ka mirhi ya le khwatini.+
U byala murhi wa loreli, kutani mpfula yi wu kurisa.
15 Kutani munhu a tshivela ndzilo ha wona.
U tirhisa wona ku tinyawuxa;U tshivela ndzilo a baka xinkwa.
Kambe u tlhela a endla xikwembu kutani a xi gandzela.
U tirhisa wona ku endla xifaniso lexi vatliweke a xi khinsamela.+
16 Hafu ya wona u tshivela ndzilo hi yona;Kasi hafu leyin’wana u oxa nyama ha yona, a dya a xurha.
U tlhela a tinyawuxa a ku:
“Aha! Se ndza kufumela, ndzilo lowu a hi ku nandziha ka wona.”
17 Kambe leyi saleke u yi endla xikwembu, xifaniso xa yena lexi vatliweke.
Wa xi khinsamela a xi gandzela.
U khongela eka xona a ku:
“Ndzi ponise, hikuva u xikwembu xa mina.”+
18 A va tivi nchumu, a va twisisi nchumu,+Hikuva matihlo ya vona ma pfariwile, a ma voni,A va twisisi.
19 A nga kona loyi a anakanyisisakaKumbe loyi a nga ni vutivi kumbe ku twisisa, a ku:
“Ndzi tshivele ndzilo hi hafu ya wona,Ndzi bake ni xinkwa hi makala ya wona ndzi tlhela ndzi oxa nyama ndzi dya.
Kutani, xana ndzi nga teka njhani hafu leyi saleke ndzi endla nchumu lowu nyenyetsaka?+
Hikwalaho ka yini ndzi fanele ndzi gandzela ntsandza lowu humaka ensinyeni?”
20 U dya nkuma.
Mbilu yakwe leyi nga ni vukanganyisi yi n’wi hambukisile.
A nge swi koti ku ponisa vutomi byakwe, kumbe ku vula a ku:
“Xana lexi nga evokweni ra mina ra xinene a hi vunwa?”
21 “Tsundzuka swilo leswi, wena Yakobo na wena Israyele,Hikuva u nandza wa mina.
Ndzi ku vumbile naswona u nandza wa mina.+
A ndzi nge ku rivali,+ wena Israyele.
22 Ndzi ta funengeta milandzu ya wena ku fana ni loko yi funengetiwe hi papa,+Ni swidyoho swa wena ku fana ni loko swi siviwe hi papa lerikulu.
Tlhelela eka mina hikuva ndzi ta ku kutsula.+
23 Banani mikulungwana, n’wina matilo,Hikuva Yehovha u teke goza!
Banani mikulungwana, n’wina tindhawu ta le hansihansi ta misava!
Tsakani, n’wina tintshava,+Wena khwati ni mirhi hinkwayo ya wena!
Hikuva Yehovha u kutsule Yakobo,U kombisa ku vangama kakwe eka Israyele.”+
24 Yehovha Mukutsuri+ wa wena,Loyi a ku vumbeke ku sukela loko u ri ekhwirini u ri:
“Hi mina Yehovha, loyi a endleke swilo hinkwaswo.
Ndzi andlale matilo hi ndzexe,+Ndzi andlala ni misava.+
I mani loyi a a ri na mina?
25 Ndzi endla ku vhumbha ka vaprofeta va mavunwa ku nga tirhi,Hi mina Loyi a endlaka vangoma va hundzuka swiphukuphuku;+Loyi a pfilunganyaka tintlhari,A tlhela a hundzula vutivi bya tona byi va vuphukuphuku;+
26 Loyi a endlaka rito ra malandza yakwe ri va ntiyiso,A tlhela a endla leswi varhumiwa+ vakwe va swi vulaka;Loyi a vulaka leswi hi Yerusalema, ‘Ku ta tshamiwa+ eka yena,’Ni hi miti ya Yuda a ku, ‘Yi ta pfuxiwa,+Ndzi ta pfuxa marhumbi yakwe’;+
27 Loyi a byelaka xidziva a ku, ‘Oma,Naswona ndzi ta omisa milambu ya wena hinkwayo’;+
28 Loyi a vulaka leswi mayelana na Korexe,+ ‘I murisi wa mina,U ta endla hinkwaswo leswi ndzi lavaka leswaku swi endliwa’;+Loyi a vulaka leswi mayelana na Yerusalema, ‘Wu ta pfuxiwa,’Ni mayelana ni tempele a ku, ‘Masungulo ya wena ma ta vekiwa.’ ”+
Tinhlamuselo ta le hansi
^ Leswi vulaka “Munhu Wo Lulama,” ku nga xithopo lexi a xi tirhisiwa ku xixima Israyele.
^ Kumbe “etikweni leri nga ni torha.”
^ Hi Xiheveru, “mbewu.”
^ Ku nga swifaniso.
^ Kumbe “egandzelweni.”
