Esaya 49:1-26
49 Ndzi yingiseni, n’wina swihlala,Yingisani, n’wina vanhu va matiko ya le kule.+
Yehovha u ndzi vitane ndzi nga si velekiwa.+
U boxe vito ra mina ndza ha ri ekhwirini ra manana.
2 U endle nomu wa mina wu fana ni banga ro kariha;U ndzi fihle endzhutini wa voko rakwe.+
U ndzi endle ndzi fana ni nseve lowu lotiweke;U ndzi tumbete enkotlotweni wakwe.
3 U ndzi byele a ku: “U nandza wa mina, wena Israyele,+Loyi ndzi nga ta tibuma ha yena.”+
4 Kambe mina ndzi te: “Ndzi tirhele mahala.
Ndzi tikarhatele swa hava.
Kambe ndzi ta avanyisiwa hi Yehovha,Xikwembu xa mina xi ta ndzi hakela.”+
5 Yehovha Loyi a ndzi vumbeke ndza ha ri ekhwirini leswaku ndzi va nandza wakwe,U ndzi rhume leswaku ndzi landza Yakobo,Leswaku Israyele a ta tlhelela eka yena.+
Ndzi ta dzunisiwa emahlweni ka Yehovha,Xikwembu xa mina xi ta va ntamu wa mina.
6 U tlhele a ku: “A wo va nandza wa mina ntsenaU ta pfuxa tinyimba ta YakoboU vuyisa lava poneke va Israyele.
Ndzi ku nyikele leswaku u va ku vonakala eka matiko,+Leswaku ndzi ta ponisa misava hinkwayo.”+
7 Yehovha Mukutsuri wa Israyele, Mukwetsimi wa yena,+ u vula tano eka loyi a nga tekeriwangiki enhlokweni,+ loyi a nyenyiwaka hi tiko, eka nandza wa vafumi u ri:
“Tihosi ti ta suka ti yima hikwalaho ka leswi ti swi vonaka,Tihosana ti ta khinsamaHikwalaho ka Yehovha loyi a tshembekaka,+Mukwetsimi wa Israyele, loyi a ku hlawuleke.”+
8 Yehovha u ri:
“Ndzi ku hlamurile hi nkarhi wa kona lowunene,+Ndzi ku pfunile hi siku ra ku ponisiwa;+Ndzi ku hlayisile leswaku ndzi ta ku endla ntwanano wa vanhu,+Leswaku tiko ri ta hlakarhela,Leswaku va tlhela va kuma ndzhaka ya vona leyi onhiweke,+
9 Leswaku u ta byela vabohiwa u ku, ‘Humani!’+
Eka lava nga emunyameni,+ u ta ku, ‘Humelelani!’
Va ta dyela etindleleni,Madyelo ya vona ma ta va etindleleni hinkwato leti pfulekeke.
10 A va nge khomiwi hi ndlala kumbe torha,+Hambi mumu kumbe dyambu a swi nge va hisi.+
Hikuva va rhangeriwa hi Loyi a va twelaka vusiwana,+Naswona u ta va yisa eswihlobyeni swa mati.+
11 Ndzi ta endla tintshava hinkwato ta mina ti va ndlela,Magondzo ya mina ma ta tlakusiwa.+
12 Vona! Lava va ta va huma ekule,+Vona, lava va huma en’walungwini ni le vupeladyambu,Kasi van’wana va huma etikweni ra Sinimi.”+
13 Banani mikulungwana n’wina matilo, tsaka na wena misava.+
Tintshava na tona a ti tsake ti ba nkulungwana.+
Hikuva Yehovha u chavelele vanhu vakwe,+U va komba tintswalo vanhu vakwe lava xanisekaka.+
14 Kambe Siyoni u ye emahlweni a ku:
“Yehovha u ndzi siyile,+ Yehovha u ndzi rivele.”+
15 Xana wansati a nga rivala n’wana wakwe loyi a n’wi mamisakaKumbe a nga n’wi tweli vusiwana n’wana loyi a nga lo n’wi veleka?
Hambiloko vavasati lava vo rivala, mina a ndzi nge pfuki ndzi ku rivarile.+
16 Languta! Ndzi kovotle vito ra wena eswandleni swa mina.
Ndzi tshama ndzi langute makhumbi ya wena.
17 Vana va wena va hatlisela ku vuya.
Lava ku hirimuxeke va tlhela va ku lovisa va ta suka eka wena.
18 Halahala.
Va le ku hlengeletaneni.+
Va ta eka wena.
Yehovha u ri: “Ndza hlambanya,U ta va ambala hinkwavo ku fana ni loko u ambala swin’wetsin’wetsi,U ta tiboha ha vona hilaha mutekiwa a endlaka hakona.
19 Hambileswi ndhawu ya wena a yi onhakile yi tlhela yi nga vi na vanhu naswona tiko ra wena a ri ri rhumbi,+Sweswi ri ta tala hi vanhu kukondza va manyana,+Kasi lava ku hlaseleke+ va ta va ekule swinene.+
20 Vana lava velekiweke hi nkarhi lowu a wu loveriwile va ta ku eka wena,‘Ndhawu leyi a yi ndzi ringani.
Ndzi nyike ndhawu yin’wana ndzi tshama eka yona.’+
21 Kutani wena u ta vulavula hi mbilu u ku,‘I mani tata wa vana lava,Leswi ndzi nga wansati loyi a nga riki na vana, ndzi nga mhika,Leyi yisiweke evuhlongeni yi ya pfaleriwa?
Vana lava va kurisiwe hi mani?+
Mina a ndzi sale ndzi ri ndzexe,+Xana vana lava va huma kwihi?’ ”+
22 Yehovha Hosi Leyi Tlakukeke u ri:
“Yingisa! Ndzi ta tlakusela voko ra mina ehenhla leswaku matiko ma ri vona,Ndzi ta veka mfungho leswaku vanhu va wu vona.+
Va ta tlakula vana va wena va va tisaVa ta tlhandleka vana va wena va vanhwanyana emakatleni.+
23 U ta hlayisiwa hi tihosi,+U ta khathaleriwa hi vana va tona.
Va ta ku khinsamela swikandza swa vona swi langute ehansi,+Va ta nantswela ritshuri emilengeni ya wena,+Kutani u ta swi tiva leswaku hi mina Yehovha;Lava ndzi tshembaka va nge khomiwi hi tingana.”+
24 Xana u nga tekela nhenha vanhu lava yi va tekeke hi nkani,Kumbe, xana mahlonga ya munhu loyi a fumaka hi voko ra nsimbhi ma nga tshunxiwa?
25 Kambe Yehovha u ri:
“Hambi ku ri vanhu lava nhenha yi va tekeke hi nkani va ta tekiwa,+Ni mahlonga ya loyi a fumaka hi voko ra nsimbhi ma ta tshunxiwa.+
Ndzi ta lwa ni lava lwaka na wena,+Ndzi ta ponisa vana va wena.
26 Lava ku xanisaka ndzi ta va dyisa nyama ya vona,Va ta dakwa hi ngati ya vona onge hiloko va nwe vhinyo yo tsokombela.
Vanhu hinkwavo va ta swi tiva leswaku hi mina Yehovha,+Muponisi+ ni Mukutsuri wa wena,+Loyi a nyikaka Yakobo Matimba.”+
