Esaya 5:1-30
5 Ndzi kombela ku yimbelelela murhandziwaRisimu mayelana na yena ni nsimu yakwe ya madiriva.+
Murhandziwa wanga a a ri ni nsimu ya madiriva yo nona etlhelo ka xintshabyana.
2 U yi rimile a susa ni maribye.
A byala madiriva yo tshwuka lamanene,A aka ni xihondzo exikarhi ka yona,A endla ni xikamelo xa madiriva.+
Hiloko a langutela leswaku yi tswala madiriva,Kambe yi tswale madiriva yo phyama.+
3 “Kutani sweswi, n’wina vaaki va Yerusalema na n’wina vanhu va Yuda,Ndzi kombela mi avanyisa exikarhi ka mina ni nsimu ya mina ya madiriva.+
4 Xana i yini xin’wana lexi a ndzi ta va ndzi xi endlile ensin’wini ya mina ya madirivaLexi ndzi nga xi endlangiki?+
Hikokwalaho ka yini yi humese madiriva yo phyama,Kasi mina a ndzi langutele madiriva lamanene?
5 Sweswi, inge ndzi mi byelaLeswi ndzi nga ta swi endla eka nsimu ya mina ya madiriva:
Ndzi ta susa rihlampfu ra yona,Kutani ri hisiwa.+
Ndzi ta mbundzumuxa khumbi ra yona,Ivi ri kandziyeriwa.
6 Ndzi ta yi hundzula marhumbi;+A yi nge tsheniwi kumbe ku hlakuriwa.
Ku ta mila swihlahla swa mitwa ni nhova,+Naswona ndzi ta lerisa mapapa leswaku ma nga ha nisi mpfula ehenhla ka yona.+
7 Hikuva nsimu ya madiriva ya Yehovha wa mavuthu i ndyangu wa Israyele;+Vanhu va le Yuda i swibyariwa leswi a a swi rhandza.
A a langutele vululami,+Kambe a ku avanyisiwa hi ndlela yo biha;A a langutele ku lulama,Kambe a ku ri ni swirilo.”+
8 Khombo eka lava tekaka tiyindlu to tala+
Va tlhela va teka ni masimu yo tala+
Kukondza ku nga ha vi na ndhawuIvi va tshama va ri voxe etikweni!
9 Yehovha wa mavuthu u ndzi hlambanyerileLeswaku hambileswi ku nga ni tiyindlu to tala letikulu ti tlhela ti saseka,Ti ta sala ti ri marhumbi yo nyenyetsa,A ku nge tshami munhu.+
10 Hikuva tihekitara ta mune ta nsimu ya madiriva ti ta humesa bati* yin’we ntsena,Mpimo wa homere* yin’we ya mbewu yi ta humesa mpimo wa efa* ntsena.+
11 Khombo eka lava pfukaka nimpundzu swinene leswaku va nwa byala,+Lava tshamaka kukondza byi va vusiku va kala va dakwa hi vhinyo!
12 Eminkhubyeni ya vona ku ni tiharipa ni switende,Swingomana, switiringo ni vhinyo;Kambe a va na mhaka ni ntirho wa Yehovha,Naswona a va yi voni mitirho yakwe.
13 Kutani vanhu va mina va ta ya evuhlongeniHikwalaho ko pfumala vutivi;+Vanhu va vona lava tivekaka va ta dlawa hi ndlala,+Kasi lavan’wana hinkwavo va ta dlawa hi torha.
14 Hikokwalaho Sirha* ri anamileNaswona ri pfulekile swinene;+Kutani lavo xiximeka emutini ni vanhu vakwe lava nga ni hasahasa, ni lava endlaka mikhuvo leyi nga lawulekikiVa ta helela kona.
15 Naswona vanhu va ta tsongahatiwa,Va ta khomisiwa tingana,Lava tikurisaka va ta nyumisiwa.
16 Yehovha wa mavuthu u ta tlakusiwa hikwalaho ka vuavanyisi byakwe;Xikwembu xa ntiyiso, Mukwetsimi,+ u ta tivangamisa hi vululami bya yena.+
17 Swinyimpfana swi ta dya swi tshunxekile onge swi le madyelweni ya swona;Vanhu va matiko mambe va ta dya etindhawini leti tshikiweke laha a ku ri madyelo ya swifuwo swo nona.
18 Khombo eka lava kokakokaka nandzu wa vona hi tintambhu ta vuxisiNi xidyoho xa vona hi tintambhu ta golonyi;
19 Lava nge: “A hatlise a endla leswi a swi vulaka;A swi hatle swi endleka leswaku hi ta swi vona.
Xikongomelo* xa Mukwetsimi wa Israyele a xi hatle xi endlekaLeswaku hi ta xi tiva!”+
20 Khombo eka lava vulaka leswaku leswinene swi bihile ni leswo biha i swinene,+Lava nge munyama i ku vonakala ni ku vonakala va ku i munyama,Lava nge leswo bava swa tsokombela ni leswo tsokombela va ku swa bava!
21 Khombo eka lava tivonaka va tlharihileNi ku titshemba ngopfu!+
22 Khombo eka lava rhandzaka ku nwa vhinyo,Ni lava nga ni vuswikoti byo pfanganisa mabyala,+
23 Lava nga gweviki lowo homboloka hikwalaho ko xaviwa+
Va avanyisa munhu lonene hi ndlela yo biha!+
24 Hikwalaho, hilaha ndzilo wu hisaka mahlanga hakonaNi byanyi byo oma byi hisiwaka hi malangavi,Timitsu ta vona ti ta bolaNaswona ku hluka ka vona ku ta hangalaka ku fana ni mapa,Hikuva va fularhele nawu wa Yehovha wa mavuthu,Naswona a va ri xiximanga rito ra Mukwetsimi wa Israyele.+
25 Hi yona mhaka Yehovha a karihelaka vanhu vakwe,U ta va heta hi voko rakwe.+
Tintshava ti ta tsekatseka,Ni mitsumbu ya vona yi ta fana ni thyaka eswitarateni.+
Hikwalaho ka sweswo hinkwaswo, wa ha hlundzukile,Naswona wa ha tiyimisele ku va xupula.
26 U vitane tiko ra le kule hi ku tirhisa mfungho;+U va bele khwela va ri ekule swinene;+Langutani! Va ta hi ku hatlisa.+
27 Ku hava loyi a karhaleke kumbe ku khudlunyeka exikarhi ka vona.
Ku hava loyi a khudzehelaka kumbe ku etlela.
Mabandhi ya vona ma bohiwe ma tiya,Naswona tintambhu ta maphaxani ya vona a ti tsemekanga.
28 Miseve ya vona hinkwayo yi lotiwile,Mavurha* ya vona hinkwawo ma lunghekile.
Masondzo* ya tihanci ta vona ma tiye ku fana ni ribye,Mavhilwa ya vona ma fana ni moya wa matimba.+
29 Va bonga ku fana ni nghala;Va bonga ku fana ni swinghalana.+
Va ta mpfhumpfha va khoma xiharhiVa ta famba na xona naswona a ku na loyi a nga ta xi lamulela.
30 Hi siku rero va ta xi mpfhumpfhelaKu fana ni lwandle loko ri mpfhumpfha.+
Loyi a langutaka tiko u ta vona munyama lowu khomisaka gome;Hambi ku ri ku vonakala ku hundzuke munyama hikwalaho ka mapapa.*+
Tinhlamuselo ta le hansi
^ Vona Xiengetelo B14.
^ Vona Xiengetelo B14.
^ Vona Xiengetelo B14.
^ Kumbe “Sheol.” Vona Tinhlamuselo.
^ Kumbe “Xiboho.”
^ Kumbe “Mimpaxu.”
^ Kumbe “swinyondzwana.”
^ Kumbe “matsefu.”
