Esaya 53:1-12
53 I mani loyi a veke ni ripfumelo eka swilo leswi a swi tweke eka hina?*+
I mani loyi a kombiweke+ matimba* ya Yehovha?+
2 U ta humelela ku fana ni xirhabyana+ emahlweni ka yena,* ku fana ni rimitsu leri humaka emananga.
A nga languteki a chaviseka, kumbe ku xiximeka;+Loko hi n’wi vona, a hi swi naveli ku tshinela ekusuhi na yena.
3 A a nga tekeriwi enhlokweni naswona vanhu a va n’wi papalata,+U twe ku vava naswona a a tolovelane ni mavabyi.
A swi fana ni loko hi tumbeteriwe xikandza xakwe.
A a languteriwa ehansi naswona a hi n’wi teka a nga pfuni nchumu.+
4 Kunene u rhwale mavabyi ya hina,+U rhwale ni switlhavi swa hina.+
Kambe a hi n’wi teka ku fana ni munhu loyi a xupuriweke ni ku biwa hi Xikwembu.
5 Kambe u tlhaviwile+ hikwalaho ka swidyoho swa hina;+U xanisiwile hikwalaho ka swidyoho swa hina.+
U xupuriwile leswaku hi ta kuma ku rhula,+Hi horisiwile hikwalaho ka timbanga takwe.+
6 Hinkwerhu a hi lahleke ku fana ni tinyimpfu,+Un’wana ni un’wana a a famba hi ndlela yakwe,Yehovha u rhwexe yoloye swidyoho swa hina hinkwaswo.+
7 A a tshikileriwa+ a tlhela a xanisiwa,+Kambe a nga vulanga nchumu.
U tisiwe ku fana ni nyimpfu leyi yaka eku tlhaviweni,+
Leyi nga riliki loko yi tsemetiwa voya,A nga vulanga nchumu.+
8 U khomiwe hi tihanyi, a avanyisiwa a tlhela a dlayiwa;I mani loyi a nga ta tikarhata hi vuxokoxoko bya ndlela leyi a hanyeke ha yona?
Hikuva u dlayiwile etikweni ra lava hanyaka;+U xupuriwile hikwalaho ka swidyoho swa vanhu va mina.+
9 U lahliwe ni lavo homboloka+
Ni swifumi loko a fa,+Hambileswi a nga dyohangikiKumbe ku kanganyisa munhu hi nomu.+
10 Kambe a ku ri ku rhandza ka Yehovha leswaku a xaniseka naswona u n’wi tshike a vabya.
Loko wo nyikela vutomi byakwe byi va gandzelo ra nandzu,+U ta vona vana* vakwe, u ta hanya nkarhi wo leha,+Ku rhandza ka Yehovha ku ta hetiseka hikwalaho ka yena.+
11 Hikwalaho ka leswi a xanisekeke, u ta vona leswi a swi endleke kutani a eneriseka.
Hikwalaho ka vutivi byakwe nandza wa mina wo lulama,+U ta pfuna vo tala+ leswaku va va lava lulameke,U ta va rhwalela swidyoho swa vona.+
12 Hikwalaho ka sweswo, ndzi ta n’wi nyika xikhundlha exikarhi ka lavo tala,U ta avelana ni tinhenha leswi phangiweke,Hikwalaho ka leswi a nyikeleke hi vutomi byakwe,+Nileswi a hlayiweke exikarhi ka vadyohi;+U rhwale swidyoho swa vanhu vo tala,+Naswona u kombelele vadyohi.+
Tinhlamuselo ta le hansi
^ Kumbexana “leswi hi swi tweke.”
^ Hi Xiheveru, “voko.”
^ “Yena” swi nga ha endleka ku vulavuriwa hi munhu un’wana kumbe Xikwembu.
^ Hi Xiheveru, “mbewu.”
