Esaya 57:1-21
57 Lowo lulama u lovile,Kambe ku hava la nga ni mhaka na swona.
Vanhu vo tshembeka va hela,*+A nga kona loyi a swi xiyaka leswaku lowo lulama wa helaHikwalaho ka khombo.
2 U kuma ku rhula.
Hinkwavo lava endlaka leswinene va wisile emasangwini ya vona.*
3 “Kambe loko ku ri n’wina, tshinelani,N’wina vana va wansati loyi a nga noyi,N’wina vana va muoswi tlhelo nghwavava:
4 Xana mi sandza mani?
Loko mi pfula milomu mi humesa ririmi, mi endlela mani?
Xana a mi vana va vadyohiNi vana va vahembi,+
5 Lava hisiwaka hi ku navela exikarhi ka mirhi leyikulu,+Ehansi ka mirhi hinkwayo leyikulu,+Lava dlayetelaka vana emikoveni,+Ehansi ka maribye ya mabako?
6 U tsakela maribye ya le nkoveni.+
U hlawule wona.
U ma chululela gandzelo ra swakunwa u ma nyika ni tinyiko.+
Xana ndzi fanele ndzi tsaka hi swilo leswi?
7 U veke sangu ra wena ehenhla ka ntshava,+U tlhandlukele kwalaho u ya endla gandzelo.+
8 U veka xifaniso xa xikwembu xa wena endlwini ya wena.
U ndzi tshikile, u famba u ya hluvula;U tlhandlukile u ya engetela ndhawu leyi u etlelaka eka yona.
U endle ntwanano na vona.
U rhandze ku etlela na vona,+Naswona u vone ni xirho xa xinuna.*
9 U ye eka Meleki* u ri ni mafurha,U tamele mafurha yo tala yo nun’hwela.
U rhumele vayimeri va wena ekule,U kala u ya eSirheni.*
10 U tirhe hi matimba u landzela tindlela ta wena to tala,A wu vulanga u ku, ‘A swi pfuni nchumu!’
U tlhele u kuma matimba.
Hi yona mhaka u tiyiseleke.
11 A wu chava maniLerova u sungula ku hemba?+
A wu ndzi tsundzukanga.+
A wu tekelanga nchumu enhlokweni.+
Xana a ndzi miyelanga ndzi fihla timhaka?+
A wu ndzi chavanga.
12 Ndzi ta byela vanhu mitirho+ ni vukanganyisi+ bya wena,A swi nge ku pfuni nchumu.+
13 Loko u kombela mpfuno,Swikwembu swa wena a swi nge ku pfuni.+
Hinkwaswo swi ta biwa hi moya,Swi ta ya wela ekule loko munhu a swi fufutela kunene,Kambe loyi a tumbelaka eka mina u ta dya ndzhaka ya tikoNtshava ya mina yo kwetsima yi ta va ndzhaka yakwe.+
14 Ku ta vuriwa leswi, ‘Endlani ndlela! Lulamisani ndlela.+
Susani swilo hinkwaswo leswi nga kavanyetaka vanhu va mina endleleni ya vona.’ ”
15 Hikuva Loyi a Tlakukeke, La nga eHenhla,Loyi a hanyaka hilaha ku nga heriki+ loyi vito rakwe ri kwetsimaka,+ u ri:
“Ndzi tshama endhawini leyi tlakukeke ni leyi kwetsimaka,+Kambe ni le xikarhi ka lava tshikileriwaka ni lava titsongahataka,Leswaku ndzi tiyisa lava titsongahatakaNi ku pfuxa timbilu ta lava tshikileriwaka.+
16 Hikuva a ndzi nge va kariheli hilaha ku nga herikiKumbe ku tshama ndzi hlundzukile;+Hikuva moya wa munhu wu ta heleriwa hi matimba hikwalaho ka mina,+Hambi ku ri swivumbiwa leswi hanyaka leswi ndzi swi endleke.
17 A ndzi n’wi* hlundzukerile hikwalaho ka leswi a nga ni makwanga,+Hiloko ndzi n’wi ba, ndzi tumbete xikandza xa mina naswona a ndzi hlundzukile.
Kambe u ye emahlweni a tiendlela ku rhandza.+
18 Ndzi yi vonile ndlela leyi a hanyaka ha yona,Kambe ndzi ta n’wi tshungula,+ ndzi n’wi komba ndlela,+Ndzi n’wi chavelela,+ ndzi tlhela ndzi chavelela ni vanhu vakwe lava rilaka.”+
19 “Ndzi endla marito yo dzunisa.*
Ku ta va ni ku rhula loku nga heriki eka loyi a nga ekule ni loyi a nga ekusuhi,”+ ku vula Yehovha,“Ndzi ta n’wi horisa.”
20 “Kambe lavo homboloka va fana ni lwandle leri kariheke,Mati ya rona ma tshamela ku humesa swimilana swa le lwandle ni ndzhope.
21 Lavo homboloka a va na ku rhula,”+ ku vula Xikwembu xanga.
Tinhlamuselo ta le hansi
^ Ku nga ku fa.
^ Ku nga esirheni.
^ Swi nga endleka ku vulavuriwa hi ku gandzela swifaniso.
^ Kumbexana “hosi.”
^ Kumbe “eSheol.” Vona Tinhlamuselo.
^ Swi tikomba ku vuriwa Vaisrayele.
^ Hi Xiheveru, “mihandzu ya milomu.”
