Malakiya 4:1-6
4 “Hikuva maswivo, ra ta siku leri hisaka ku fana ni khele ra ndzilo,+ leri hinkwavo lava va tikukumuxaka ni hinkwavo lava endlaka swo biha va nga ta fana ni mahlanga. Va ta lovisiwa hi siku rero, a ku nge sali munhu, va ta hela hinkwavo,”* ku vula Yehovha wa mavuthu.
2 “Kambe n’wina lava xiximaka* vito ra mina, mi ta tlhaveriwa hi dyambu leri tisaka ku lulama leri miseve ya rona yi hanyisaka; mi ta tlulatlula ku fana ni marhole lama noneke.”
3 “Mi ta kandziyela lavo homboloka hikuva va ta fana ni ritshuri ehansi ka mikondzo ya n’wina hi siku leri ndzi nga ta endla leswaku leswi swi humelela,” ku vula Yehovha wa mavuthu.
4 “Tsundzukani Nawu wa nandza wa mina Muxe, swileriso ni vuavanyisi leswi ndzi n’wi leriseke swona eHorebe, leswaku Vaisrayele hinkwavo va swi yingisa.+
5 “Maswivo! Ndzi rhuma muprofeta Eliya+ eka n’wina, ku nga si fika siku lerikulu ni leri chavisaka ra Yehovha.+
6 U ta endla leswaku timbilu ta vatatana ti fana ni ta vana va vona+ ni timbilu ta vana ti fana ni ta vatata wa vona,* leswaku ndzi nga fiki ndzi hlasela misava ndzi yi lovisa.”
Tinhlamuselo ta le hansi
^ Hi Xiheveru, “a ku nge sali rimitsu kumbe rhavi.”
^ Hi Xiheveru, “chavaka.”
^ Hi Xiheveru, “tlherisa timbilu ta vatatana eka vana va vona ni timbilu ta vana ti tlhelela eka vatatana.”
