Mikiya 1:1-16
1 Rito ra Yehovha leri fikeke eka Mikiya*+ wa le Morexeti, leri a ri tweke exivonweni mayelana na Samariya na Yerusalema enkarhini wa ku fuma ka Yohatama,+ Akazi+ na Hezekiya+ tihosi ta Yuda+ ri te:
2 “Yingisani n’wina hinkwenu!
Yingisa, wena misava ni hinkwaswo leswi nga eka wena,Yehovha Hosi Leyi Tlakukeke a a ku avanyise,+Yehovha a a ku avanyise a ri etempeleni yakwe yo kwetsima.
3 Hikuva maswivo! Yehovha u huma endhawini yakwe;U ta xika kutani a kandziyela tindhawu ta vona to gandzela eka tona.
4 Tintshava ti ta n’oka hikwalaho ka yena,+Ni swinkobyana swi ta avana,Ku fana ni mhula* leyi n’okisiwaka hi ndzilo,Ku fana ni mati lama halatiwaka endhawini leyi rhelelaka.
5 Leswi hinkwaswo swi vangiwa hi ku xandzuka ka Yakobo,Hikwalaho ka swidyoho swa Vaisrayele.+
I mani loyi a faneleke a soriwa hikwalaho ka ku pfukela ka Yakobo?
Xana a hi Samariya?+
Ti kwihi tindhawu leti tlakukeke leti Yuda+ a gandzelaka eka tona?
Xana a hi Yerusalema?
6 Ndzi ta endla Samariya a va rhumbi,U ta va masimu ya madiriva;Ndzi ta cukumetela maribye yakwe enkoveni,Naswona masungulo yakwe ma ta sala erivaleni.
7 Swikwembu swakwe hinkwaswo leswi vatliweke swi ta pfotlosiwa,+Ni tinyiko hinkwato leti a nyikiweke tona loko a endla vunghwavava ti ta hisiwa.+
Ndzi ta herisa swikwembu swakwe hinkwaswo.
Hikuva u swi kume hikwalaho ka vunghwavava bya yena,Swi ta tlhela swi va hakelo ya tinghwavava tin’wana.”
8 Ndzi ta kalakala, ndzi kolola hikwalaho ka leswi;+Ndzi ta famba ndzi nga ambalanga nchumu emilengeni ni le mirini.+
Ndzi ta kalakala kukota timhungubye,Ndzi rila kukota tinca.
9 Hikuva timbanga takwe a ti nge tshunguleki;+Ti fike ni le Yuda.+
Ntungu wu hangalake ku ya fika egedeni ya vanhu va mina eYerusalema.+
10 “Mi nga va tivisi hi wona eGati;Mi nga tshuki mi rila.
Vumbulukani eritshurini eBeta-afra.*
11 Fambani mi nga ambalanga nchumu, n’wina vaaki* va Xafiri.
Vaaki* va Zanani a va humanga.
Ku ta va ni xirilo emutini wa Beta-esele naswona a wu nge he ku seketeli.
12 Hikuva vaaki* va Maroti a va rindzele leswinene,Kambe khombo leri humaka eka Yehovha ri fike egedeni ya Yerusalema.
13 Panani tihanci ni kalichi, n’wina vaaki* va Lakixi.+
Hi n’wina mi nga dyohisa nhwanyana wa Siyoni,Hi n’wina mi endleke leswaku Israyele a xandzuka.+
14 Hikokwalaho, mi ta nyika Morexeti-gati tinyiko.*
Tiyindlu ta Akizibi+ a ti ri nchumu lowu nga tshembekiki eka tihosi ta Israyele.
15 Ndzi ta mi tisela loyi a nga ta mi hlula,+ n’wina vaaki* va Marixa.+
Israyele u ta dzunisiwa ku ya fika ni le Adulamu.+
16 Byevulani mpandlha mi tsemeta misisi hikwalaho ka vana va n’wina lava mi va rhandzaka.
Yi byevuleni yi fana ni ya gama,Hikuva va yisiwe evuhlongeni.”+
Tinhlamuselo ta le hansi
^ I nkomiso wa vito leri nge Mikayele kumbe Mikaya, leswi vulaka “I Mani La Fanaka Na Yehovha?”
^ Ku nga mafi lama damarhelaka lama kumekaka laha tinyoxi ti endlelaka xihlenge kona.
^ Kumbe “endlwini ya Afra.”
^ Hi Xiheveru, “vaaki va xisati.”
^ Hi Xiheveru, “Vaaki va xisati.”
^ Hi Xiheveru, “vaaki va xisati.”
^ Hi Xiheveru, “vaaki va xisati.”
^ Kumbe “tinyiko ta ku lelana.”
^ Hi Xiheveru, “vaaki va xisati.”
