Risimu Ra Solomoni 7:1-13
7 “Milenge ya wena yi saseke swinene loko u ambale maphaxani,Wena nhwanyana wo xiximeka!
Mindzhumbi ya wena yi vumbeke ku fana ni swin’wetsin’wetsi,Leswi endliweke hi muvumbi la nga ni vuswikoti.
2 Nkava wa wena wu fana ni xibya xa xirhendzevutana.
Onge wu nga tshama wu ri ni vhinyo leyi pfanganisiweke.
Khwiri ra wena ri fana ni nhulu ya koroni,Leyi rhendzeriweke hi makhon’wa.
3 Mavele ya wena ma fana ni swimhalana swimbirhi,Leswi nga mahahla.+
4 Nhamu+ ya wena yi fana ni xihondzo lexi endliweke hi timhondzo ta tindlopfu.+
Matihlo ya wena+ ma fana ni swidziva swa le Hexiboni,+Leswi nga egedeni ya le Batirabimi.
Nhompfu ya wena yi fana ni xihondzo xa Lebanoni,Lexi languteke eDamaska.
5 Harhi ya nhloko ya wena yi saseke ku fana ni ntshava ya Karimeli,+Misisi*+ ya wena yi fana ni voya bya phephulu.*+
Hosi yi yiviwa hi misisi ya wena yo leha.
6 U sasekile swinene naswona wa tsakisa,U nhwana loyi a rhandzekaka swinene!
7 U vumbeke ku fana ni murhi wa ncindzu,Mavele ya wena ma fana ni swichocho swa ncindzu.+
8 Ndzi te, ‘Ndzi ta khandziya murhi wa ncindzu,Leswaku ndzi ta khoma mihandzu ya wona.’
Onge mavele ya wena ma nga fana ni swichocho swa madiriva,Moya wa wena a wu nun’hwele ku fana ni maapula,
9 Nomu wa wena a wu fane ni vhinyo leyinene.”
“Onge yi nga rhelela loko murhandziwa wanga a yi nwa,Yi khuluka emilon’wini ya lava etleleke.
10 Ndzi wa murhandziwa wanga+Naswona yena wa ndzi rhandza.
11 Tana murhandziwa wangaA hi ye emasin’wini;Hi ya tshama exikarhi ka swimilana swa henna.+
12 A hi pfuke nimixo hi ya emasin’wini ya madiriva,Ku ya vona loko mirhi ya madiriva yi hlukile,Loko mirhi ya madiriva yi rhumbukile,+Loko mirhi ya magrenada yi hlukile.+
Kwalaho ndzi ta ku komba ndlela leyi ndzi ku rhandzaka ha yona.+
13 Timandrake+ ti humesa nun’hwelo wa tona;Ku ni mihandzu ya mixaka hinkwayo etinyangweni ta hina.+
Ya khale ni leyintshwa,Ndzi ku vekele yona, wena murhandziwa wanga.
