Sofaniya 3:1-20
3 Khombo eka muti lowu xandzukeke, lowu thyakeke, lowu tshikilelaka!+
2 A wu ri yingisanga rito;+ a wu yi amukelanga ndzayo.+
A wu n’wi tshembanga Yehovha;+ a wu tshinelanga eka Xikwembu xa wona.+
3 Tihosana ta wona i tinghala leti vombaka.+
Vaavanyisi va wona i timhisi nivusiku;A ti siyi hambi ku ri rhambu ro phorha ku fikela nimixo.
4 Vaprofeta va wona i vaxengi lava tikurisaka.+
Vaprista va wona va nyamisa leswi kwetsimaka;+Va tlula nawu.+
5 Yehovha u lulamile eka muti wolowo;+ a nga endli leswo biha.
Mixo wun’wana ni wun’wana u tivisa vuavanyisi byakwe,+Byi tshama byi ri kona ku fana ni vurhonga.
Kambe loyi a endlaka swo biha a nga khomiwi hi tingana.+
6 “Ndzi lovise matiko; swihondzo swa wona swi hundzuke marhumbi.
Ndzi onhe switarata swa wona, lerova a ku vanga na munhu loyi a fambaka eka swona.
Miti ya wona yi siyiwe yi ri marhumbi, yi nga ri na munhu, yi nga ri na muaki.+
7 Ndzi te, ‘Kunene u ta ndzi chava u pfumela ku tshinyiwa,’+
Leswaku ndhawu ya wona yi nga lovisiwi,+Wu fanele wu tihlamulela* hikwalaho ka swilo leswi hinkwaswo.
Kambe wu ye wu hisekela ku endla swo biha.+
8 ‘Hikwalaho tshamani mi ndzi languterile,’+ ku vula Yehovha,‘Ku fikela esikwini leri ndzi nga ta tlakuka ha rona ndzi phanga,*Hikuva ndzi bohe ku hlengeleta matiko ni mifumo,Ndzi chululela vukarhi bya mina eka wona, vukarhi bya mina hinkwabyo lebyi pfurhaka;+Hikuva misava hinkwayo yi ta herisiwa hi vukarhi bya mina lebyi fanaka ni ndzilo.+
9 Hikuva enkarhini wolowo ndzi ta cinca ririmi ra vanhu ri va ririmi leri tengeke,Leswaku hinkwavo va vitana vito ra Yehovha,Va n’wi tirhela hi mbilu yin’we.’*+
10 Ku sukela endhawini ya milambu ya Etiyopiya,Lava va ndzi kombelaka, n’wana wa vanhu va mina lava hangalasiweke, u ta ndzi tisela nyiko.+
11 Hi siku rero a wu nge khomisiwi tinganaHikwalaho ka mitirho ya wena hinkwayo leyi u ndzi xandzukeleke ha yona,+Hikuva hi nkarhi wolowo ndzi ta susa lava titlakusaka exikarhi ka wena;Naswona a wu nge he tlheli u titlakusa entshaveni ya mina yo kwetsima.+
12 Ndzi ta siya vanhu lava titsongahataka exikarhi ka wena,+Va ta kuma vutumbelo evitweni ra Yehovha.
13 Lava saleke va Israyele+ a va nge endli leswo homboloka;+A va nge vulavuli mavunwa kumbe va kanganyisa van’wana;Va ta dya va etlela ehansi, a ku nge vi na munhu la nga ta va chavisa.”+
14 Huwelela hi ku tsaka, wena nhwana wa Siyoni!
Bana nkulungwana, wena Israyele!+
Khana u tsaka hi mbilu ya wena hinkwayo, wena nhwana wa Yerusalema!+
15 Yehovha u suse ku avanyisa kakwe eka wena.+
U hlongole nala wa wena.+
Yehovha, Hosi ya Israyele, u na wena.+
A wu nge he ri chavi khombo.+
16 Esikwini rero Yerusalema u ta byeriwa leswi:
“U nga chavi, wena Siyoni.+
Mavoko ya wena ma nga tshuki ma lelemela.*
17 Yehovha Xikwembu xa wena u na wena.+
U ta ponisa leswi a nga Lowa matimba.
U ta khana ha wena hi ku tsaka lokukulu.+
U ta eneriseka hi ndlela leyi a ku rhandzaka ha yona.
U ta tsaka ha wena hi ku huwelela ka ku tsaka.
18 Ndzi ta hlengeleta lava rilaka hikwalaho ka leswi va nga tangiki emikhubyeni ya wena;+A va tanga hikwalaho ka leswi a va rhwale ndzhukano wa yena.+
19 Waswivo! Enkarhini wolowo ndzi ta lwa ni hinkwavo lava ku tshikilelaka;+Ndzi ta ponisa loyi a khwitaka,+Ndzi ta hlengeleta lava hangalasiweke.+
Ndzi ta va endla va dzuneka va va ni ndhuma*Etikweni rin’wana ni rin’wana leri va khomisiweke tingana eka rona.
20 Hi nkarhi wolowo ndzi ta mi vuyisa,Ndzi ta mi hlengeleta.
Hikuva ndzi ta mi endla mi va ni ndhuma* mi tlhela mi dzuneka+ eka vanhu hinkwavo va misava,Loko ndzi hlengeleta mahlonga ya n’wina emahlweni ka n’wina,” ku vula Yehovha.+
Tinhlamuselo ta le hansi
^ Kumbe “xupuriwa.”
^ Kumbexana “ndzi nga ta yima ha rona ndzi ri mbhoni.”
^ Kumbe “gandzela hi vun’we.”
^ Kumbe “hela matimba.”
^ Hi Xiheveru, “vito.”
^ Hi Xiheveru, “vito.”
