Swivuriso 1:1-33
1 Swivuriso swa Solomoni+ n’wana wa Davhida,+ hosi ya Israyele:+
2 Swivuriso swi pfuna munhu ku dyondza* vutlhari+ ni ndzayo;Ni ku twisisa marito ya vutlhari;
3 Swi pfuna munhu ku kuma ndzayo+ leyi nyikaka ku twisisa,Ku tshembeka,+ vuavanyisi lebyinene+ ni vunene;
4 Swi tlharihisa+ loyi a nga riki na ntokoto;Swi nyika jaha vutivi ni vuswikoti byo ehleketa.+
5 Munhu wo tlhariha u yingisa swiletelo swo tala a tlhela a amukela;+Munhu loyi a twisisaka u kuma nkongomiso wa vutlhari+
6 Leswaku a twisisa xivuriso ni xifananiso,Marito ya tintlhari ni mawetana* ya tona.+
7 Ku chava Yehovha i masungulo ya vutivi.+
I swiphukuphuku ntsena leswi byi langutelaka ehansi vutlhari ni ndzayo.+
8 N’wananga, yingisa ndzayo ya tata wa wena,+U nga wu fularheli nawu* wa mana wa wena.+
9 I harhi yo saseka ya nhloko ya wena+
Ni nchumu wa nkoka wo khavisa nhamu ya wena.+
10 N’wananga, u nga pfumeli loko vadyohi va ringeta ku ku kanganyisa.+
11 Loko va ku: “A hi fambe.
A hi tumbele leswaku hi ta halata ngati.
Hi ta tumbela hi rindza vanhu lava nga riki na nandzu, ku nga ri na xivangelo.
12 Hi ta va mita va ri karhi va hanya hilaha Sirha* ri endlaka hakona,Va helerile, ku fana ni lava rhelelaka emugodini.
13 A hi tekeni swilo swa vona hinkwaswo swa nkoka;Hi ta tata tiyindlu ta hina hi swilo leswi phangiweke.
14 U fanele u famba na hina,*Kutani hinkwerhu hi ta avelana swilo leswi ringanaka leswi hi nga ta swi yiva.”
15 N’wananga, u nga fambi na vona.
U nga fambi endleleni ya vona,+
16 Hikuva milenge ya vona yi tsutsumela ku endla swilo swo biha;Va tsutsumela ku halata ngati.+
17 Entiyisweni a swi pfuni nchumu ku rhiya ntlhamu xinyenyana xi ri karhi xi ku langutile.
18 Hi yona mhaka leyi vanhu lava va tumbelaka leswaku va ta halata ngati;Va tumbelela leswaku va ta dlaya vanhu van’wana.
19 Leti i tindlela ta lava lavaka ku kuma swilo hi ndlela ya vukanganyisi,Naswona ti ta dlaya vini va tona.+
20 Vutlhari bya ntiyiso+ bya huwelela exitarateni.+
Byi ya emahlweni byi tlakusa rito ra byona erivaleni leri nga exikarhi ka muti.+
21 Byi huwelela ekhonweni ya switarata leswi nga ni huwa.
Byi vula leswi etigedeni ta muti:+
22 “Xana n’wina lava nga riki na ntokoto mi ta rhandza ku pfumala ntokoto ku fikela rini?
Xana n’wina lava hlekulaka mi ta tsakisa hi ku hlekula ku fikela rini?
Xana n’wina swiphukuphuku mi ta venga vutivi ku fikela rini?+
23 Yingisani loko ndzi mi tshinya.*+
Kutani ndzi ta mi chululela moya wa mina;Ndzi ta mi tivisa marito ya mina.+
24 Hikuva ndzi huwelerile kambe mi ye emahlweni mi ala ku hlamula,Ndzi tlakuse voko ra mina kambe a nga kona loyi a yingiseke,+
25 Mi tshamela ku honisa switsundzuxo swa mina hinkwaswoA mi ku amukelanga ku tshinya ka mina,
26 Na mina ndzi ta hleka loko mi hlaseriwa hi khombo;Ndzi ta mi hlekula loko ku ta swilo leswi mi swi chavaka,+
27 Loko leswi mi swi chavaka swi ta ku fana ni xidzedze,Niloko khombo ra n’wina ri fika ku fana ni moya wa matimba,Loko mi weriwa hi maxangu ni swiphiqo.
28 Hi nkarhi wolowo va ta tshamela ku ndzi vitana, kambe a ndzi nge hlamuli;Va ta ndzi lava hi mbilu hinkwayo, kambe a va nge ndzi kumi,+
29 Hikuva va venge vutivi,+A va hlawulanga ku chava Yehovha.+
30 Va ale xitsundzuxo xa mina;A va ku xiximanga ku tshinya ka mina hinkwako.
31 Kutani va ta langutana ni vuyelo* bya ndlela ya vona,+Va ta xurha hi vuyelo bya makungu ya vona.
32 Hikuva ku xandzuka ka lava nga riki na ntokoto ku ta va dlaya,Ni ku nga vi na mhaka ka swihunguki ku ta swi lovisa.
33 Kambe loyi a ndzi yingisaka u ta tshama a sirhelelekile+A nge karhatiwi hi ku chava khombo.”+
Tinhlamuselo ta le hansi
^ Hi Xiheveru, “ku tiva.”
^ Kumbe “mitshayito.”
^ Hi Xiheveru, “xileriso.”
^ Kumbe “Sheol.” Vona Tinhlamuselo.
^ Kumbe “Hoxa vuhlolotwana bya wena na hina.”
^ Kumbe “Hundzukani loko ndzi mi tshinya.”
^ Hi Xiheveru, “dya mihandzu ya.”
