Swivuriso 12:1-28
12 Loyi a rhandzaka ndzayo u rhandza vutivi,+Kambe loyi a vengaka ku tshinyiwa a nga tlharihanga.+
2 Yehovha u amukela munhu lonene,Kambe A nga n’wi amukeli munhu wa makungu yo homboloka.+
3 Munhu loyi a endlaka swilo swo homboloka a nge sirheleleki,+Kambe lowo lulama u ta fana ni murhi lowu nga ta ka wu nga simuriwi.
4 Nsati la nga ni vuswikoti i harhi eka nuna wakwe,+Kambe nsati loyi a endlaka swilo leswi khomisaka tingana u fana ni ku bola emarhambyini ya nuna wakwe.+
5 Miehleketo ya lavo lulama i yinene,Kambe nkongomiso wa lavo homboloka wa kanganyisa.
6 Marito ya lavo homboloka ma fana ni nala loyi a rindzeleke ku hlasela ni ku dlaya,+Kambe nomu wa lavo lulama wa va ponisa.+
7 Loko lavo homboloka va hluriwa a va nge he vi kona,Kambe yindlu ya lowo lulama a yi nge wi.+
8 Munhu u dzunisiwa hikwalaho ka nomu wakwe wa vutlhari,+Kambe loyi a nga ni mbilu leyi hombolokeke u ta hlekuriwa.+
9 Swa antswa ku languteriwa ehansi kambe u ri ni nandzaKu tlula ku tidzunisa kambe u pfumala swakudya.*+
10 Lowo lulama wa swi hlayisa swifuwo swakwe,+Kambe lowo homboloka u ehleketa leswaku u ni tintswalo kasi u ni tihanyi.
11 Loyi a rimaka nsimu yakwe u ta dya a xurha,+Kambe loyi a hlongorisaka swilo leswi nga pfuniki nchumu a nga tlharihanga.
12 Munhu wo homboloka u navela xilo lexi phasiweke hi vanhu van’wana vo biha,Kambe rimitsu ra lavo lulama ri tswala mihandzu.
13 Munhu wo biha u phasiwa hi ku vulavula kakwe loko biha,+Kambe lowo lulama u balekela maxangu.
14 Mihandzu ya milomu ya munhu yi nga endla leswaku swilo swi n’wi fambela kahle,+Ni ntirho wa mavoko yakwe wu ta n’wi vuyerisa.
15 Ndlela ya xiphukuphuku yi lulamile ematihlweni ya xona,+Kambe lowo tlhariha u amukela xitsundzuxo.*+
16 Xiphukuphuku xi kombisa ku nyangatseka ka xona hi ku hatlisa,*+Kambe lowo tlhariha u honisa* ku rhukaniwa.
17 Loyi a nyikelaka vumbhoni hi ku tshembeka u ta vulavula ntiyiso,*Kambe mbhoni ya vunwa ya kanganyisa.
18 Marito lama vuriwaka handle ko anakanyisisa ma tlhava ku fana ni banga,Kambe ririmi ra lavo tlhariha ra horisa.+
19 Milomu leyi vulavulaka ntiyiso yi ta tshama hilaha ku nga heriki,+Kambe ririmi leri hembaka a ri nge tlhaveriwi hi dyambu.+
20 Vukanganyisi byi le timbilwini ta lava kunguhataka swilo swo biha,Kambe lava kondletelaka ku rhula va tsaka.+
21 Lowo lulama a nge weriwi hi nchumu wo biha,+Kambe lavo homboloka va ta va ni makhombo yo tala.+
22 Yehovha wa yi nyenya milomu leyi vulavulaka mavunwa,+Kambe lava tshembekaka va n’wi tsakisa.
23 Munhu wo tlhariha u funengeta vutivi byakwe,Kambe mbilu ya xihunguki yi huwelela vuphukuphuku bya xona.+
24 Mavoko ya lava gingiritekaka ma ta fuma,+Kambe mavoko lama lolohaka ma ta endliwa mahlonga.+
25 Ku vilela ku tshikilela mbilu,+Kambe rito lerinene ra yi tsakisa.+
26 Lowo lulama u kambisisa madyelo yakwe,Kambe ndlela ya lavo homboloka ya va hambukisa.
27 Lowo loloha a nge xi hlongorisi xiharhi,+Kambe ku gingiriteka i rifuwo ra nkoka ra munhu.
28 Ndlela yo lulama yi yisa evuton’wini;+Eka yona a ku na rifu.
Tinhlamuselo ta le hansi
^ Hi Xiheveru, “xinkwa.”
^ Kumbe “ndzayo.”
^ Kumbe “hi siku rero.”
^ Hi Xiheveru, “funengeta.”
^ Hi Xiheveru, “leswi lulameke.”
