Swivuriso 15:1-33
15 Nhlamulo leyinene yi tlherisa vukarhi,+Kambe rito leri tlhavaka* ri vanga ku hlundzuka.+
2 Ririmi ra lavo tlhariha ri byi tirhisa kahle vutivi,+Kambe nomu wa lavo hunguka wu vulavula vuphukuphuku ntsena.
3 Matihlo ya Yehovha ma languta hinkwako,Ma vona lavo biha ni lavanene.+
4 Ririmi ro rhula* i murhi wa vutomi,+Kambe mavulavulelo lama kanganyisaka ma heta matimba.*
5 Xiphukuphuku a xi yi xiximi ndzayo ya tata wa xona,+Kambe munhu wo tlhariha u pfumela ku tshinyiwa.*+
6 Endlwini ya lowo lulama ku ni rifuwo ro tala,Kambe ntshovelo* wa lowo homboloka wu n’wi vangela khombo.+
7 Milomu ya lavo tlhariha yi hangalasa vutivi,+Kambe mbilu ya lowo hunguka a yi endli tano.+
8 Gandzelo ra lavo homboloka ra n’wi nyenyetsa Yehovha,+Kambe xikhongelo xa lavo lulama xa N’wi tsakisa.+
9 Yehovha wa yi nyenya ndlela ya lowo homboloka,+Kambe u rhandza la endlaka swilo swo lulama.+
10 Ndzayo yi vonaka yi bihile* eka la tshikaka ndlela,+Kambe la vengaka ku tshinyiwa u ta fa.+
11 Loko Yehovha a kota ku vona lava nga le Sirheni* ni le ndhawini ya ku lovisiwa,*+A nge tsandzeki ku vona leswi nga etimbilwini ta vanhu!+
12 Muhlekuri a nga n’wi rhandzi la n’wi tshinyaka.+
A nge yi a ya vutisa lavo tlhariha.+
13 Mbilu leyi tsakeke yi endla leswaku xikandza xi tsaka,Kambe mbilu leyi vavaka yi heta munhu matimba.*+
14 Mbilu leyi twisisaka yi lava vutivi,+Kambe nomu wa lavo hunguka wu hanya hi vuphukuphuku.+
15 Masiku hinkwawo ya munhu la xanisekaka a ma tsakisi,+Kambe la nga ni mbilu leyi tsakeke* u tshama a ri ni nkhuvo.+
16 Swa antswa ku va ni swilo switsongo kambe u chava Yehovha+Ku ri ni ku va ni rifuwo ro tala kambe u tshikilelekile.*+
17 Swa antswa ku dya matsavu laha ku nga ni rirhandzu+Ku ri ni ku dya nyama ya nkuzi leyi noneke* laha ku nga ni rivengo.+
18 Munhu wa ximbilwambilwana u pfuxa mholovo,+Kambe la hlwelaka ku hlundzuka u timela mholovo.+
19 Ndlela ya lolo yi fana ni rihlampfu ra mitwa,+Kambe ndlela ya lavo lulama yi fana ni ndlela leyi lunghisiweke.+
20 N’wana wo tlhariha u tsakisa tata wakwe,+Kambe munhu wo hunguka u n’wi tekela ehansi mana wakwe.+
21 Vuphukuphuku byi tsakisa xihunguki,+Kambe munhu la nga ni ku twisisa u famba a langute emahlweni.+
22 Laha ku nga riki na ku tsundzuxana makungu a ma humeleli,Kambe laha ku nga ni vatsundzuxi vo tala swilo swa humelela.+
23 Wa tsaka munhu loko a hlamula hi ndlela leyi faneleke,+Naswona rito leri vuriweke hi nkarhi lowu faneleke i rinene ngopfu!+
24 La nga ni ku twisisa u le ndleleni leyi yisaka evuton’wini, ndlela leyi yaka ehenhla,+U papalata ndlela leyi rhelelaka eSirheni.*+
25 Yehovha u ta hirimuxa yindlu ya lava titlakusaka,+Kambe u ta sirhelela ndzilakana wa noni.+
26 Yehovha wa ma nyenya makungu ya lowo homboloka,+Kambe marito lama tsakisaka ma basile eka Yena.+
27 La kumaka swilo hi ndlela ya vukanganyisi u vangela ndyangu wakwe khombo,*+Kambe la vengaka ku xaviwa u ta ya emahlweni a hanya.+
28 Mbilu ya lowo lulama ya anakanyisisa a nga si hlamula,+Kambe nomu wa lowo homboloka wu vulavula swilo swo biha.
29 Yehovha u le kule swinene ni lowo homboloka,Kambe u yingisa xikhongelo xa lowo lulama.+
30 Matihlo lama vangamaka ma tsakisa mbilu;Xiviko lexinene xi tiyisa marhambu.*+
31 La yingisaka ndzayo leyi nyikaka vutomiU tshama exikarhi ka vanhu vo tlhariha.+
32 La alaka ku tshinyiwa u venga vutomi byakwe,+Kambe la yingisaka ndzayo u kuma ku twisisa.*+
33 Ku chava Yehovha swi dyondzisa munhu ku endla swilo hi vutlhari,+Ku titsongahata swi endla leswaku munhu a xiximiwa.+
Tinhlamuselo ta le hansi
^ Kumbe “vavaka.”
^ Kumbe “Ririmi leri hanyisaka.”
^ Hi Xiheveru, “tshova moya.”
^ Kumbe “ndzayo.”
^ Kumbe “muholo.”
^ Kumbe “vava.”
^ Kumbe “Sheol.” Vona Tinhlamuselo.
^ Kumbe “Abadoni.”
^ Hi Xiheveru, “tshova moya.”
^ Kumbe “leyinene.”
^ Kumbe “pfilunganyekile.”
^ Hi Xiheveru, “wundleriweke exidyelweni.”
^ Kumbe “eSheol.” Vona Tinhlamuselo.
^ Kumbe “tingana.”
^ Hi Xiheveru, “nonisa marhambu.”
^ Hi Xiheveru, “mbilu.”
