Swivuriso 2:1-22
2 N’wananga, loko u amukela marito ya minaNaswona u teka swileriso swa mina swi ri swa nkoka,+
2 Hi ku yingisa vutlhari hi ndleve ya wena+U voyamisela mbilu ya wena eku twisiseni;+
3 Ku tlula kwalaho, loko u vitana ku twisisa+U tlhela u ku huwelela;+
4 Loko u ya emahlweni u ku lava ku fana ni silivhere,+U ku lavisisa ku fana ni xuma lexi fihliweke;+
5 Kutani u ta twisisa ku chava Yehovha,+Naswona u ta va ni vutivi hi Xikwembu.+
6 Hikuva Yehovha u nyika vutlhari;+Enon’wini wakwe ku huma marito lama nyikaka vutivi ni ku twisisa.
7 Lavo lulama u va hlengeletela vutlhari;I xitlhangu eka lava fambaka hi ku tshembeka.+
8 U rindza tindlela ta vululami,Naswona u ta rindza ndlela ya vanhu vakwe vo tshembeka.+
9 Kutani u ta twisisa leswi lulameke ni leswinene,Ndlela hinkwayo ya leswinene.+
10 Loko vutlhari byi nghena embilwini ya wena+Ni vutivi byi ku tsakisa,+
11 Vuswikoti byo ehleketa byi ta ku rindza,+Ni ku twisisa ku ta ku sirhelela,
12 Ku ku ponisa endleleni yo biha,Eka munhu la vulavulaka swilo leswi humeke endleleni,+
13 Eka lava tshikaka tindlela to lulama
Leswaku va famba etindleleni ta munyama,+
14 Eka lava tsakelaka ku endla swilo swo biha,Lava tsakisiwaka hi swilo swo biha leswi humeke endleleni,
15 Lava tindlela ta vona ti gombonyokekeNi lava ndlela ya vona hinkwayo yi nga ni vukanganyisi.
16 Ku ta ku ponisa eka wansati wa nghwavava,*Eka marito ya vukanganyisi ya wansati la nga ni mahanyelo yo biha,*+
17 La tshikaka nuna wa vuntshwa byakwe+A tlhela a rivala ntwanano wa Xikwembu xakwe;
18 Hikuva ku ya endlwini yakwe swi fana ni ku ya eku feni,Ni ndlela leyi yaka endlwini yakwe yi yisa esirheni.+
19 Lava va etlelaka* na yena a va ha vuyi,A va ha tlheleli etindleleni ta vutomi.+
20 Hikwalaho famba endleleni ya vanhu lavaneneU tshama etindleleni ta lavo lulama,+
21 Hikuva lavo lulama hi vona ntsena lava nga ta tshama emisaveni,Lava tshamaka va tshembekile va ta sala eka yona.+
22 Kambe lavo homboloka va ta lovisiwa emisaveni,+Lava nga tshembekiki va ta tsuvuriwa eka yona.+
Tinhlamuselo ta le hansi
^ Swi tikomba ku ri loyi a nga yingisiki milawu ya Xikwembu ya mahanyelo.
^ Swi tikomba ku ri loyi a nga yingisiki milawu ya Xikwembu ya mahanyelo.
^ Hi Xiheveru, “yaka eka yena.”
