Swivuriso 21:1-31
21 Mbilu ya hosi yi fana ni swinambyana swa mati evokweni ra Yehovha.+
U yi kongomisa laha A lavaka yi ya kona.+
2 Tindlela hinkwato ta munhu ti vonaka ti lulamile eka yena,+Kambe Yehovha u kambisisa timbilu.*+
3 Ku endla leswinene ni leswi lulamekeSwi tsakisa Yehovha swinene ku tlula gandzelo.+
4 Matihlo lama tikurisaka ni mbilu leyi titlakusakaSwi fana ni rivoni leri kongomisaka lavo homboloka kambe i xidyoho.+
5 Makungu ya lava gingiritekaka ma pfuna hakunene,+Kambe hinkwavo lava nga ni magugu entiyisweni va ta va swisiwana.+
6 Ku kuma xuma hi ririmi ra mavunwaSwi fana ni hunguva leyi nyamalalaka, i ntlhamu lowu dlayaka.*+
7 Madzolonga ya lavo homboloka ma ta va kukula,+Hikuva va ala ku endla leswo lulama.
8 Ndlela ya munhu loyi a nga ni nandzu yi hombolokile,Kambe swiendlo swa munhu loyi a nga riki na nandzu swi lulamile.+
9 Swa antswa ku tshama ekhonweni ya lwanguKu tlula ku tshama ni nsati wa timholovo endlwini yin’we.+
10 Munhu wo homboloka u navela swo biha;+A nga n’wi kombisi tintswalo munhu un’wana.+
11 Loko munhu loyi a hlekulaka a xupuriwa, loyi a nga riki na ntokoto wa tlhariha,Loko munhu wo tlhariha a va ni ku twisisa u kuma vutivi.*+
12 Lowo Lulama u languta yindlu ya lowo homboloka;U endla leswaku lavo homboloka va weriwa hi khombo ra vona.+
13 Loyi a nga yingisiki loko xisiwana xi rilaNa yena a nge hlamuriwi loko a huwelela.+
14 Nyiko ya le xihundleni yi hunguta ku hlundzuka,+Ni ku xaviwa swi nga tiviwi swi hunguta ku kariha lokukulu.
15 Swa n’wi tsakisa loyi a lulameke ku endla leswi lulameke,+Kambe swi bihile eka lava endlaka swo biha.
16 Munhu loyi a hambukaka endleleni ya ku twisisaU ta wisa exikarhi ka lava feke.+
17 Loyi a rhandzaka ku tiphina* u ta va xisiwana;+Loyi a rhandzaka vhinyo ni mafurha a nge fuwi.
18 Lowo homboloka i nkutsulo wa loyi a lulameke,Ni loyi a kanganyisaka u ta tekiwa ematshan’weni ya lowo lulama.+
19 Swa antswa ku tshama emanangaKu ri ni ku tshama ni nsati wa timholovo loyi a nyangatsekaka.+
20 Xuma xa nkoka ni mafurha swi kumeka endlwini ya lowo tlhariha,+Kambe xiphukuphuku xi ta tlanga hi leswi xi nga na swona.+
21 Loyi a endlaka leswinene ni ku kombisa rirhandzuU ta kuma vutomi, ku lulama ni ku xiximiwa.+
22 Munhu wo tlhariha a nga khandziya* muti wa vanhu va matimbaKutani a hlasela ndhawu yo tumbela eka yona leyi va yi tshembaka.+
23 Loyi a lawulaka nomu wakwe ni ririmi rakweU papalata swiphiqo.+
24 Munhu loyi a tikukumuxaka ni loyi a nga riki na mhaka ni vuyelo bya swiendlo swakweHi loyi u n’wi vitanaka loyi a tikurisaka, la rhandzaka ku voniwa a tlhela a va ni manyunyu.+
25 Lolo ri ta dlayiwa hi leswi ri swi navelaka,Hikuva mavoko ya rona ma ala ku tirha.+
26 Siku hinkwaro ri navela swilo swo tala ngopfu,Kambe loyi a lulameke wa nyika a nga tsonani.+
27 Gandzelo ra lowo homboloka ra nyenyetsa.+
Ngopfungopfu loko munhu a ri nyikela hi xikongomelo xo biha.*
28 Mbhoni ya mavunwa yi ta lova,+Kambe vumbhoni bya munhu loyi a yingiselaka hi vukheta byi ta humelela.
29 Munhu wo homboloka u endla van’wana va ehleketa leswaku u ni xivindzi,+Kambe i ndlela ya lowo lulama leyi sirhelelekeke.+
30 A ku na vutlhari, kumbe ku twisisa kumbe ndzayo leswi nga lwaka na Yehovha.+
31 Hanci yi lunghiseleriwa siku ra nyimpi,+Kambe ku ponisa i ka Yehovha.+
Tinhlamuselo ta le hansi
^ Kumbe “swikongomelo.”
^ Kumbexana “eka lava lavaka ku fa.”
^ Kumbe “u tiva leswi a faneleke a swi endla.”
^ Kumbe “rhandzaka ntsako.”
^ Kumbe “hlula.”
^ Kumbe “a ri karhi a tikhoma hi ndlela yo biha.”
