Swivuriso 23:1-35
23 Loko u tshama ehansi leswaku u dya ni hosi,Xiyisisa leswi nga emahlweni ka wena;
2 Veka mukwana enkolweni wa wena*Loko u swi navela ngopfu swakudya.
3 U nga swi naveli swakudya swa yona swo nandziha,Hikuva i swakudya swa vukanganyisi.
4 U nga tikarhateli ku kuma rifuwo.+
Tshika kutani u kombisa ku twisisa.
5 Loko u ri languta, a ri kona,+Hikuva ri ta humesa timpapa ku fana ni gama ri haha ri ya ehenhla.+
6 U nga dyi swakudya swa munhu loyi a tsonanaka;*U nga swi naveli swakudya swa yena swo nandziha,
7 Hikuva u fana ni munhu loyi a hlayelelaka.
U ri, “Dyana u tlhela u nwa,” kambe a nga swi vuli hi mbilu hinkwayo.*
8 Swakudya leswitsongo leswi u swi dyeke u ta swi hlantaNaswona u ta va u tlange hi marito ya wena yo khensa.
9 U nga vulavuli ni xiphukuphuku,+Hikuva xi ta ma tekela ehansi marito ya wena ya vutlhari.+
10 U nga xi susi xipingwana* lexi nga xa khale swinene+Kumbe u teka nsimu ya vana lava nga riki na tatana.
11 Hikuva Mulweri* wa vona u ni matimba;U ta va lwela, a kanetana na wena.+
12 Mbilu ya wena a yi amukele ndzayoNi ndleve ya wena a yi yingise marito ya vutivi.
13 U nga tshiki ku tshinya mufana.*+
Loko u n’wi ba hi nkhavi, a nge fi.
14 U fanele u n’wi ba hi nkhavi,Leswaku u n’wi ponisa eSirheni.*
15 N’wananga, loko mbilu ya wena yi tlhariha,Mbilu ya mina yi ta tsaka.+
16 Tinso ta mina ti ta tsakaLoko nomu wa wena wu vulavula leswi lulameke.
17 Mbilu ya wena yi nga va naveli vadyohi,+Kambe chava Yehovha siku hinkwaro,+
18 Hikuva u ta va ni vumundzuku+Ntshembo wa wena a wu nge herisiwi.
19 N’wananga, yingisa kutani u tlhariha,U kongomisa mbilu ya wena endleleni leyinene.
20 U nga vi exikarhi ka lava nwaka ngopfu vhinyo,+Exikarhi ka lava dyaka nyama hi makolo,+
21 Hikuva xidakwa ni munhu wa makolo va ta va swisiwana,+Naswona vurhongo byi ta ambexa munhu switlakati.
22 Yingisa tata wa wena la endleke leswaku u velekiwa,Naswona u nga n’wi tekeli ehansi mana wa wena hileswi a dyuhaleke.+
23 Xava* ntiyiso naswona u nga wu xavisi+Ni vutlhari, ndzayo ni ku twisisa.+
24 Tata wa loyi a lulameke u ta tsaka hakunene;Loyi a nga tata wa n’wana loyi a tlhariheke u ta tsaka hi yena.
25 Tata wa wena ni mana wa wena va ta tsaka,Ni wansati loyi a ku velekeke u ta tsaka swinene.
26 N’wananga, ndzi nyike mbilu ya wena,Onge matihlo ya wena ma nga tsakela tindlela ta mina.+
27 Hikuva nghwavava i mugodi wo enta,Ni wansati la nga ni mahanyelo yo biha* i xihlovo xo lala.+
28 U tshama a tumbelerile ku fana ni xigevenga;+U engetela nhlayo ya vavanuna lava nga tshembekiki.
29 I vamani lava nga ni khombo? I vamani lava karhatekaka?
I vamani lava nga ni timholovo? I vamani lava vilelaka?
I vamani lava nga ni timbanga ku nga ri na xivangelo? I vamani lava nga voniki kahle?
30 Hi lava hetaka nkarhi wo tala va ri karhi va nwa vhinyo;+Lava lavisisaka* vhinyo leyi pfanganisiweke.
31 U nga yi languti vhinyo yo tshwukaLoko yi ri karhi yi vangama exinwelweni kutani yi rhelela kahle,
32 Hikuva eku heteleleni yi luma ku fana ni nyoka,Naswona yi humesa vuxungu ku fana ni mhiri.*
33 Matihlo ya wena ma ta vona swilo leswi nga tolovelekangiki,Naswona mbilu ya wena yi ta vulavula swilo leswi humeke endleleni.+
34 Kutani u ta fana ni munhu loyi a etleleke exikarhi ka lwandle,Ku fana ni munhu loyi a etleleke ehenhla ka maseyila ya xikepe.
35 U ta ku: “Va ndzi bile kambe a ndzi twanga nchumu.*
Va ndzi bile kambe a ndza ha swi tsundzuki.
Ndzi ta pfuka rini?+
Ndzi lava yin’wana.”*
Tinhlamuselo ta le hansi
^ Kumbe “Tikhome.”
^ Kumbe “un’wana ni un’wana loyi a nga ni tihlo leri hombolokeke.”
^ Hi Xiheveru, “mbilu yakwe a yi kona eka wena.”
^ Kumbe “xikhonkhwana.”
^ Hi Xiheveru, “Mukutsuri.”
^ Kumbe “n’wana; muntshwa.”
^ Kumbe “eSheol.” Vona Tinhlamuselo.
^ Kumbe “Kuma.”
^ Kumbe “hlengeletanaka leswaku va ringeta.”
^ Ku nga muxaka wo karhi wa nyoka.
^ Kumbe “twanga ku vava.”
^ Kumbe “Ndzi ta yi lava nakambe.”
