Swivuriso 30:1-33
30 Rungula ra nkoka leri kumekaka eka marito ya Aguri n’wana wa Yake, lawa a ma byeleke Itiyele na Ukala.
2 Hi mina loyi a nga riki na vutivi eka vanhu hinkwavo,+Naswona a ndzi na kona ku twisisa loku munhu a faneleke a va na kona.
3 A ndzi byi dyondzanga vutlhari,A ndzi na byona vutivi bya Lowo Kwetsima Ngopfu.
4 I mani la tlhandlukeleke etilweni a tlhela a xika?+
I mani la hlengeleteke moya emavokweni hamambirhi?
I mani la tsondzeleke mati hi swiambalo swakwe?+
I mani la endleke* makumu hinkwawo ya misava?+
I mani vito rakwe ni vito ra n’wana wakwe, loko u swi tiva?
5 Rito rin’wana ni rin’wana ra Xikwembu ri tengile.+
Xona i xitlhangu xa lava tumbelaka eka xona.+
6 U nga engeteli nchumu emaritweni ya xona,+Handle ka swona xi ta ku tshinya,Naswona u ta kumiwa u ri muhembi.
7 Ndzi kombela swilo swimbirhi eka wena.
U nga ndzi tsoni swona ndzi nga si fa.
8 Susa vuxisi ni mavunwa swi ya ekule na mina.+
U nga ndzi nyiki vusiwana kumbe rifuwo.
Ndzi tshike ndzi dya swakudya leswi ndzi ringaneke,+
9 Leswaku ndzi nga xurhi kutani ndzi ku landzula ndzi ku, “Yehovha i mani?”+
Naswona u nga ndzi tshiki ndzi va xisiwana kutani ndzi yiva, ndzi thyakisa vito ra Xikwembu xanga.
10 U nga onhi vito ra nandza eka n’wini wakwe,Hikuva a nga ha ku rhukana naswona u ta kumeka u ri ni nandzu.+
11 Ku ni xitukulwana lexi rhukanaka tata wa xonaNaswona a xi n’wi katekisi mana wa xona.+
12 Ku ni xitukulwana lexi tengeke ematihlweni ya xona+Kambe a xi basisiwanga ethyakeni* ra xona.
13 Ku ni xitukulwana lexi matihlo ya xona ma tikurisaka swinene,Lexi matihlo ya xona ma titlakusaka swinene!+
14 Ku ni xitukulwana lexi matino ya xona ma nga mabangaNi tinhlaya ta xona ti nga mikwana yo dlaya ha yona;Xi mita vanhu lava pfumalaka emisaveni
Ni swisiwana evanhwini.+
15 Swigalana swi ni vana vambirhi vaxisati lava huwelelaka va ku, “Ndzi nyike! Ndzi nyike!”
Ku ni swilo swinharhu leswi nga enerisekiki,Mune wa swona leswi nga vuliki swi ku, “Swi ringene!”
16 I Sirha*+ ni mbeleko lowu nga velekiki,Tiko leri nga riki na mati,Ni ndzilo lowu nga vuliki wu ku, “Swi ringene!”
17 Tihlo leri hlekulaka tatana naswona ri nga swi laviki ku yingisa manana+Mawukuwuku* ya le nkoveni ma ta ri xokola,Kutani vana va gama va ta ri dya.+
18 Ku ni swilo swinharhu leswi ndzi hlamarisaka swinene,*Ni mune wa swona leswi ndzi nga swi twisisiki:
19 Ndlela ya gama ematilweni,Ndlela ya nyoka eribyeni,Ndlela ya xikepe exikarhi ka lwandleNi ndlela ya jaha loko ri ri ni nhwanyana.
20 Hi leyi ndlela ya wansati la oswaka:
Wa dya, a sula nomu wakwe;Kutani a ku, “A ndzi endlanga nchumu xo biha.”+
21 Ku ni swilo swinharhu leswi tsekatsekisaka misavaNi swilo swa mune leswi yi nga kotiki ku swi tiyisela:
22 Loko hlonga ri fuma tanihi hosi,+Loko xiphukuphuku xi va ni swakudya swo tala,
23 Loko wansati loyi a vengiwaka* a tekiwa a va nsati wa munhu,Ni loko nandza wa xisati a tekela n’wini wakwe wa xisati nuna.+
24 Ku ni swilo swa mune emisaveni leswi nga switsongo ngopfu,Kambe swi tlharihile hi ntumbuluko:*+
25 Vusokoti i swivumbiwa leswi nga riki na matimba,*Kambe byi tihlengeletela swakudya hi ximumu.+
26 Timbila+ i swivumbiwa leswi nga riki na matimba,*Kambe ti tiendlela yindlu ya tona emaribyeni.+
27 Tinjiya+ a ti na hosi,Kambe hinkwato ti famba hi ndlela leyi hlelekeke.*+
28 Xipululu+ xi khomelela hi milenge ya xona,Naswona xi nghena endlwini ya hosi.
29 Ku ni swilo swinharhu leswi fambaka hi ku hatlisa,Mune wa swona leswi hlamarisaka loko swi famba:
30 I nghala, leyi nga ni matimba exikarhi ka swiharhi,Naswona a yi chavi munhu;+
31 Mbyana leyi hlotaka; xiphongo;Ni hosi leyi masocha ya yona ma nga na yona.
32 Loko hi vuphukuphuku u titlakusile+Kumbe loko u kunguhate ku endla tano,Veka voko ra wena enon’wini.+
33 Hikuva leswi ku hakasa ntswamba swi humesaka botere
Ni ku kama nhompfu swi humesaka ngati,Ku hlohlotela ku hlundzuka swi pfuxa timholovo.+
Tinhlamuselo ta le hansi
^ Hi Xiheveru, “tlakuseke.”
^ Hi Xiheveru, “emahumeni.”
^ Kumbe “Sheol.” Vona Tinhlamuselo.
^ Ku nga muxaka wo karhi wa swinyenyana.
^ Hi Xiheveru, “ndzi nga swi twisisiki.”
^ Kumbe “loyi a nga rhandziwiki.”
^ Kumbe “tlharihe swinene.”
^ Hi Xiheveru, “vanhu lava nga riki na matimba.”
^ Hi Xiheveru, “vanhu lava nga riki na matimba.”
^ Kumbe “avanyisiwe hi mitlawa.”
