Swivuriso 4:1-27
4 Vana va mina, yingisani ndzayo ya tata wa n’wina;+Yi yingiseni leswaku mi ta va ni ku twisisa,
2 Hikuva ndzi ta mi letela hi ndlela leyinene;Mi nga yi tshiki dyondzo* ya mina.+
3 A ndzi ri n’wana loyi a yingisaka eka tatana+Naswona manana a a ndzi rhandza swinene.+
4 Tatana u ndzi dyondzise a ku: “Onge mbilu ya wena yi nga hlayisa marito ya mina.+
Yingisa swileriso swa mina kutani u ya emahlweni u hanya.+
5 Kuma vutlhari, kuma ku twisisa.+
U nga rivali naswona u nga hambuki eka leswi ndzi swi vulaka.
6 U nga byi tshiki, byi ta ku sirhelela.
Byi rhandze, byi ta ku hlayisa.
7 Vutlhari i bya nkoka swinene,+ kutani kuma vutlhari,Naswona eka hinkwaswo leswi u swi kumaka, kuma ku twisisa.+
8 Byi xixime swinene kutani byi ta ku kurisa.+
Byi ta ku vangamisa hikuva wa byi rhandza.+
9 Byi ta veka harhi ya ku xonga enhlokweni ya wena;Byi ta ku sasekisa hi harhi ya ku saseka.”
10 N’wananga, yingisa u tlhela u amukela marito ya mina,Kutani u ta hanya malembe yo tala.+
11 Ndzi ta ku kongomisa endleleni ya vutlhari;+Ndzi ta ku fambisa etindleleni to lulama.+
12 Loko u famba, magoza ya wena a ma nge siveriwi;Loko u tsutsuma, a wu nge khuguleki.
13 Namarhela ndzayo; u nga yi tshiki yi famba.+
Yi hlayise, hikuva i vutomi bya wena.+
14 U nga landzeli ndlela ya lavo homboloka,U nga fambi endleleni ya vanhu lavo biha.+
15 Yi papalate, u nga fambi ha yona;+Yi tshike, u yi hundza.+
16 Hikuva a va nge etleli va nga si endla swo biha.
Vurhongo a byi ti va nga si wisa munhu.
17 Vuhomboloki ni madzolongaSwi fana ni xinkwa ni vhinyo eka vona.
18 Kambe ndlela ya lavo lulama yi fana ni ku vonakala loku vangamaka ka nimixoLoku yaka ku vonakala kukondza ri xa.+
19 Ndlela ya lavo homboloka yi fana ni munyama;A va swi tivi leswi va khugulaka.
20 N’wananga, yingisa marito ya mina;Rhiya ndleve eka leswi ndzi swi vulaka.
21 U nga swi rivali;Swi hlayise embilwini ya wena,+
22 Hikuva i vutomi eka lava swi kumaka+Ni rihanyo emirini wa vona hinkwawo.*
23 Hlayisa mbilu ya wena ku tlula swilo hinkwaswo leswi u swi hlayisaka,+Hikuva swihlovo swa vutomi swi le ka yona.
24 Susa marito ya mavunwa eka wena,+U fambela ekule ni mavulavulelo ya vukanganyisi.
25 Matihlo ya wena ma fanele ma languta emahlweni,Ina, languta emahlweni.+
26 Basisela milenge ya wena ndlela,+Tindlela ta wena hinkwato ti ta va tinene.
27 U nga hambukeli exineneni kumbe eximatsini.+
Nenge wa wena wu nga yi eka leswo biha.
