Swivuriso 7:1-27
7 N’wananga, yingisa marito ya mina,U hlayisa swileriso swa mina.+
2 Hlayisa swileriso swa mina kutani u hanya;+Teka xileriso* xa mina xi ri xa nkoka ku fana ni ndzololo ya tihlo ra wena.
3 Swi tsimbelele etintihweni ta wena;U swi tsala embilwini ya wena.+
4 Byela vutlhari u ku, “U makwerhu wa xisati,”U vula ku twisisa u ku, “u xaka ra mina,”
5 Leswaku swi ku sirhelela eka wansati wa nghwavava,*+Eka wansati wa mahanyelo yo biha* ni marito yakwe ya vukanganyisi.+
6 Ndzi yime efasitereni ra yindlu ya mina,Ndzi languta ehansi hi le khethenini ra mina,
7 Loko ndzi ri karhi ndzi languta lava nga riki na ntokoto,Exikarhi ka vantshwa ndzi vone jaha leri nga xihunguki.+
8 Ri hundza ekusuhi ni xitarata xakwe,Ri famba ri kongoma endlwini yakwe
9 Loko dyambu se ri perile,+Loko ku sungula ku dzwihala ni ku va vusiku.
10 Hiloko ndzi vona wansati a ri hlanganisa,A ambale ku fana ni* nghwavava,+ a ri ni mbilu leyi kanganyisaka.
11 U ni pongo naswona a nga yingisi.+
A nga tshami* ekaya.
12 Ehandle hi yena, exikarhi ka muti a nga pfumaleki,U tumbela laha ku hlanganaka switarata kona.+
13 Hiloko a ri khoma, a ri tswontswa;A vulavula na rona a nga ri na tingana a ku:
14 “A ndzi boheka ku nyikela magandzelo ya ku kombela ku rhula.+
Namuntlha ndzi hetisise swihlambanyo swa mina.
15 Hi yona mhaka leyi ndzi humeke ndzi ta hlangana na wena,Leswaku ndzi ku lava naswona ndzi ku kumile!
16 Ndzi andlale mubedo wa mina hi malakani yo saseka,Hi malapi ya mavalavala lama humaka eEgipta.+
17 Ndzi n’wan’wasele mubedo wa mina hi mira, timhangani ni sinamoni.+
18 Tana, a hi tiphine hi rirhandzu ra hina ku fikela nimixo;A hi tikhorise hi ku etlela swin’we,
19 Hikuva nuna wa mina a nga kona ekaya;U teke riendzo, u ye ekule swinene.
20 U fambe ni nkwama wa mali,A nge vuyi ku fikela siku leri n’weti wu nga ta va wu helerile.”
21 U hambukisa jaha leri hi ku ri kucetela swinene.+
Wa ri kanganyisa hi marito yo kanganyisa.
22 Hi xitshuketa ra n’wi landzelela, ku fana ni nkuzi leyi yaka eku tlhaviweni,Ku fana ni xiphukuphuku lexi yaka eku xupuriweni etingoleni,*+
23 Ku fikela loko nseve wu tlhava xivindzi xa rona;Ku fana ni xinyenyana lexi tsutsumelaka exirimbaneni, a ri swi tivi leswaku ri ta fa hikwalaho ka sweswo.+
24 Vana va mina, ndzi yingiseni;Yingisani leswi ndzi mi byelaka swona.
25 Mi nga pfumeleli mbilu ya n’wina yi hambukela etindleleni takwe.
Mi nga yi etindleleni takwe,+
26 Hikuva u endle leswaku ku dlayiwa vanhu vo tala,+Naswona va tele ngopfu lava dlayiweke hi yena.+
27 Yindlu yakwe yi yisa eSirheni;*Yi yisa endhawini leyi lava feke va nga eka yona.
Tinhlamuselo ta le hansi
^ Kumbe “nawu.”
^ Kumbe “nguvu ya.”
^ Hi Xiheveru, “Milenge yakwe a yi tshami.”
^ Kumbe “etinketanini.”
^ Kumbe “eSheol.” Vona Tinhlamuselo.
