Swivuriso 8:1-36
8 Xana vutlhari a byi huweleli?
Xana ku twisisa a ku tlakusi rito ra kona?+
2 Etindhawini leti tlakukeke+ endleleni,Byi yima laha ku hlanganaka tindlela.
3 Byi ya emahlweni byi huwelela swinene, ekusuhi ni tigede to nghena emutini,Etindhawini to nghena ha tona byi ku:+
4 “N’wina vanhu ndza mi vitana;Ndzi huwelela un’wana ni un’wana.*
5 N’wina lava nga riki na ntokoto, vanani ni vutlhari;+N’wina swihunguki, vanani ni mbilu leyi twisisaka.
6 Yingisani, hikuva leswi ndzi swi vulaka i swa nkoka,Milomu ya mina yi vulavula leswi lulameke;
7 Hikuva nomu wa mina wu hlevetela ntiyiso,Milomu ya mina ya swi nyenya leswi hombolokeke.
8 Marito ya mina hinkwawo ma lulamile.
A ri kona leri gombonyokeke kumbe leri humeke endleleni.
9 Hinkwawo ma twisiseka eka loyi a twisisaka,Naswona ma lulamile eka lava kumeke vutivi.
10 Tekani ndzayo ya mina ematshan’weni ya silivhere,Ni vutivi ematshan’weni ya nsuku lowunene,+
11 Hikuva vutlhari bya antswa ku tlula tikorala;*Byi tlula swilo hinkwaswo leswi munhu a nga swi navelaka.
12 Mina vutlhari, ndzi tshama swin’we ni ku twisisa;Ndzi kume vutivi ni vuswikoti byo ehleketa.+
13 Ku chava Yehovha swi vula ku venga swilo swo biha.+
Ndzi venga ku titlakusa, ku tidzunisa,+ ndlela yo biha ni ku vulavula swilo leswi humeke endleleni.+
14 Ndzi ni xitsundzuxo lexinene ni vutlhari;+Ku twisisa+ ni matimba+ i swa mina.
15 Tihosi ti ya emahlweni ti fuma hi ku pfuniwa hi mina,Ni tindhuna leti tlakukeke ti humesa xileriso xo lulama.+
16 Tihosana ti ya emahlweni ti fuma hi ku pfuniwa hi mina,Ni tindhuna ti avanyisa hi ndlela leyi lulameke.
17 Ndzi rhandza lava ndzi rhandzaka,Naswona lava ndzi lavaka va ta ndzi kuma.+
18 Rifuwo ni ku xiximeka swi le ka mina,Xuma lexi nga heriki ni ku lulama.
19 Swilo leswi u swi kumaka eka mina swa antswa ku tlula nsuku, hambi ku ri nsuku wa xiyimo xa le henhla,Swilo leswi ndzi ku nyikaka swona swa antswa ku tlula silivhere leyinene.+
20 Ndzi famba hi ndlela ya ku lulama,Exikarhi ka tindlela ta vululami;
21 Lava ndzi rhandzaka ndzi va nyika ndzhaka yo tala,Naswona ndzi tata switlati* swa vona.
22 Yehovha u ndzi endle ndzi va masungulo ya ndlela yakwe,+Masungulo ya mitirho yakwe ya khale swinene.+
23 I khale ngopfu ndzi ri kona,+Ku sukela eku sunguleni, misava yi nga si va kona.+
24 Ndzi ve kona swidziva swa mati swi nga si va kona,+Swihlovo leswi pfelelaka mati yo tala swi nga si va kona.
25 Tintshava ti nga si va kona,Ni swintshabyana swi nga si va kona, a ndzi ri kona,
26 A nga si endla misava ni nhova ya yonaKumbe mabuwa yo sungula ya misava.
27 Loko a lulamisa matilo,+ a ndzi ri kona;Loko a fungha vugimamusi* bya mati,+
28 Loko a endla* mapapa ehenhla,Loko a endla swidziva swa mati,
29 Loko a vekela lwandle ndzilakanoLeswaku mati ya rona ma nga hundzi xileriso xakwe,+Loko a endla masungulo ya misava,
30 Hi nkarhi wolowo a ndzi ri etlhelo ka yena ndzi ri mutirhi la nga ni vuswikoti.+
A ndzi ri la rhandzekaka swinene eka yena+ siku ni siku;A ndzi tsakile emahlweni ka yena nkarhi hinkwawo;+
31 A ndzi tsakile hikwalaho ka misava yakwe leyi a ku ta tshama vanhu eka yona,Naswona a ndzi va rhandza swinene vanhu.
32 Kutani sweswi vana va mina, ndzi yingiseni;Ina, va tsaka lava landzelaka tindlela ta mina.
33 Yingisani ndzayo+ kutani mi tlhariha,Mi nga yi honisi.
34 Wa tsaka munhu la ndzi yingisaka
Hi ku ta nimixo* etinyangweni ta yindlu ya mina siku ni siku,Hi ku rindza ekusuhi ni nyangwa ya yindlu ya mina;
35 Hikuva la ndzi kumaka u ta kuma vutomi,+Naswona Yehovha wa n’wi amukela.
36 Kambe la nga riki na mhaka na mina wa tivavisa,Naswona lava ndzi vengaka va rhandza rifu.”+
Tinhlamuselo ta le hansi
^ Hi Xiheveru, “vana va vanhu.”
^ Vona Tinhlamuselo.
^ Kumbe “madulu.”
^ Hi Xiheveru, “xirhendzevutana.”
^ Hi Xiheveru, “tiyisa.”
^ Kumbe “Hi ku tshama a xalamukile.”
