Tinhlayo 24:1-25
24 Loko Balama a vona leswaku Yehovha a a katekisa Vaisrayele, a nga ha ringetanga ku lava ndlela yo va rhukana,+ kambe u langute emananga.
2 Loko Balama a vona Vaisrayele va tshame hi ku ya hi tinyimba ta vona,+ moya wa Xikwembu wu va ehenhla ka yena.+
3 A sungula ku tlhokovetsela a ku:+
“Marito ya Balama n’wana wa Beyori,Marito ya munhu loyi a pfuriweke matihlo,
4 Marito ya loyi a tweke rito ra Xikwembu,Loyi a voneke xivono xa Lowa Matimba HinkwawoLoyi a khinsameke a pfule matihlo:+
5 Matende ya wena ma sasekile, wena Yakobo,Laha u tshamaka kona ku sasekile, wena Israyele!+
6 Ma aname mpfhuka wo leha ku fana ni mikova,+Ku fana ni mitanga leyi nga etlhelo ka nambu,Ku fana ni timhangani leti byariweke hi Yehovha,Ku fana ni mikedari leyi nga etlhelo ka mati.
7 Mati ma tshamela ku thona ma huma emaguleni yakwe mambirhi ya dzovo,Mbewu* yakwe yi byariwe ematini yo tala.+
Hosi yakwe+ na yona yi ta xiximeka ku tlula Agaga,+Mfumo wakwe wu ta tlakusiwa.+
8 Xikwembu xi n’wi humesa eEgipta;Xi fana ni timhondzo ta nkuzi ya nhova eka vona.
Xi ta herisa matiko lawa ma n’wi tshikilelaka,+Xi ta phorha marhambu ya wona, xi ta ma heta hi miseve ya xona.
9 U bvutamile, u etlele ku fana ni nghala,I mani loyi a nga kanyaka mbilu a n’wi pfuxa?
Lava va ku katekisaka va kateka,Kasi lava ku rhukanaka va rhukaniwa.”+
10 Hiloko Balaka a hlundzukela Balama swinene. A n’wi holovela a ri karhi a ba mavoko hi ndlela yo vungunya, a ku: “Ndzi ku vitanele ku ta rhukana valala va mina,+ kambe wena se u va katekise kanharhu.
11 Namba u muka. A ndzi tiyimisele ku ku endla munhu,+ kambe Yehovha u ku tsonise mikateko.”
12 Balama a hlamula Balaka a ku: “Xana a ndzi va byelanga lava a wu va rhumile ndzi ku,
13 ‘Hambiloko Balaka o ndzi nyika yindlu yakwe yi tele hi silivhere ni nsuku, a ndzi nge endli ku rhandza ka mina, ndzi tlula xileriso xa Yehovha, hambiloko mhaka ya kona yi ri yinene kumbe yi nga ri yinene. Ndzi ta vula ntsena leswi Yehovha a nga ta ndzi byela swona’?+
14 Sweswi ndzi ya eka rikwerhu. Tana ndzi ta ku byela leswi vanhu lava va nga ta swi endla eka vanhu va wena enkarhini lowu taka.”*
15 Hiloko a sungula ku tlhokovetsela a ku:+
“Marito ya Balama n’wana wa Beyori,Ni marito ya munhu loyi a pfuriweke matihlo,+
16 Marito ya loyi a twaka rito ra Xikwembu,Ni loyi a nga ni vutivi bya La Nge Henhlahenhla,U vone xivono xa Lowa Matimba HinkwawoLoko a khinsamile a pfule matihlo:
17 Ndzi ta n’wi vona kambe ku nga ri sweswi;Ndzi ta n’wi languta kambe ku nga ri hi ku hatlisa.
Ku ta huma nyeleti+ eka Yakobo,Ku ta huma nhonga ya vuhosi+ eIsrayele.+
Kunene u ta faya mombo wa Vamowabu+Ni tinhloko ta hinkwavo lava rhandzaka nyimpi.
18 Edomu wu ta va ndzhaka yakwe,+Seyiri+ wu ta va ndzhaka ya valala vakwe,+Loko Israyele a kombisa vurhena byakwe.
19 Loyi a humaka eka Yakobo u ta hlula,+U ta lovisa lava poneke emutini.”
20 Loko a vona Amaleke, a ya emahlweni a tlhokovetsela a ku:
“Amaleke a a ri wo sungula eka matiko,+Kambe u ta hetelela a lovisiwile.”+
21 Loko a vona Vakena,+ a ya emahlweni a tlhokovetsela a ku:
“Ndhawu ya wena yi sirhelelekile, yi le henhla ka ribye.
22 Kambe ku ni loyi a nga ta hisa Kayina.
Xana ku sele nkarhi wo tanihi kwihi leswaku Asiriya a ku endla hlonga?”
23 A ya emahlweni ni ku tlhokovetsela a ku:
“Khombo! I mani loyi a nga ta pona loko Xikwembu xi endla leswi?
24 Ku ta ta swikepe swi huma eribuweni ra Kitimi,+Swi ta hlasela Asiriya,+Swi ta hlasela Ebere.
Kambe na yena u ta hetelela a lova.”
25 Hiloko Balama+ a muka. Balaka na yena a tifambela.