Tipisalema 135:1-21
135 Dzunisani Yehovha!*
Dzunisani vito ra Yehovha;N’wi dzuniseni, n’wina malandza ya Yehovha,+
2 N’wina lava yimeke endlwini ya Yehovha,Eswivaveni* swa yindlu ya Xikwembu xa hina.+
3 Dzunisani Yehovha, hikuva Yehovha hi lonene.+
Yimbelelani mi dzunisa vito rakwe, hikuva i rinene.
4 Hikuva Yehovha u tihlawulele Yakobo,U hlawule Israyele leswaku a va ndzhaka yakwe yo hlawuleka.+
5 Hikuva ndzi swi tiva kahle leswaku Yehovha hi lonkulu;Hosi ya hina yi tlakuke ku tlula swikwembu leswin’wana hinkwaswo.+
6 Yehovha u endla hinkwaswo leswi a swi lavaka+Ematilweni ni le misaveni, emalwandle ni le ndzenindzeni ka wona.
7 U endla leswaku mapapa* ma suka emisaveni ma ya ehenhla;U endla ku va ni rihati leswaku ku na mpfula;U humesa mheho laha a yi vekeke kona.+
8 U dlaye mativula ya le Egipta,Vanhu ni swiharhi.+
9 U rhumele swikombiso ni masingita eka wena, wena Egipta,+Eka Faro ni malandza yakwe hinkwawo.+
10 U dlaye matiko yo tala+Ni tihosi ta matimba,+
11 Sihoni hosi ya Vaamori,+Ogo hosi ya Baxani+
Ni mifumo hinkwayo ya le Kanana.
12 U endle leswaku tiko ra vona ri va ndzhaka,Ri va ndzhaka ya vanhu vakwe ku nga Vaisrayele.+
13 Yehovha Xikwembu xanga, vito ra wena ri tshama hilaha ku nga heriki.
Yehovha, ndhuma* ya wena yi ta tshama yi ri karhi yi tsundzukiwa hi vanhu hinkwavo.+
14 Hikuva Yehovha u ta lwela vanhu vakwe,+U ta twela malandza yakwe vusiwana.+
15 Swikwembu swa matiko i silivhere ni nsuku,Swi endliwe hi munhu.+
16 Swi ni nomu kambe a swi vulavuli;+Swi ni matihlo kambe a swi voni;
17 Swi ni tindleve kambe a swi twi.
Naswona a swi hefemuli.+
18 Vanhu lava swi endlaka va ta fana na swona,+Ni hinkwavo lava va swi tshembaka.+
19 Dzunisani Yehovha, n’wina vandyangu wa Israyele.
Dzunisani Yehovha, n’wina vandyangu wa Aroni.
20 Dzunisani Yehovha, n’wina vandyangu wa Levhi.+
Dzunisani Yehovha, n’wina lava chavaka Yehovha.
21 Yehovha a a dzunisiwe ku suka eSiyoni,+Loyi a tshamaka eYerusalema.+
Dzunisani Yehovha!+
Tinhlamuselo ta le hansi
^ Kumbe “Haleluya,” leswi vulaka “Dzunisani Yah.” Yah i nkomiso wa vito leri nge Yehovha.
^ Vona Tinhlamuselo.
^ Kumbe “nkunghwa.”
^ Kumbe “vito.”
