Tipisalema 145:1-21
Risimu ra Davhida ro dzunisa.
א [Aleph]
145 Ndzi ta ku dzunisa, Xikwembu xa mina lexi nga Hosi,+Ndzi ta dzunisa vito ra wena hilaha ku nga heriki.+
ב [Beth]
2 Ndzi ta ku dzunisa siku hinkwaro;+Ndzi ta dzunisa vito ra wena hilaha ku nga heriki.+
ג [Gimel]
3 Yehovha hi lonkulu naswona u faneriwa hi ku dzunisiwa,+Vukulu byakwe a byi lavisiseki.*+
ד [Daleth]
4 Tinxaka hinkwato ti ta dzunisa mitirho ya wena;Va ta vulavula hi mitirho ya wena ya matimba.+
ה [He]
5 Va ta vulavula hi vukulukumba ni matimba ya wena+Ndzi ta anakanyisisa hi mitirho ya wena yo hlamarisa.
ו [Waw]
6 Va ta vulavula hi mitirho* ya wena yo hlamarisa,Ndzi ta twarisa vukulu bya wena.
ז [Zayin]
7 Va ta ku dzunisa hikwalaho ka mitirho ya wena leyinene yo tala,+Va ta ba nkulungwana hikwalaho ka ku lulama ka wena.+
ח [Heth]
8 Yehovha u ni ntwelavusiwana* ni tintswalo,+U hlwela ku hlundzuka naswona u ni rirhandzu lerikulu.+
ט [Teth]
9 Yehovha u endlela hinkwavo leswinene,+Mitirho yakwe hinkwayo yi kombisa tintswalo takwe.
י [Yod]
10 Yehovha Xikwembu xanga, mitirho ya wena hinkwayo yi ta ku vangamisa,+Lava tshembekeke eka wena va ta ku dzunisa.+
כ [Kaph]
11 Va ta twarisa ku vangama ka vuhosi bya wena,+Va ta vulavula hi matimba ya wena,+
ל [Lamed]
12 Leswaku va byela vanhu mitirho ya wena ya matimba+Ni ku vangama ka vuhosi bya wena.+
מ [Mem]
13 Vuhosi bya wena byi ta tshama byi ri kona,Naswona vulawuri bya wena i bya hilaha ku nga heriki.+
ס [Samekh]
14 Yehovha u seketela hinkwavo lava waka,+Naswona u yimisa hinkwavo lava khinsameke.+
ע [Ayin]
15 Swivumbiwa hinkwaswo swi tshembe wena;U swi nyika swakudya hi nguva ya kona.+
פ [Pe]
16 U pfula voko ra wenaU enerisa ku navela ka swivumbiwa hinkwaswo leswi hanyaka.+
צ [Tsade]
17 Yehovha u lulamile etindleleni takwe hinkwato+
Naswona wa tshembeka eka hinkwaswo leswi a swi endlaka.+
ק [Qoph]
18 Yehovha u le kusuhi ni hinkwavo lava n’wi vitanaka,+Eka hinkwavo lava n’wi vitanaka hi ntiyiso.+
ר [Resh]
19 U enerisa ku navela ka lava va n’wi chavaka;+U twa xirilo xa vona xo kombela ku pfuniwa kutani a va lamulela.+
ש [Shin]
20 Yehovha u rindza hinkwavo lava n’wi rhandzaka,+Kambe lavo homboloka hinkwavo u ta va lovisa.+
ת [Taw]
21 Nomu wa mina wu ta dzunisa Yehovha;+Swilo hinkwaswo leswi hanyaka a swi dzunise vito rakwe ro kwetsima hilaha ku nga heriki.+
