Tipisalema 148:1-14
148 Dzunisani Yehovha!*
Dzunisani Yehovha n’wina lava tshamaka etilweni;+N’wi dzuniseni n’wina lava tshamaka etindhawini leti tlakukeke.
2 N’wi dzuniseni, n’wina tintsumi takwe hinkwato.+
N’wi dzuniseni, n’wina vuthu rakwe hinkwaro.+
3 Dyambu ni n’weti, a swi n’wi dzunise.
Ni tinyeleti hinkwato leti vangamaka a ti n’wi dzunise.+
4 N’wi dzuniseni, n’wina matilo lama tlakukekeNa n’wina mati lama nga ehenhla ka matilo.
5 A swi dzunise vito ra Yehovha,Hikuva u lerisile, ivi swi tumbuluxiwa.+
6 U endla leswaku swi va kona hilaha ku nga heriki;+U veke nawu lowu nga ta tshama wu ri kona.+
7 Dzunisani Yehovha n’wina lava tshamaka emisaveni,N’wi dzuniseni n’wina swivumbiwa leswikulu swa le lwandle ni swidziva swa mati hinkwaswo,
8 Wena rihati ni xihangu, gamboko ni mapapa yo dzwihala,Na wena xidzedze lexi endlaka leswi a swi vuleke,+
9 N’wina tintshava na n’wina swintshabyana hinkwaswo,+N’wina mirhi ya mihandzu na n’wina mikedari hinkwayo,+
10 N’wina swiharhi+ na n’wina swifuwo hinkwaswo,N’wina swivumbiwa leswi kokovaka ni swinyenyana,
11 N’wina tihosi ta misava na n’wina vanhu va matiko hinkwavo,N’wina tihosana na n’wina vaavanyisi va misava hinkwavo,+
12 N’wina majaha na n’wina vanhwana,Vakhalabye na n’wina vafana.
13 A va dzunise vito ra Yehovha,Hikuva vito rakwe ri le maninginingini a ri fikeleleki.+
Vukulukumba byakwe byi tlula tilo ni misava.+
14 U ta nyika vanhu vakwe matimba,Leswaku ku dzunisiwa vanhu vakwe hinkwavo vo tshembeka,Vana va Israyele, vanhu lava nga ekusuhi na yena.
Dzunisani Yehovha!*
Tinhlamuselo ta le hansi
^ Kumbe “Haleluya,” leswi vulaka “Dzunisani Yah.” Yah i nkomiso wa vito leri nge Yehovha.
^ Kumbe “Haleluya,” leswi vulaka “Dzunisani Yah.” Yah i nkomiso wa vito leri nge Yehovha.
