Tipisalema 18:1-50
Eka mufambisi. Pisalema ya Davhida nandza wa Yehovha, leyi a yi yimbeleleleke Yehovha hi siku leri Yehovha a n’wi poniseke eka valala vakwe hinkwavo ni le ka Sawulo. U te:+
18 Ndza ku rhandza Yehovha matimba ya mina.+
2 Yehovha i ribye ra mina ni khokholo ra mina ni Loyi a ndzi ponisaka.+
Xikwembu xanga i ribye ra mina+ leri ndzi tumbelaka eka rona,Xitlhangu xa mina ni rimhondzo* ra mina ro ponisa, vutumbelo bya mina lebyi sirhelelekeke.+
3 Ndzi vitana Yehovha loyi a faneriwaka hi ku dzunisiwa,Naswona ndzi ta ponisiwa eka valala va mina.+
4 Tintambhu ta rifu ti ndzi rhendzerile;+Maboboma ya vanhu lava nga pfuniki nchumu a ma ndzi chavisa.+
5 Tintambhu ta Sirha* ti ndzi rhendzerile;Mintlhamu ya rifu a yi ndzi cinamisele meno.+
6 Emaxangwini ya mina ndzi vitane Yehovha,A ndzi tshikanga ku kombela mpfuno eka Xikwembu xa mina.
Xi twe rito ra mina xi ri etempeleni ya xona,+Xi ndzi yingisile loko ndzi kombela ku pfuniwa.+
7 Hiloko misava yi sungula ku tsekatseka ni ku ninginika;+Masungulo ya tintshava ma ninginikile,Ma tsekatsekile ma ya emahlweni ni le ndzhaku hikwalaho ka leswi xi hlundzukisiweke.+
8 Tinhompfu ta xona a ti huma musi,Enon’wini wa xona a ku huma ndzilo lowu lovisaka;+A ku huma makala lama vuvumelaka eka xona.
9 Xi ove matilo loko xi ri karhi xi rhelela,+Mapapa* lama dzwihaleke a ma ri ehansi ka milenge ya xona.+
10 Xi te xi ri karhi xi haha xi gade kerubu.+
A xi haha hi timpapa ta ntsumi.*+
11 Hiloko xi tifunengeta hi munyama,+Wu n’wi rhendzerile ku fana ni tende,Mati ya ntima ni mapapa yo dzwihala.+
12 Rihati leri a ri ri emahlweni ka xonaA ri humesa xihangu ni makala lama vuvumelaka emapapeni.
13 Hiloko Yehovha a sungula ku dzindza etilweni;+La Nge Henhlahenhla a huwelela hi rito lerikulu,+Hi xihangu ni makala lama vuvumelaka.
14 A copa valala vakwe hi miseve a va hangalasa;+A hoxa rihati rakwe kutani a va pfilunganya.+
15 Swinambyana* swi humela erivaleni;+Masungulo ya tiko ma fununguleka hi ku tshinya ka wena, Yehovha Xikwembu xanga,Hi ku hunga ka moya lowu humaka etinhompfini ta wena.+
16 U tshambulute voko rakwe a ri ehenhla;A ndzi khoma a ndzi humesa exidziveni xa mati.+
17 U ndzi ponisile eka nala+ wa mina loyi a nga ni matimba,Eka lava ndzi vengaka, lava a va ri ni matimba ku ndzi tlula.+
18 Va ndzi hlaserile loko ndzi ri ekhombyeni,+Kambe Yehovha a a ndzi seketela.
19 U ndzi humesile a ndzi veka laha ku hlayisekeke;*U ndzi ponisile hikuva a a ndzi rhandza.+
20 Yehovha u ndzi hakela hi ku ya hi mitirho ya mina yo lulama;+U ndzi hakela hikwalaho ka leswi mavoko ya mina ma nga riki na nandzu.*+
21 Hikuva ndzi fambe etindleleni ta Yehovha,Naswona a ndzi xi tshikanga Xikwembu xanga.
22 Swileriso swa xona hinkwaswo swi le mahlweni ka mina;A ndzi nge yi tshiki milawu ya xona.
23 Ndzi ta tshama ndzi nga ri na nandzu eka xona,+Ndzi ta fambela ekule ni xidyoho.+
24 Onge Yehovha a nga ndzi hakela hi ku ya hi mitirho ya mina leyinene,+Hikuva mavoko ya mina a ma na nandzu emahlweni ka yena.+
25 Wa tshembeka eka loyi a tshembekaka;+Loyi a nga riki na nandzu u n’wi komba musa;+
26 U lonene eka munhu lonene,+Kambe loyi a kanganyisaka u n’wi komba vutlhari bya wena.+
27 Hikuva u ponisa lava xanisekaka*+Kambe lava tikurisaka wa va tsongahata.+
28 Hikuva hi wena loyi a lumekaka rivoni ra mina, Yehovha Xikwembu xanga,Xikwembu xanga lexi ndzi voningelaka emunyameni.+
29 Hi ku pfuniwa hi wena ndzi nga lwa ni vuthu ra vaphangi;+Hi matimba ya Xikwembu ndzi nga khandziya khumbi.+
30 Ndlela ya Xikwembu xa ntiyiso yi hetisekile;+Marito ya Yehovha ma tengile.+
I xitlhangu eka hinkwavo lava tumbelaka eka yena.+
31 Hikuva i mani Xikwembu handle ka Yehovha?+
Naswona i mani ribye handle ka Xikwembu xa hina?+
32 Xikwembu xa ntiyiso hi xona xi ndzi nyikaka matimba,+Naswona xi ta basisa ndlela ya mina.+
33 Xi endla milenge ya mina yi fana ni ya mhunti;Xi ndzi endla ndzi yima etindhawini leti tlakukeke.+
34 Xi dyondzisa mavoko ya mina ku lwa nyimpi;Mavoko ya mina ma nga gova vurha bya koporo.
35 U ndzi nyika xitlhangu xa wena xa ku ponisa,+Voko ra wena ra xinene ra ndzi seketela,Ku titsongahata ka wena ka ndzi tlakusa.+
36 U ndzi basisela ndlela;Milenge ya mina a yi nge rheti.+
37 Ndzi ta hlongorisa valala va mina ndzi va hlula;A ndzi nge tlheli va nga si hela.
38 Ndzi ta va dlaya ndzi va heta leswaku va nga ha pfuki;+Ndzi ta va kandziyela.
39 U ta ndzi nyika matimba yo lwa nyimpi;U ta endla leswaku valala va mina va wa ehansi ka mina.+
40 U ta endla leswaku valala va mina va baleka loko va ndzi vona,Naswona ndzi ta herisa* lava ndzi vengaka.+
41 Va kombela ku pfuniwa, kambe a ku na loyi a va ponisaka;Va huwelela na le ka Yehovha, kambe a nga va hlamuli.
42 Ndzi ta va kandza va fana ni ritshuri;Ndzi ta va cukumeta ku fana ni ndzhope eswitarateni.
43 U ta ndzi ponisa eka vanhu lava xopaxopaka swihoxo.+
U ta ndzi hlawula ndzi va murhangeri wa matiko.+
Ndzi ta tirheriwa hi vanhu lava ndzi nga va tivangiki.+
44 Va ta ndzi yingisa hikwalaho ka leswi va swi tweke ha mina;Valuveri va ta ta eka mina va tilondlile.+
45 Valuveri va ta hela matimba;Va ta huma laha va tumbeleke kona va ri karhi va rhurhumela.
46 Yehovha wa hanya! A ku dzunisiwe Ribye ra mina!+
A xi dzunisiwe Xikwembu xanga lexi ndzi ponisaka.+
47 Xikwembu xa ntiyiso hi xona xi ndzi rihiselelaka;+Xi tsongahata vanhu ehansi ka mina.
48 Xa ndzi ponisa eka valala va mina lava hlundzukeke;U ndzi tlakusela ehenhla ka lava ndzi hlaselaka;+Wa ndzi ponisa eka munhu wa madzolonga.
49 Hi yona mhaka ndzi nga ta ku dzunisa exikarhi ka matiko, Yehovha Xikwembu xanga,+Ndzi ta yimbelela ndzi dzunisa vito ra wena.+
50 U ponisa hosi yakwe hi ndlela leyi hlamarisaka;+U rhandza muhlawuriwa wakwe,+Eka Davhida ni vana* vakwe hilaha ku nga heriki.+
Tinhlamuselo ta le hansi
^ Vona Tinhlamuselo.
^ Kumbe “Sheol.” Vona Tinhlamuselo.
^ Kumbe “Matsefu.”
^ Kumbe “moya.”
^ Kumbe “migerho ya mati.”
^ Kumbe “endhawini leyi pfulekeke.”
^ Hi Xiheveru, “ma baseke.”
^ Hi Xiheveru, “titsongahataka.”
^ Hi Xiheveru, “miyeta.”
^ Hi Xiheveru, “mbewu.”
