Tipisalema 24:1-10
-
Hosi yo vangama yi nghena etigedeni
-
‘Misava i ya Yehovha’ (1)
-
Miloti ya Davhida.
24 Misava ni swilo hinkwaswo leswi nga eka yona i swa Yehovha,+Tiko leri noneke ni lava tshamaka eka rona.
2 Hikuva u yi veke yi tiya ehenhla ka malwandle+U yi simeke yi tiya ehenhla ka milambu.
3 I mani la nga tlhandlukelaka entshaveni ya Yehovha,+I mani la nga yimaka endhawini yakwe yo kwetsima?
4 I munhu un’wana ni un’wana la nga solekiki loyi a baseke mbilu,+La nga tirhisiki vito ra mina ku endla xihlambanyo xa mavunwa,*Kumbe ku endla xitshembiso lexi nga riki ntiyiso.+
5 U ta kuma mikateko ya Yehovha+Ni ku lulama ka Xikwembu xakwe lexi n’wi ponisaka.+
6 Lava i vanhu lava n’wi lavaka,Lava lavaka xikandza xa wena, wena Xikwembu xa Yakobo. (Selah)
7 Ololoxani tinhloko, n’wina tigede;+Pfulekani, n’wina tinyangwa ta khale,Leswaku Hosi leyi vangamaka yi ta nghena!+
8 I mani Hosi leyi yo vangama?
I Yehovha la nga ni ntamu ni matimba,+I Yehovha la nga ni matimba enyimpini.+
9 Ololoxani tinhloko, n’wina tigede;+Pfulekani, n’wina tinyangwa ta khale,Leswaku Hosi leyi vangamaka yi ta nghena!
10 I mani Hosi leyi yo vangama?
Yehovha wa mavuthu—i Hosi leyi vangamaka.+ (Selah)
Tinhlamuselo ta le hansi
^ Hi Xiheveru, “La nga hlambanyiki mavunwa hi vutomi bya Mina,” ku vuriwa vutomi bya Yehovha.
