Tipisalema 29:1-11
Miloti ya Davhida.
29 Xiximani Yehovha n’wina vana va tinhenha,Xiximani Yehovha hikwalaho ka ku vangama ni matimba yakwe.+
2 Dzunisani Yehovha hikwalaho ka vito rakwe leri vangamaka.
Khinsamelani* Yehovha mi ambale swiambalo swa n’wina swo kwetsima.*
3 Rito ra Yehovha ri twala ehenhla ka mati;Xikwembu lexi vangamaka xa dzindza.+
Yehovha u le henhla ka mati yo tala.+
4 Rito ra Yehovha ri ni matimba;+Rito ra Yehovha ra vangama.
5 Rito ra Yehovha ri tshova mikedari;Ina, Yehovha u tshovelela mikedari ya Lebanoni.+
6 U endla Lebanoni* a tlula ku fana ni xirhodyana,Na Siriyoni+ ku fana ni xinkuzana xa nhova.
7 Rito ra Yehovha ri humesa malangavi ya ndzilo;+
8 Rito ra Yehovha ri tsekatsekisa mananga;+Yehovha u endla mananga ya Kadexi+ ma tsekatseka.
9 Rito ra Yehovha ri endla leswaku mhunti yi rhurhumela kutani yi sungula ku veleka,Ri endla mirhi ya le nhoveni yi sala yi nga ri na matluka.+
Hinkwavo etempeleni yakwe va ri: “Ku vangama i ka Xikwembu!”
10 Xiluvelo xa Yehovha xi le henhla ka mati yo tala;*+Yehovha i Hosi hilaha ku nga heriki.+
11 Yehovha u ta nyika vanhu vakwe matimba.+
Yehovha u ta katekisa vanhu vakwe hi ku va nyika ku rhula.+
Tinhlamuselo ta le hansi
^ Kumbe “Gandzelani.”
^ Kumbexana “hikuva ku vangama ka yena ka hlamarisa.”
^ Swi tikomba ku ri tintshava ta Lebanoni.
^ Kumbe “ehenhla ka mati yo tala lama nga le tilweni.”
