Tipisalema 34:1-22
Pisalema ya Davhida, hi nkarhi lowu a nga tiendla onge u hlangane nhloko+ eka Abimeleke, lerova a n’wi hlongola.
א [Aleph]
34 Ndzi ta dzunisa Yehovha mikarhi hinkwayo;A ndzi nge tshiki ku n’wi dzunisa.
ב [Beth]
2 Ndzi ta tibuma hi Yehovha;+Lavo rhula va ta swi twa, kutani va tsaka.
ג [Gimel]
3 A hi byeleni van’wana hi Yehovha;+A hi dzuniseni vito rakwe.
ד [Daleth]
4 Ndzi khongerile eka Yehovha naswona u ndzi hlamurile.+
U ndzi ponisile eku chaveni ka mina hinkwako.+
ה [He]
5 Lava a va n’wi tshemba va tsakile;A va khomiwi hi tingana.
ז [Zayin]
6 Xisiwana xi vitane Yehovha naswona u xi twile.
U xi ponisile emaxangwini ya xona hinkwawo.+
ח [Heth]
7 Ntsumi ya Yehovha yi dzima nxaxa hinkwako laha ku nga ni lava N’wi chavaka,+Naswona ya va ponisa.+
ט [Teth]
8 Nantswani mi vona leswaku Yehovha hi lonene;+Wa tsaka munhu la tumbelaka eka yena.
י [Yod]
9 Chavani Yehovha, n’wina hinkwenu vakwetsimi vakwe,Hikuva lava n’wi chavaka a va pfumali nchumu.+
כ [Kaph]
10 Hambi ku ri swinghalana leswi nga ni matimba swi fa hi ndlala,Kambe lava lavaka Yehovha a va nge pfumali nchumu lowunene.+
ל [Lamed]]
11 Tanani vana vanga, ndzi yingiseni;Ndzi ta mi dyondzisa ku chava Yehovha.+
מ [Mem]
12 I mani exikarhi ka n’wina la tsakelaka vutomi,Naswona a rhandzaka ku hanya nkarhi wo leha?+
נ [Nun]
13 Kutani lawula ririmi ra wena ri nga vulavuli swo biha,+Ni nomu wa wena leswaku wu nga vulavuli mavunwa.+
ס [Samekh]
14 Balekelani swo biha mi endla leswinene;+Lavani ku rhula mi tlhela mi ku hlayisa.+
ע [Ayin]
15 Matihlo ya Yehovha ma langute lavo lulama,+Ni tindleve takwe ti yingisa xirilo xa vona xo kombela mpfuno.+
פ [Pe]
16 Kambe Yehovha u lwisana ni lava endlaka swo biha,U ta endla leswaku va nga ha tsundzukiwi emisaveni.+
צ [Tsade]
17 Va huwelerile naswona Yehovha u swi twile;+U va ponisile emaxangwini ya vona hinkwawo.+
ק [Qoph]
18 Yehovha u le kusuhi ni lava tshovekeke timbilu;+U ponisa lava hetiweke matimba.+
ר [Resh]
19 Makhombo ya lowo lulama ma tele,+Kambe Yehovha wa n’wi kutsula eka wona hinkwawo.+
ש [Shin]
20 U sirhelela marhambu yakwe hinkwawo;A ku tshovekanga ni rin’we.+
ת [Taw]
21 Lowo homboloka u ta dlayiwa hi khombo;Lava vengaka lowo lulama va ta voniwa nandzu.
22 Yehovha u ponisa vutomi bya malandza yakwe;Lava tumbelaka eka yena a va nge voniwi nandzu.+
