Tipisalema 36:1-12
Eka mufambisi. Pisalema ya Davhida nandza wa Yehovha.
36 Mbilu ya lowo homboloka yi kongomisiwa hi leswo biha;A nga xi chavi Xikwembu.+
2 U tivona ngopfu
Lerova a nga xi voni xidyoho xakwe kutani a xi nyenya.+
3 Marito yakwe ma tlhava naswona a ma na ntiyiso;A nga na byona vutlhari byo endla leswinene.
4 U boha makungu yo biha hambiloko a etlele.
U tiyimisele ku famba endleleni yo homboloka;A nga swi papalati leswo biha.
5 Yehovha, rirhandzu ra wena ri fika ni le tilweni,+Ku tshembeka ka wena ku fika ni le mapapeni.
6 Ku lulama ka wena ku fana ni tintshava letikulu;*+Vuavanyisi bya wena byi fana ni mati ya xidziva xo enta.+
U hlayisa vanhu ni swiharhi, wena Yehovha.+
7 Rirhandzu ra wena i ra nkoka swinene, Xikwembu xanga!+
Vanhu va tumbela+ endzhutini wa timpapa ta wena.
8 Va nwa va kolwa eka leswo tala leswi nga endlwini ya wena,+U va nwisa leswi nga enambyeni wa wena wa ntsako.+
9 Hi wena xihlovo xa vutomi;+Hi kota ku vona ku vonakala hikwalaho ka ku vonakala ka wena.+
10 Tshama u ri karhi u rhandza lava ku tivaka,+Lava nga ni timbilu letinene u va komba ku lulama ka wena.+
11 U nga tshiki nenge wa vanhu va manyunyu wu ndzi kandziyela,Kumbe voko ra lavo homboloka ri ndzi hlongola.
12 Kwalaho lava endlaka leswo biha va wele kona;Va biwe va wa naswona a va ha swi koti ku pfuka.+
Tinhlamuselo ta le hansi
^ Hi Xiheveru, “ku fana ni tintshava ta Xikwembu.”
