Tipisalema 37:1-40
-
Lava tshembaka Yehovha swi ta va fambela kahle
Pisalema ya Davhida.
א [Aleph]
37 U nga karihi hikwalaho ka lava endlaka leswo hombolokaKumbe u navela lava endlaka leswo biha.+
2 Va ta hatla va vuna ku fana ni byanyi+
Va tlhela va oma ku fana ni byanyi bya rihlaza lebya ha ku milaka.
ב [Beth]
3 Tshemba Yehovha u endla leswinene;+Tshama emisaveni, u tshembeka.+
4 Kuma ntsako lowukulu eka Yehovha,Kutani u ta ku nyika leswi mbilu ya wena yi swi navelaka.
ג [Gimel]
5 Andlala ndlela ya wena eka Yehovha;+Titshege hi yena, u ta ku pfuna.+
6 U ta endla ku lulama ka wena ku vangama ku fana ni dyambu loko ri tlhava,Kasi vululami bya wena byi ta fana ni dyambu ra nhlikanhi.
ד [Daleth]
7 Miyela u ku whii, emahlweni ka Yehovha+N’wi rindzele u nga heli mbilu.
U nga hlundzukisiwi hi munhu
Loyi makungu yakwe yo biha ma humelelaka.+
ה [He]
8 U nga hlundzuki, tshika vukarhi;+U nga karihi ivi u endla leswo biha.*
9 Hikuva lava endlaka swo biha va ta herisiwa,+Kambe lava tshembaka Yehovha va ta tshama emisaveni.+
ו [Waw]
10 Ku sele nkarhinyana leswaku lavo homboloka va herisiwa;+U ta languta laha a va ri kona,Kambe va ta va va nga ha ri kona.+
11 Kambe lavo rhula va ta tshama emisaveni,+Va ta tsaka swinene hikuva ku ta va ni ku rhula lokukulu.+
ז [Zayin]
12 Lowo homboloka u boha makungu yo lwa ni lowo lulama;+U n’wi lumela ni matino loko a n’wi vona.
13 Kambe Yehovha u ta n’wi hleka,Hikuva Wa swi tiva leswaku siku rakwe ri ta ta.+
ח [Heth]
14 Lavo homboloka va hlomule mabanga ya vona ni ku kunga mavurha ya vona,Leswaku va herisa lava tshikileriwaka ni swisiwana,Leswaku va dlaya lava lulameke.
15 Kambe matlhari ya vona ma ta tlhava timbilu ta vona;+Mavurha ya vona ma ta tshoviwa.
ט [Teth]
16 Swa antswa leswitsongo swa lowo lulamaKu tlula swo tala swa lavo homboloka.+
17 Hikuva mavoko ya lavo homboloka ma ta tshoviwa,Kambe Yehovha u ta seketela lavo lulama.
י [Yod]
18 Yehovha wa ma vona maxangu ya lavo lulama,Naswona ndzhaka ya vona yi ta va kona hilaha ku nga heriki.+
19 A va nge khomiwi hi tingana hi nkarhi wa khombo;Va ta xurha hi nkarhi wa ndlala.
כ [Kaph]
20 Kambe lavo homboloka va ta herisiwa;+Valala va Yehovha va ta nyamalala ku fana ni madyelo lamanene;Va ta nyamalala ku fana ni musi.
ל [Lamed]
21 Lowo homboloka wa lomba kambe a nga tlherisi,Kambe lowo lulama u ni musa naswona wa hanana.+
22 Misava yi ta va ya lava A va katekisaka,Kambe lava A va rhukanaka va ta herisiwa.+
מ [Mem]
23 Yehovha u kongomisa* magoza ya munhu+Loyi swiendlo swakwe swi N’wi tsakisaka.+
24 Hambiloko o wa, a nge tshikiwi ehansi,+Hikuva Yehovha u ta n’wi pfuxa hi voko rakwe.+
נ [Nun]
25 A ndzi ri jaha sweswi se ndzi dyuhele,Kambe a ndzi si tshama ndzi vona munhu la lulameke a fularheriwa,+Kumbe vana vakwe va lavana na xinkwa.*+
26 Nkarhi hinkwawo u lombisa handle ko lava ntswalo,+Naswona vana vakwe va ta katekisiwa.
ס [Samekh]
27 Tshika swo biha u endla leswinene,+Kutani u ta tshama hilaha ku nga heriki.
28 Hikuva Yehovha u rhandza vululami,A nge ma fularheli malandza yakwe yo tshembeka.+
ע [Ayin]
Ma ta tshama ma sirheleriwile;+Kambe vatukulu va lavo homboloka va ta herisiwa.+
29 Lavo lulama va ta tshama emisaveni,+Va ta hanya eka yona hilaha ku nga heriki.+
פ [Pe]
30 Nomu wa lowo lulama wu vulavula marito ya vutlhari,Ni ririmi rakwe ri vulavula leswi lulameke.+
31 Nawu wa Xikwembu xakwe wu le mbilwini yakwe;+Milenge yakwe a yi nge dedeleki.+
צ [Tsade]
32 Lowo homboloka u langute lowo lulama,U lava ku n’wi dlaya.
33 Kambe Yehovha a nge n’wi tshiki lowo lulama a hluriwa hi lowo homboloka,+Kumbe ku n’wi vona nandzu loko a avanyisiwa.+
ק [Qoph]
34 Tshemba Yehovha u landzela ndlela yakwe,U ta ku tlakusa leswaku u tshama emisaveni.
U ta swi vona+ loko lavo homboloka va herisiwa.+
ר [Resh]
35 Ndzi vone wanuna wa tihanyi la xanisaka van’wanaA nava ku fana ni murhi lowukulu emisaveni ya wona.+
36 Kambe u hatle a fa a nga ha vi kona;+Ndzi ye emahlweni ndzi n’wi lava kambe a nga kumekanga.+
ש [Shin]
37 Xiya la nga solekiki,*Tshama u langute la lulameke,+Hikuva munhu yoloye u ta va ni vumundzuku byo rhula.+
38 Kambe hinkwavo lava tlulaka nawu va ta lovisiwa;Lavo homboloka a ve nge vi na vumundzuku.+
ת [Taw]
39 Yehovha u ponisa lava lulameke;+I xisirhelelo xa vona hi nkarhi wa maxangu.+
40 Yehovha u ta va pfuna a va ponisa.+
U ta va kutsula eka lavo homboloka a va ponisa,Hikuva va tumbela eka yena.+
Tinhlamuselo ta le hansi
^ Kumbexana “U nga hlundzuki, hikuva swi nga ku vavisa.”
^ Kumbe “tiyisa.”
^ Kumbe “swakudya.”
^ Kumbe “la tshembekeke.”
