Tipisalema 38:1-22
Miloti ya Davhida leyi nga xitsundzuxo.
38 Yehovha Xikwembu xanga, u nga ndzi tshinyi u hlundzukile,Hambi ku ri ku ndzi lulamisa u karihile.+
2 Hikuva miseve ya wena yi ndzi tlhave ku ya fika endzenindzeni ka mina,Ni voko ra wena ra ndzi tshikilela.+
3 Ndza vabya hikuva u ndzi hlundzukerile.
Marhambu ya mina a ma na ku rhula hikwalaho ka xidyoho xa mina.+
4 Hikuva milandzu ya mina yi tele ngopfu;+Yi ndzi tika ku fana ni ndzhwalo wo tika lowu ndzi tsandzekaka ku wu rhwala.
5 Timbanga ta mina ta nun’hwa naswona ti ni vopfu
Hikwalaho ka vuphukuphuku bya mina.
6 Ndza tikeriwa naswona ndzi ni gome;Ndzi fambafamba siku hinkwaro ndzi ri karhi ndzi rila.
7 Ndza tshwa endzeni ka mina;Miri wa mina hinkwawo wu ni switlhavi.+
8 Ndzi hele matimba naswona a ndza ha koti nchumu;Ndzi le ku konyeni, mbilu ya mina yi karhatekile swinene.
9 Yehovha Xikwembu xanga, wa swi tiva hinkwaswo leswi ndzi swi navelaka,Naswona wa ndzi twa loko ndzi konya.
10 Mbilu ya mina yi bela ehenhla, ndzi hele matimba,A ndza ha voni kahle.+
11 Vanghana va mina a va ha ri na mhaka na mina hikwalaho ka vuvabyi bya mina,Lava ndzi tivaka va fambela ekule na mina.
12 Lava lavaka ku ndzi dlaya va ndzi rhiyile;Lava lavaka ku ndzi vavisa va vulavula ku biha hi mina;+Va tshamela ku endla maqhinga siku hinkwaro.
13 Kambe a ndzi nge va yingisi ku fana ni munhu la feke tindleve;+A ndzi nge wu pfuli nomu wa mina ku fana ni la nga vulavuriki.+
14 Ndzi fana ni munhu loyi a nga twikiLoyi a nga kotiki ku tivulavulela.
15 Hikuva ndzi rindzele wena Yehovha,+U ndzi hlamurile Yehovha Xikwembu xanga.+
16 Hikuva ndzi te: “Va nga tibumi ha minaKumbe va tsaka loko nenge wa mina wu rheta.”
17 Hikuva a ndzi ri kusuhi ni ku wa,Naswona a ndzi tshamela ku twa ku vava.+
18 Ndzi boxe nandzu wa mina;+Xidyoho xa mina a xi ndzi karhata.+
19 Kambe valala va mina va ni matimba,*Lava ndzi vengaka handle ka xivangelo va tele.
20 Loko ndzi va endlela leswinene va ndzi tlherisele hi leswo biha;A va ndzi alela ku endla leswinene.
21 Yehovha, u nga ndzi tshiki.
U nga vi ekule na mina wena Xikwembu xanga.+
22 Hatlisa u ta ndzi pfuna,Yehovha muponisi wanga.+
Tinhlamuselo ta le hansi
^ Kumbexana “Ndzi ni valala vo tala, handle ka xivangelo.”
