Tipisalema 45:1-17
Eka mufambisi; hi mayimbelelelo ya risimu leri nge, “Makhon’wa.” Maskili* ya vana va Kora.+ Risimu ra rirhandzu.
45 Mbilu ya mina yi tele hi swilo leswinene.
Ndzi ri: “Risimu ra mina ri vulavula hi hosi.”+
Onge ririmi ra mina ri nga fana ni xitsalo+ xa mukopi la nga ni vuswikoti.+
2 U saseke ngopfu ku tlula vavanuna hinkwavo.
Enon’wini wa wena ku khuluka marito yo tsakisa.+
Hi yona mhaka leyi Xikwembu xi nga ku katekisa hilaha ku nga heriki.+
3 Khama banga ra wena,+ wena la nga ni matimba,+Hi xindzhuti xa wena ni ku vangama ka wena.+
4 Famba u ya hlula eku vangameni ka wena;+Gada hanci ya wena u ya lwela ntiyiso ni lava titsongahataka ni ku lulama,+Naswona voko ra wena ra xinene ri ta endla* swilo swo hlamarisa.
5 Miseve ya wena yi tontswile, yi wisa vanhu emahlweni ka wena;+Yi tlhava timbilu ta valala va hosi.+
6 Xikwembu i xiluvelo xa wena hilaha ku nga heriki;+Nhonga ya vuhosi ya mfumo wa wena i nhonga ya vuhosi ya vululami.+
7 U rhandze ku lulama+ naswona u venge vuhomboloki.+
Hi yona mhaka leyi Xikwembu, Xikwembu xa wena xi ku toteke+ hi mafurha ya ku khana+ ku tlula tihosi tin’wana.
8 Swiambalo swa wena hinkwaswo swi nun’hwela mira, mhangani ni khasiya;U hungasiwa hi switende loko u ri endlwini ya vuhosi leyi sasekisiweke hi timhondzo ta tindlopfu.
9 Eka vavasati va xiyimo xa le henhla ku ni vana va vanhwanyana va tihosi.
Nkosikazi yi yime evokweni ra wena ra xinene, yi tisasekise hi nsuku wa le Ofiri.+
10 Yingisa, wena nhwanyana, rhiya ndleve u yingiserisisa;Rivala varikwenu ni ndyangu wa tata wa wena.
11 Kutani hosi yi ta navela ku saseka ka wena,Hikuva i hosi ya wena,Hikwalaho yi khinsamele.
12 Nhwanyana wa le Tiri u ta ta ni nyiko;Vavanuna lava fuweke ngopfu va ta lava ku kombiwa tintswalo hi wena.
13 Endzeni ka yindlu ya hosi ku ni nhwanyana wo saseka swinene;Swiambalo swakwe swi khavisiwe hi nsuku.
14 U ta yisiwa eka hosi a ambale swiambalo leswi lukiweke.
Vanghana vakwe lava ha riki vanhwana lava n’wi landzelaka, va tisiwa eka wena.
15 Va ta hlanganisiwa hi mikulungwana ni swivuvutana;Va ta nghena endlwini ya hosi.
16 Vana va wena va ta teka swikhundlha swa vakokwa wa wena.
U ta va endla tihosana emisaveni hinkwayo.+
17 Ndzi ta endla leswaku vanhu lava nga ta va kona va tiva vito ra wena hilaha ku nga heriki.+
Hi yona mhaka leyi vanhu va nga ta ku dzunisa hilaha ku nga heriki.
