Tipisalema 68:1-35
Eka mufambisi. Pisalema Ya Davhida. Miloti. Risimu.
68 Xikwembu a xi humelele, valala va xona a va hangalake,Lava xi vengaka a va xi baleke.+
2 Onge u nga va hlongola va nyamalala ku fana ni musi;Ku fana ni mhula* leyi n’okaka loko yi twa ndzilo,Lavo homboloka a va love emahlweni ka Xikwembu.+
3 Kambe lavo lulama a va tsake;+Onge va nga tsaka swinene emahlweni ka Xikwembu;Onge va nga khana va tsaka.
4 Yimbelelelani Xikwembu; yimbelelani mi dzunisa vito ra xona.+
Yimbelelelani Loyi a hundzaka hi le mananga.*
Vito ra yena i Yehovha!*+ Tsakani emahlweni ka yena!
5 Tata wa vana lava nga riki na tatana ni musirheleri* wa tinoni+I Xikwembu lexi tshamaka endhawini ya xona yo kwetsima.+
6 Xikwembu xi nyika lava nga riki na mupfuni kaya;+Xi tshunxa vabohiwa xi endla leswaku va humelela.+
Kambe lava omeke tinhloko* va boheka ku tshama emananga.+
7 Xikwembu xanga, loko u rhangela vanhu va wena,+Loko u famba emananga, (Selah)
8 Misava yi tsekatsekile;+Tilo ri nise mpfula hikwalaho ka Xikwembu;Sinayi leyi yi tsekatsekile hikwalaho ka Xikwembu, Xikwembu xa Israyele.+
9 Xikwembu xanga u nise mpfula leyikulu;U nyike vanhu* va wena lava karhaleke matimba.
10 Va tshame ematendeni ya wena;+U pfune swisiwana hikwalaho ka vunene bya wena, wena Xikwembu.
11 Yehovha u lerisile;Vavasati lava twarisaka mahungu lamanene i vuthu lerikulu.+
12 Tihosi ta mavuthu ta baleka,+ ti dya hansi!
Wansati la saleke ekaya u averiwa leswi phangiweke.+
13 Hambileswi n’wina vavanuna a mi etlele ekusuhi ni ndzilo wa le nxaxeni,*Ku ta va ni tuva leri nga ni timpapa ta silivhereLeri nga ni timpapa ta nsuku wa xiyimo xa le henhla.
14 Loko Lowa Matimba Hinkwawo a hangalasa tihosi,+Ku we gamboko eZalmona.*
15 Ntshava ya Baxani+ i ntshava ya Xikwembu;*Ntshava ya Baxani i ntshava leyi nga ni tinhlohlorhi.
16 Hikwalaho ka yini n’wina tintshava ta tinhlonhlorhi, mi yi languta hi ku vondzokaNtshava leyi Xikwembu xi hlawuleke* ku tshama eka yona?+
Kunene, Yehovha u ta tshama kwalaho hilaha ku nga heriki.+
17 Makalichi ya nyimpi ya Xikwembu i makume ya magidi, i magidi ya magidi.+
Yehovha u te endhawini yo kwetsima a huma eSinayi.+
18 U tlhandlukele ehenhla;+U teke mahlonga;U kume tinyiko leti ku nga vavanuna,+Hambi ku ri lava nga ni nkanu,+ leswaku wena Yehovha Xikwembu u ta tshama exikarhi ka vona.
19 A a dzunisiwe Yehovha, loyi siku ni siku a hi rhwalelaka mindzhwalo ya hina,+Xikwembu xa ntiyiso lexi hi ponisaka. (Selah)
20 Xikwembu xa ntiyiso i Xikwembu lexi hi ponisaka;+Naswona Yehovha Hosi Leyi Tlakukeke wa hi ponisa eka rifu.+
21 Ina, Xikwembu xi ta phyandlasa tinhloko ta valala va xona,Thavathava leyi nga ni misisi ya un’wana ni un’wana loyi a nga tshikiki ku dyoha.+
22 Yehovha u te: “Ndzi ta va humesa eBaxani;+Ndzi ta va tsavula exikarhi ka lwandle,
23 Leswaku nkondzo wa wena wu ta kandziyela ngati+ ya valala va wena,Ni ririmi ra timbyana ta wena ri nantswela ngati ya valala va wena.”
24 Xikwembu xanga, va vona vanhu va wena va longoloka,Ku longoloka ka vanhu va Xikwembu xanga, Hosi yanga, loko va ya endhawini yo kwetsima.+
25 Vayimbeleri a va rhange emahlweni, endzhaku ka vona ku va ni vatlangi va switende;+Exikarhi a ku ri ni vanhwanyana va ri karhi va ba swingomana.+
26 Dzunisani Xikwembu exikarhi ka ntshungu;*Dzunisani Yehovha, n’wina lava humaka eXihlobyeni xa Israyele.+
27 Kwalaho ku na Benjamini+ lontsongo, wa va hlula,Ni tihosana ta Yuda ni ntshungu wa tona lowu baka pongo,Tihosana ta Zebuloni, tihosana ta Neftali.
28 Xikwembu xa n’wina xi vule leswaku mi ta va ni matimba.
Kombisa matimba ya wena, Xikwembu xanga, loyi a hi pfuneke.+
29 Tihosi ti ta ku tisela tinyiko,+Hikwalaho ka tempele ya wena leyi nga eYerusalema.+
30 Tshinya swiharhi leswi tshamaka exikarhi ka tinhlanga,Tinkuzi+ ni marhole leswi hlengeletaneke,Ku fikela loko vanhu va khinsama va tisa* silivhere.
Kambe u hangalasa vanhu lava tsakisiwaka hi nyimpi.
31 Swibya swa bronzi swi ta huma* eEgipta;+Kuxi u ta hatlisela ku nyika Xikwembu tinyiko.
32 Yimbelelelani Xikwembu n’wina mifumo ya misava,+Yimbelelani mi dzunisa Yehovha, (Selah)
33 Loyi a fambaka ehenhla ka tilo leri ku nga khale ri ri kona.+
Vonani! Wa dzindza hi rito rakwe, rito rakwe ra matimba.
34 Dzunisani Xikwembu hikuva xi ni matimba.+
Vukulu bya xona byi le henhla ka IsrayeleNi matimba ya xona ma vonaka exibakabakeni.*
35 Xikwembu xi lava ku chaviwa ni ku xiximiwa endhawini ya xona yo kwetsima.+
I Xikwembu xa Israyele,Lexi nyikaka vanhu va xona matimba.+
A ku dzunisiwe Xikwembu.
Tinhlamuselo ta le hansi
^ Ku nga mafi lama damarhelaka lama kumekaka laha tinyoxi ti endlelaka xihlenge kona.
^ Kumbexana “mapapeni.”
^ Kumbe “Yah.” “Yah” i nkomiso wa vito leri nge Yehovha.
^ Hi Xiheveru, “muavanyisi.”
^ Kumbe “vaxandzuki.”
^ Hi Xiheveru, “ndzhaka.”
^ Kumbexana “matshanga ya tinyimpfu.”
^ Kumbe “A swi fana ni loko ku we gamboko eZalmona.”
^ Kumbe “ntshava leyikulu.”
^ Kumbe “lavaka.”
^ Hi Xiheveru, “etinhlengeletanweni.”
^ Kumbexana “kandziyela.”
^ Kumbexana “Vayimeri va ta ta va huma.”
^ Hi Xiheveru, “emapapeni.”
