Tipisalema 76:1-12
Eka mufambisi; risimu leri fambisanaka ni switende. Miloti ya Asafa.+ Risimu.
76 Xikwembu xa tiviwa eYuda;+Vito ra xona i rikulu eIsrayele.+
2 Vutumbelo bya xona byi le Salema,+Xi tshama eSiyoni.+
3 Kwalaho xi tshove miseve leyi pfurhaka,Xitlhangu, banga ni matlhari ya nyimpi.+ (Selah)
4 Wa vangama swinene;*U tlakuke ku tlula tintshava leti ku hlotiwaka eka tona.
5 Lava nga ni xivindzi va phangeriwe swilo swa vona.+
Va file;*Tinhenha a ti kotanga ku endla nchumu.+
6 Xikwembu xa Yakobo,Muchayeri wa kalichi ni hanci va file* hikwalaho ka ku tshinya ka wena.+
7 Hi wena ntsena la hlamarisaka.+
I mani la nga yimelaka ku hlundzuka ka wena lokukulu?+
8 U endle leswaku vuavanyisi bya wena byi twiwa ku suka etilweni;+Misava a yi chava naswona a yi miyerile+
9 Loko Xikwembu xi avanyisa,Leswaku xi ponisa hinkwavo lavo rhula emisaveni.+ (Selah)
10 Hikuva vukarhi bya munhu byi ta ku dzunisa;+U ta tivangamisa hikwalaho ka vukarhi bya vona.
11 Endlani switshembiso eka Yehovha Xikwembu xa n’wina, mi tlhela mi swi hlayisa,+Hinkwavo lava nga ekusuhi na yena a va tise nyiko ya vona hi xichavo.+
12 U ta tsongahata varhangeri lava tikukumuxaka;U endla leswaku tihosi ta misava ti n’wi chava.
Tinhlamuselo ta le hansi
^ Kumbe “U funengetiwe hi ku vonakala.”
^ Hi Xiheveru, “etlele.”
^ Hi Xiheveru, “etlele.”
